Addis Ababa Waysuk 28 sanat 2016 (ENA) Sanat 2017 Qunxa garabluk xabba haanam agat caddol buqre Fokkaaqoh loowo gexsiisoonuh bicak gaba kaleh yanim tiysixxige. 2017 buqre ceelalloh loowoh makaado naharsi daffeyna gexsisse. Inkih tan buqre ludditte edde anuk buqre ceelalloh loowo ityoppiya buqre luddal leh tan gadditte gitah yamixxigeenim kee pooliisi bicisoonuh kaxxa tuxxiq lem qaddosen.   Ekraaro Kee Daddoosih Malaak Perfect Asefa (Dr.); Tama Loowo Kulli Rakaakayitte Kee Magaalah Xiinissoh Aracal Akkelem Yiysixxige. Buqre Kee Saqi Gadda Edde Anuk Buqre Luddal Geytimta Gadditte Loowoh Addat Culelem Yiysixxige. Tahak Ugut Abak, Itiyoppiyal Buqreh Milaagih Loowo 22 Sanatak Naharal Tekkem Kassiise. Tahak Ugut Abak, Sanat 2017 Qunxa-Garabluk Agat Caddol Gexsitele Buqre Ceelalloh Loowo Dumaak Sugte Loowok Muxxi Baar Le Caddol Gexsitele Axcuk Qaddoose. Tama Loowo Dariifah Qidaddoh Milaaguk Nammay Haytoh Exxa Kinnim Kee Buqre Luddih Daddoosih Tuxxiq Kaxxam Faxximtam Yiysixxige. Usuk elle yescessennal buqre qaynatih loowo inki sanatih addat September alsak 2017 xabba haanam akkele; Usuk Iyem Dumah Loowoh Addat Akah Anewaytam, Axcih Cagay Buqre, Lemat Daaran kee Buqre Qasriino Taamoomi Edde Anuk Geytimaanam Yiysixxigen. Lowso sidooca murtissoh waktil inkih takkem, axcih sugum, cagay buqre kee sugum, kee qunxa buqreh xiinaay, investimentih buqre abtah tan kaxxa buqre kee koobaahissoh eglaali buqreh tan baaxooxal edde cultam warse.   Tama Loowo Buqre Luddal Dibuk Hinnay Baaxoh Caddol Kaxxam Tuxxiq Lem Buqre Malaakah Tan Girma Amente (Dr.) Qaddosse. Buqre Luddal Baaxoh Addah Murtuk 1/3 Gaba Takkem Kee Ta Luddal Yekkeh Yan Milaagu Baaxoh Dadalah Kaxxa Doori Lem Yiysixxige. Usuk Iyeh Loowo Tuxxiq Lem Buqre Luddal Maddur Addat Leh Yan Doori Edde Radoonuh. Isi Exxak, Itiyoppiyak Istaatistiksi Ayfaafay Naharsi Dayrekterih Yan Gifta Beker Shale (Dr.) Tama Loowoh Faxxiima Bica Akah Abak Geytimaanam Qaddoose. ESA 62,000 daga takke taama abeynit loowot gabah agle lem warsan. 2017 Buqre Sample Census String Makaado Ekraaro Kee Daddos Malaaka Kee Buqre Malaakak Miraacisak Doolat Fanteenaaniiy, Daddoosih Eglaali Kee Kalah tan Wagsiisak Geytimta Fanteenaani Edde Anuk Geytimta.

Addis Ababa waysuk 27 sanat 2016 (ENA) Qabalat dacrisne baaxo Qidaddo Amobaxxaaqak maqarrosnuh qiso elle faxximtannal meklaanam faxximta Axcuk Ciggiila Naharsi Malaak Temeseng Tiruneh Qaddoyse :: Qiso baaxoh kunnabnaay, liggidi qiso kee gumuruuk Uguugusuk Amogahsa kee Qusba Uguugusuk Qemmissoh Taddeera gexsen ::   ciggiila naharsi malaak Gifta Tamasgen Turuneh Elle Qaddoyseh Yan innal Faxe Baaxoh Doolat Isi Masquliyyat Elle Faxximta innal Yawaqu Kee Baaxo Xayloh Culteh Tan Xagana Arac Xagissuh Qiso Kee Culenta Elle Faxximta Innah Gaaboysaanam Faxximtam Yiysixxige :: Tatre Sanootah Milaagih Addat Daddos Taamoomi Arac Xagtuh Itiyoppiyah Doolat Culenti Gaaboysiyyih Duddal Osisak Geytimtam Qaddoose :: Baxaabaxsale angoyyitte tekkeh tanim qaddoysak qiso kee gumuruuk madqah assakoxxa ossimak Qiso Agat Massakaxxah Anggoyyih Qiso Akah Meklan Innah Ayyuntak Mablah Uguugusoonuh Mango Taamoomi Tekkeh Tanim Qaddose :: Itiyoppiya Inkih Tan Amobaxxaqa Leh Tan Baaxo Akah Takkena kee Kallacih Gaba Ruube Wayta Baaxo Akah Takkennah Maqarle Maddur Xisaanam Faxximtam Yiysixxige ::   Tahak Ugut Abak Itiyoppiya Afrikah Leeddah Ceelallo Akah Takkennah Abak Sugte Soono Arac Xagtuh Qiso Faxxiima Gital Akah Gaaboosan Innah Abaanam Faxximtam Yiysixxige :: Itiyoppiyah xaylo agiirinnal baaxoh cuduuduu kee xinto Diggoyseenim kassitnah Qabalal daccarisneh nan baaxoh qidaddoh amobaxxaaqa diggoowuh qiso elle faxximtannal meklaanam faxximta iyyen :: Itiyoppiya Liggidi Baajet Duddale Caddol Baaxoh Addah Culenta Akah Kobxisan Innah Abe Waytam Kassiisak Amoladi Baaxoh Addah Murtit Wagittaamal Qiso Akah Kobxisan Innah Abak Geytiman Saami Inki Ixximaak Daga Kinnim Qaddoose :: Baaxo Xaylo Qiso Meklak Baaxo Fayya Haanam Faxximtam Yescesseh Tahak Ugut Abak Itiyoppiyah Daddos Faxe Waah Yan Mari Yayyaaqeh Yan Yab Ankacise kal Daddos Fanah Hangi Haytam Faxximtam Kassiise :: Tama Taddeeral Akkuk Suge Gaadi Elle Faxxiima Innal Araca Xaguh Macalte Rakaakay xisoosa kee magaalâ xiinissoh gadda gacse ::

Addis Ababa waysuk 25 sanat 2016 (ENA) Maaliyyah Malaak Gifta Acmad Shiide Elle Qaddosennal Milaagi Sanootal Baaxok Abuud Quuka Sahalloysaanamal Maqar Le Xalu Geysissieh Tan Taamoomi Tekkeh Tanim Qaddoose :: 6 hele Ummattah Awlaytiitih Malah buxa 3 heele sanatak 35 heele madab kobox Gexisak baxaabaxsale Kuktitts fokkaaqak faataciseenih Yaniinim Qaddoysen :: Sanat 2017 Federaal Miizaaniyyat Qagunti kukta Wagittaamal Maaliyyah Malaakah Yan Gifta Acmad Shide Malah Buxah Adoytit Ugutteh Tan Esseroora Raddi Kee Baxxaqsa Elle Yacayu Xiqem Qaddoysen :: Ta Malah Buxak Adoytiiti Mizaaniyyat Lee Keefiyen Inna kee Abuud Sahaloysiyyat Kalah Tan Caagiidal Esseroora Kee Mabla Xayyooseenih Yaniimim Timixxige :: Maaliyyah malaak Gifta acmad shiide yeceh yan raddi kee baxxaqsa elle yescessennal taturte 6 sanatih addat yekkeh yan milaagul abuud quuka salcisoonuh maqar le xalu bahteh tan taamoomi tekkeh Tanimiy Baxxaqise :: Abuud quuka salcisoonuh Tekke Taama Assakat leem Qaddoysak Taturte 5 Sanatih Addat 9 Ila 10 Biliyoonih Doolaarak Daga Yakke Afa Baaxoh Abuud Meklaanam Yiysixxige ::   Milaagi sanootah addat abuud kee ribah caddo dubuk 0 ilaa 1 gaba Kinnim Qaddoysak Tama Abuuduk Der Ramaqah Uddur Lee Abuud Kinnim Qaddoyse :: Federeeshin Malah Buxa Xayyosseh Tan Formulal Miizaaniyyat Akah Yibbixen Innah Abeh Yan Yaabal Qaddoose:: Qiso Culenta Osisoonuh Qusba Qiso Siirat Bicisak Geytimaanam Qaddoose :: Malah Buxa A kimaalih Ayro Madabiino Daffeynal Itiyoppiya Kee Kuweetih Fanal Taama Abeynit Luddal Aben Sittin Gey Kukta Fokkaaqak Faaticise :: Toh tonnal anuk Majlis Dabbo Maritte Kee Agattiinah Ayfaafay Qagitaak Xisoonuh Xayyoowe Kukta Edde Faaticiseenim Tamixxige ::

Addis Ababa waysuk 25 sabat 2016 (ENA) Itiyoppiyak Qaran Merrah Egla Poolanxih Inaytah Tan Warsaw Fanah Qusba Haadiyya Kimaali Carra Qimmiseenih Yaniinim Qaddoosen :: Tama Haadiyyi Ayyaamat affara ayro yakkowaam Qaddoysen ::   Ta Ayfaayf Qemmisiisiyyih Tadderal Doolatak Fayya Le Miroctiiy Itiyoppiyak Qaran Merrah Fayya Le Miroctiiy Itiyoppiyal Polanxih Ambasadderih Yan Przemyślów Bobak Edde Anuk Kalah Tan Arcibisen Qibini Edde Yengeleh Yanim Qaddoysen :: Afa Caagiidah Malaakih Deeta Ambasadder Misganu Arga Tama Haadiyya Qimmisam Namma Baaxoh Fanat Yan Siyaasa Kee Maddur Angaaraw Diggoyselem Qaddoose :: Namma Baaxo Teknoloji, Buqre Daddos Kee Kalah Tan Sittin Gey Luddal Sitta Lih Taamitaanamih Saami Lem Qaddoose :: Itiyoppiyak Qaran Merrah Eglak Saqalah Yan Gifta Masfin Tasewu Elle Polanxih Fan Qusba Haadiyya Qimbisaanam Ossotinah Xalu Kinnim kee Ta Qaran Merrah Sisikuk Baad Caddol Geytimta Wadboobi Baarisak Geytimaanam Qaddoose ::   Tah Baadak Qaran Meraytih Retteemal Baxsa Luk Awroppah Qadaagah Addat Qaran Merraytih Saami Osisele Axcuk Qaddoyse :: Tama Haadiyya Qimmisaanam Namma Baaxoh Fanal Yanih Yan Tellemmo Angaaraw Osisaanam Kee Ummatta Kee Ummattah Angaaraw Diggoosaanamal Kaxxa Tuxxiq Lem Yiysixxige :: Itiyoppiyal Polanxih Ambasadderih Yan Przemysław Bobak Is Lee Katuk Elle Qaddoysennal Tama Haadiyya Qimmisaanam Namma Baaxoh Fanat Yan Qidaddo Kee Siyaasa Angaaraw Diggowuh Kaxxa Cato Lem Yiysixxige :: Itiyoppiyak Qaran Merrayti Liggidi Culenti Sanat 2035 Ila 25 Biliyoonih Doolar Fanah Fayya Haanam Kee Sanatal 67 Miliyoonih Safar Abak Geytimaanamih Mablal Taamitak Geytimaanam Qaddoosen ::

Addis Ababa waysuk 24 sanat 2016 (ENA) Afa Caagiidah Malaakah Deeta Ambasadder Birtukan Ayano Elle Qaddossennal Nammay Haytoh Hora Itiyoppiyah Xaylo Investimentiiy, Baxaabaxsa Le Daddoosih Taamoomi Kee Labbat Ayfaafayih Taamoomil Isinni Asta Daffeysoonuh Bicitte Akkuk Geytimaanam Qaddoose ::   Naharsi Malak Abiy Acmad (Dr.) Baad Caddok Baxaabaxsa Le Baaxooxal Geytimta Nammay Haytoh Ubkale Itiyoppiyah Xaylo Ta Karmat Sinni Baaxo Culak Isinni Raat Cabaanam Faxximtam Kassitna :: Tahak Amakkaquk 26 haytoh Harar Ayroh Qaffaydat Awustiraaliya Kee Ameerikak Temeeteh Tan 2 hele Horah Itiyoppiyah Xaylo Bole Baadak Tayyaarah Booxal Arcibah Qaffayda Gexsen :: Afa Caagiidah Malaakah Deeta Ambasadder Bertukan Ayano Harari Rakaakayih Mirocti Lih Sitta Lih Gacak Garayyo Keenih Aben :: Ambasadder Birtukan Ayano 2 haytoh Hora Itiyoppiyah Xaylo Naharsi Malaak Abiy Acmad (Dr.) Sidoc haytoh Addah Baxaabaxsa Le Luddal Isinni Raat Cabaanam Faxximtam Kassiise ::   Tahak Ugut Abak, Baritto Alfimteemih Taagah Mangoh Tan 2 hayto Adok Itiyoppiyah Xaylo Isi Baaxo Aaxigeloonum Qaddoose :: Naharsi Malaak D/r Abiy Acmad Abeh Yan Seeco Ugutak Baxaabaxsa Lee Luddal Gabah Assagolla Akah Diggosan Innah Investimenti Edde Anuk Hararih Ayroh Qaffaydat Angaluk Itiyoppiya Fanah Temeeteh Tan Baaxo Xaylo Faxxiima Qokol Abelem Qaddoysen :: Itiyoppiyal Sugaanah Yanin Udduurih Addat, Daddos Taamoomit Gufne Abeloonum Kee Sinni Raat Caboonuh Meqe Caalat Ginaanamih Taama Cubbil Abak Geytimaanam Baxxaqisen :: Harari Rakaakayak Leeda Partih Luddih Kutbeh Buxak Ciggiila Saqalah Yan Gifta Qabdul Cakeem Qumar Elle Qaddoosennal, Rakaakayak Xayloh Tan Diasporah Adoytit Harari Ayro Yassakaxxeenimik Xabanat Baxaabaxsa Le Meqem Abit Taddeerit Edde Angaloonuh Rakaakay Caddol Bicitte Tekkeh Geytimaanam Qaddoose :: Cinda Le Qaafiyat Ayfaf, Barittô Buxah Uwwayti Qokol Kee Anxaxin Raatih Taama Edde Anuk Baxaabaxsa Le Taamoomi Akah Aban Innah Abak Geytimaanam Yiysixxige ::   Gifta Qabdulcakim Itiyoppiya manggo gitittel milaagimtem qaddoyseh yan waqdi, 2 hayto horak Itiyoppiyah xaylo meqe caalatat antafaquk daddos taamoomit gabah agle haysittam faxximtam yescesse :: Itiyoppiyak Diyasporah Ayfaafayak Ciggiila Saqalah Tan Belayah Akanau Elle Qaddossennal Naharsi Malaak Abeh Yan Seecook Ugut Abak 2 haytoh Addah Itiyoppiyah Xaylo Namma Gexoh Yemeetenim Qaddoyse :: Kalah Kaaduk Elle Qaddosennalaay Sidoc haytoh Addah Seeco Abak Nammay haytoh Addah Itiyoppiyah Xaylo Caxah Alsak 20/2016 Xabba Haanam Sidiica Alsih Addat Isi Asta Cab Miracsenta Mabla Luk Isini Baaxo Yaaxigoonuh Yekkeh Yanim Qaddoose :: Agat Caddoh Seeco Itiyoppiyal Asmatah Yan Caalat Numtin Amol Yabloonuh Saami Aceele Axcuk Qaddoose :: A saaku Addis Ababa gufteh tan 2 haytô horah Itiyoppiyah xayloh fanak Awustiraaliyal Amoladi dayla abe Jamaal Macammad (D/r ) ENA Elle Qaddoysennal oson sinni baaxoh ayfaf yaceenim gulguluh yaniinim Qaddoyse :: Isinni baaxo culeenik gamadal, baxaabaxsa le daddos kee midriinoh cugaysoosa qimbisoonuh gulguluh yanin Qaddoysen ::

Addis Ababa waysuk 24 sanat 2016 (ENA) Addis Ababal Gaba Kalteh Tan Koridor Daddoosih Taamoomik Ummattah Awlaytiitih Malah Malah Buxah Adoytit Gufne Aben :: Addis Ababah Magaalah Xiinissoh Saqal Gifti Adanech Abebey Mala Buxal Doolat Awulaytu Tesfaye Beljige (Dr.) Miraacisa Malah Buxak Adoytit Gufuney Aben :: Tama Gufneh Uddur, Piayssak Arat Kiilo Kee Meksiiko Saar bet Fanah Gexak Sugte Koridor Daddoosih Cugaysoosa Gufne Abak Geytiman ::   Addis Ababan Magaalah Xiinisso Saqal Gifti Adane Abebe. Tama Cugayso Afrikak Inaytah Tan Addis Ababa Migaq Elle Yascassennal Qusbaah Baxsale Magaala Tet Abtem Tiysixxige :: Tam Cuggayso 47 Alfi Takke Qunxaaneytah Taama Saami Ginteh Tanim Kassiisih Gifti Adaneche Abeebe Ascassuk Oson taama 24 saaqatih addat tekkem Taagah Akah Yibbixen Udduruk naharal gaba kaltem qaddoysen :: Magaala Saqal Adanech Abebe Elle Qaddossennal Taham Kaaduk Qunxaaneyti Taama Qaada Milaagimeh Yanim Qaddoose :: Tama Koridor Daddoosaanam Addis Ababa Ummatta Raacat Elle Takke Magaala Takkuh Baad Caddoh Dacrisak Geytimta Magaala Takkuh Xiqtem Yiysixxigen :: Ossotinah Tarafik gexso yaysiiseenim kee Ibah gexa marih raacat kee nagaytaniinah kaxxa doori digirtaamih taagah gufneh yemeete marah warsen :: Tama Cugayso Akah Takkennah Magaalah Ayyunta Kee Rakaakay Xayloh Gadda Gacseeh Bisoh Haanam Faxximtam Kassiise :: Malah Buxal Doolat Awulaytu Dr. Tesfaye Belejge Koridor Daddoosaanam Baaxo Biso-Maxcoh Safar Abak Geytimtam Tascassem Kinnim Yiysixxige :: Majlisik Adoytit kaaduk doolat abteh tan daddos taamoomi gaba kalaanam Qaada Haysitak Geytimaamih sumaqta kinnim Qaddoyseenih Yaniinim Majlisik geytime oyti yascasse ::

Addis Ababa waysuk 23 sanat 2016( ENA) Maaliyyah Malaak GiftabAcmad Shiide Jabuutik Elmo Malaakah yan Yunis Qali Gude Lih Gacak Horizon Siraglele Terminaalak Taama Gexseh Y an Qumar Casan Lih Walal Abeh Yanim Qaddoysen :: Jabuutil tan Horizon Siraglele Terminaal kaxxa dammiyo faxxaah, Itiyoppiyak ossimak geytimta Siraglele fayxi kibbi Wataamih sabbatah Jabuutik Itiyoppiya fanah ayrook ayro tabsan Siraglele waktil Addat yan taqabi yafdigeenimih hadaf lem walal kinnim qaddosen :: Tama Walalal Gifta Acmad Elle Qaddoyseh Itiyoppiyal Osak Geytima Siraglele Fayxi Hangi Haak, Xayyos Faxxiimam Qaddoose Oson fidgaagi kusaaqisen taqabitte fidga Geytuh terminaalat Gufune Abe :: Gifta Qumar Casan Elle Qaddoyseh Yan Innal Itiyoppiyak Siraglele Fayxi Kibaanam Naharsi Fayxi Kinnim Yescesseeh Siraglele Terminaal Bicisaanam Kee Baarisaanamih Taama Akkuk Geytimtam Qaddoose :: Tahak Ugut Abak, Namma Malaakih Sittin Gey Abak Metteebanni Makaado Xisoonuh Siraglele Fanteenah Xayosiyyih Xayos Lowsiisoonuh kee Taama Gexsit Udduruuk Uddur Boodah Tan Taqabitte Yafdigoonuh Taama Takku Waytam Qaddoysen :: Tama Walalal Ambasadder Birhanu Tsegaye Horizon Siraglele Terminaalak Saqal Gifta Qumar Edde Anuk Itiyoppiyak Siraglele Xayyossoh Kompaanih Saqolti Edde Tengelem Qaddoosen ::    

'Addis Ababa waysuk 23 sanat 2016 (ENA) Keemikal Industirih Korporeeshin Sanat 2016 Miizaaniyyat Liggidak Tatre 11 Alsih Addat 5 Bilyoonih Birrih Culenta Geytem Yiysixxigen. Keemikal Industry Corporation deqsitta kampaani, buqre, qaafiyat, xisne, manufacturing kee kalah tan sekterittel geytimta industry keemikal Xayyoysak Geytimtam Missoyna Kinni :: Tama Korporeeshin Muger Siminto Fabrikaay, Adami Tulu Dumqah Dayli Fabrikaay, Awash Melkasa Keemikal Fabrikaay, Batu Caustic Soda Fabrika Kee Rubber Caxah Daddos Kee Murtissoh Cugaysoosa Sinni Guba Haak Miraacisak Geytimta Qaddoyse :: Korporeeshinih Saqal D/r Hundesa Dessalegn EANh Elle Qaddosennal, Tama Korporeeshin Fabrikaakih Addat Geytimta Kemikaal Murtitte Baaxoh Addah Kee Iro Baaxoh Qadaagah Xayyoosak Geytimtam Qaddoose :: usuk yescesem tah qidaddol doori digirak geytimam murtisso kee fayda osisak fertilizer culma, mirta caxa murtisso, siminto kee sitta ceela kemikaal murtisso. Tatre 11 Alsih Addat Baaxoh Addal Kee Iro Baaxoh Qadaaga Xayyooseh Yan Kemikaal Murtittek 5 Biliyoonih Birri Culenta Geysiiseh Yanim Tamixxige :: Tatre Sanat Wagsiisak Tah Boolul 28.9 Gaba Fayya Iyyem Yiysixxige :: Ta Korporeeshinih Addat Geytimta Rubber Tree Murtih Exxah Aw Inkih Tan Maqmilwa Xayyoosak Geytimtam Kee Tama Sekteril Geytimta Dudda Fayya Haanam Faxximta Caddo Fanah Akah Gexannah Abak Geytimaanam Qaddoosen :: Ceelalloh Oromiyah Rakaakay Kee Gabbi Ayro Mawqah Itiyoppiyak Ummattah Rakaakayal 6000 Hektaarak Daga Takke Baaxol Rubber Coox Elle Yayyaaqeenim Yescesse. Usuk Iyem Garab Milyoonih Coox Dabisen Ta Cugaysoh Fanat kee Korporeeshin Inki Alsih Addat Illa 30 Tonih Gabakale Mirta Coox Gaaboselem Yiysixxige :: Ta Luddal Agat Caddoh Fayxi Akah Yabbixen Innah Abak Mirta Caxa Daddos Kee Murtissoh Cugayso Iro Baaxoh Limoh Culenta Osisaanam Faxximtam Yiysixxige ::

Addis Ababa waysuk 22 sanat 2016 (ENA) Meraytu Kee Lojistik Malaakah Yan Alemu Sime (Dr.) Keeniyah Baaxol Geytimta Gititte Kee Merayti Kabineh Saqalah Yan Kipchumba Morkomen Lih Namma Baaxo Sitta Luk Taamitak Geytiman Caagiidal Walal Abe :: Tama Walalal, Namma Baaxooxa Kee Dariifa Meraytu Kee Lowsis Sekterih Caagiidil Walal Gexsenik kee Baxsa Luk Namma Baaxoh Angaarawih Giti Daddoosih Caagiidal Walaleenih Yaniinim Qaddoosen ::   Itiyoppiya Kee Keeniyah Fanal Tellemmoy Qidaddo Daddoosu Kee Sittin Qokol Elle Diggowtannah Wagitaamal Walal Gexseenim Yiysixxigen :: Merayti Malaakak Geyne Oyti Elle Yascassennal Kiniyal Itiyoppiyah Ambasadderih Tan Baacha Debele Tama Walalal Tengelem Qaddoysen ::

Addis Ababa waysuk 20 sanat 2016 (ENA) Itiyopiya kee Gabbi Qaxih Suudan Qada Maroh Liggidih Loowok Laqini Alsak 2023 Abeenih Yanin Sittin Geyiy 738 Miliyoon Doolar Sittin Gey Ugutak Namma Baaxo Yasgooroweh Yan 220 K.m Deddar lee Gita Xisaanam Faxan :: Gabbi Qaxih Suudanak Agatak Tabsi Madqa Tayyaqe Mala Buxa Itiyopiya kee Gabbi Qaxih Suudan Cuduuduk Taba Gita Xisoonuh Yekke Sittin Maali Sittin Gey Faaticisse ::   Tama Cogayso Itiyopiya kee Gabbi Qaxih Suudan Fanat Fayya Axcuk Geytimah Yan Sittin Qokol kee Itta Luk Yantifiqimeenimih Angaarawu Ayballuk Namma Baaxo Fantaaxawu Fayya lee Caddo Maadisoonu kee Qidaddo Fantaaxawu Diggoysaanam Hadafah Lem Qaddoysen :: Tama Sittin Gey Malah Buxah Inki Xongolol Faaticimek Lakal Perezixant Salvakir Ellacabo Ruksatah Xayyoowem Afa Caagidah Malaakih Oyti Qaddoysa

Addis Ababa Waysuk 19 sanat 2016 (ENA) Federal doolat Iko Gacsih kukti Qidado baatilitte kalaloonuh kaxxa tû-xiq aallele lem Qadli Malaak Dr. Gexiyon Timotiyos qaddoyse. Ta Malaak saying widdir mayti Makaadot Miraacisimah yan Iko Gacsal qagunti kuktak hadaf Kee tû-xiqiiy, away elle yan caddo wagsiisak xaagu qawah Baxxaqsa abe. Iko Gacsih kukti Qidado baatilitte kalalam xiqam Kee gadda gecsaanamih taama abbinowtuh gaanuun akah daffeesaanam Kee raceena Akak amixxige sinni gadda gecsaanamak dudda gaanuunuy, yamixxige akah daffeesaanam Kee baad caddoh Madea katayak dudda luk xayyoowe qagunti kukta kinnim Baxxaqse

Addis Ababa waysuk 19 sanat 2016 (ENA) Itiyoppiya irô Culentih Tellemmo Akak Cultatah tan 60kiili mitir xexxxaarah yakke yan dumaak yan Awaashak-Axaama gitak Qeedaabo taama abak geytiman. Ta gitih Qeedaabol assuh 816 miliyeeniy, 465 alfiiy, 221 birri Itiyoppiya tacee duyye kinnim qaddoysen.   Awaashak-Axaama fan beyanah yan giti Itiyoppiyak ayrô mawqa le katih Dariifa yasgooroweemik kalah Axaama Kee Sidiica Daqar yasgoowem yiysixigen. Dariifal mangom geytimah yan buqre murti Fanteenal xayyoysoonu Kee Awaasha Agat Parki wacaysirih gexeenoh kaxxa tû-xiq lem timixige

Addis Ababa waysuk 19 sanat 2016 (ENA) Buqre Malaak Dr. Girma Amente Miraacisa erga kulli namma sanataak Norwayil Gexsitta "Oslo Tropical Forest Form” mit yengeleenih geytiman. Ta erga daffeynak gambit nammay takkoh Caagiidal rosqâ milaaguu Kee Dariifa dacayrih Malaak Lih Walalen. Tonnah Norweyik Irô Caagiidah Malaak Kee Norweyik baad caddibnah daddoosih ejensik leenah xayrekter Kee Norweyik baad caddok Hawa milaagu Kee garboh inashiitivik ciggiila xayrekterih lih le Walal abak yiysixigen.   Itiyoppiya cuggaane baaxo edde anuk Algin raatih daddoosih taamay taturte sanootat abak temeete xalot geysiisak temeetemit yaaben. garbô qaruq raaqisak garbo ginaanam Kee doolat finqitte baaxoy tu elle aabuke sinni elle missoysaanam xiqan kukta akah missoysak, cagay buqre Kee gadbo xalootuy, Maaqiddi caabi isinnik arcisaanamak taturak sarrah tayse mano aracat haanamal Itiyoppiya baxsa le abak geytim ta gudgudul Buqre Malaak Dr. Girma Amente Baxxaqse.  

Addis Ababa, Waysuk 19 sanat 2016 (ENA) Tatre 11 Alsih Addat Afa Baaxoh Qadaaga Xayyoosen Caxa-Faaruh Murtik 7 Ximmooy 5 Miliyoonih Doolarih Culenti Akak Geytimem Buna Kee Shaahih Abbatiino Qaddosse. Tama Abbatiinok Leena Dayrekterih Yan Dr. Adugna Desalegn:- Itiyoppiya 50 Daga Takke Caxa-Faaxu Tamruteh Tanim Ascassuuk:- Tamakkeh Fanak 16 Takkem Baad Qadaagah Xayyoowak Geytimtah Tanim Yiysixxige. Tahak Ugut Abak, Baxaabaxsa Le Qaynatih Caxa-Faaru Axcuh Koreerimaay, Kundo Barbareey, Gangibil Kee Barbareh Innah Tanim Afa Qadaaga Xayyowteh Tanim Qaddoose.   Tama Murtitte 39 Takke Baaxooxa Fanan Ruubeenim Tama Leena Dayrekter Yiysixxige. Mizaaniyyat Liggidal 11 Alsih Addat 8 Alfiiy 400 Toonih Caxa-Faaru Baxaabaxsa Le Baad Qadaagah Ruubak 7 Ximmooy 5 Miliyoonih Doolarih Culenti Akak Geytimeh Yanim Qaddoose. Tama Abnisso Tatre Sanat Ta Bisle Udduurut Qallisan Wak 2 Alfih Toonuuk Dagah Ossetina Lem Yiysixxige.

Addis Ababa waysuk 18 sanat 20(ENA) Itiyopiya kee Taaliyan 4.7 Miliyoon Yuuro Qokol Sittin Gey Aben :: Yakkeh Yan Sittin Qokol Nado Rakiibo Abta Ganaasaqoy Mesenkaca Qaafiya kee Mesenkaca Fayih Qokol Ayfaaf Itiyopiyal Diggoysoonuh Yekke Sittin Gey Kinnim Qaddoysen ::   Tama Qokol Baxsa Luk Carbit Biyaakitte Rakaakayitte kee Axxis Ababal Baxaabaxsa lee Ayfaafayal Aselem Maaliyyah Maakih Oyti Yascasse :: Tama Sittin Gey Maaliyyah Malaakih Deeta Samrita Sewaasewu kee Itiyopiyal Taaliyan Ambasadder Agostiino Palese Sittin Gey Gili Heen ::

Addis Ababa waysuk 18 sanat 2016 (ENA) Ayrô mawqah Afrikah baaxooxak Saanih investment hirigaanamal Itiyoppiya qimbo takke. Galli Maroh Eglak Tellemmo daddoosih Conference (UNCTAD) titbiqeh tan Baadak Investment riportil Itiyoppiya ayrô mawqah Afrikah baaxooxak irok Saanih culah yan investment-il Itiyoppiya qimbo baaxo takku xiqtem yiysixigen. ta riporti elle yascassennal, A. L. L. 2023 sidocuuy, sidiica Biliyeenih Dollar irok Saanih investment higtam duddem qaddoysen. that kaadu Itiyoppiya meqe abbinos elle tuybullleeh tan wak Kiiniya kee Yuganxak fula elle tuybullleem warsen. Itiyoppiya hirigteh tan investment-ik mango gaba tabbixem Chaynah Pirojektitte kinnim kusaaqal yescessen. Itiyoppiya Ayrô mawqah Afrikal sissik dadal ayballayuk geytimta baaxo kinnim ta riporti qaddoysa.

Addis Ababa Waysuk 18 sanat 2016 (ENA) Gomruuk Komshin Waysuk 7 elaa 13 Sanat 2016 fanat abak sugenih yan kattaatal 247. 8 miliyeenih birri tabbixe Kontiro Banxi duyye baxaabaxsa le Luddittel yibbixen.   Kontiro Banxi duyye beyak sugteh tan 10 takke Maritte kee malcina makiina lowsis gubat heenih geytimaam yiysixigen. lowsis gubat heenih yanin duyyet Saraay, Sirag le kee electronic duyye kee Daylaay, Cashiish kee Makaayin duyyey, maaqô zeyti kee kalah tan duyyeeya edde geytimtam warsen.

Addis Ababa waysuk 17 sanat 2016 (ENA) Itiyopiyak Qaran Merrayti Qaran Merraytih Industril Aveshin Oskaral Muggaqisen Iskaytitrakis Gudgudul 7 haytoh Addah Afrikak Yayse Qaran Merraytu itta Caddo kee Konnabna Geyu Xiqe :: Qaran Merrayti Tahak Ossotinah 👉 Afrikak Yayse Bussiness Footima Qaran Merraytu Sitta lakayleh 6 Sanat :: 👉Afrikak Yayse Economic Footima Qaran Merraytu Sitta lakayleh 6 Sanat Kee 👉Afrikak Economic Footimal Tayse Maaqoh Ayfaaf Yacee Qaran Merraytul Muggaqsimak Qagaaqagitak Mayso Geem Qaddoysak Ta Mayso Orbisuh Qaran Merraytut Safarte Madrurwah Inkih Kulsa lee Gadda Gacsam is Ayyuntiino Retteemal Qaddoyse ::

Addis Ababa waysuk 17 sanat 2016 (ENA) Sanat 2017 Baajet Liggidal Agatak Amoladi Qidaddo 8.3 Boolul Dadal Arcissuh Ekraariseenim Palan kee Daddos Malaak D/r Fisum Aseffa Qaddose :: Doolat Sanat 2016 Baajet Liggidak Ellacabo 100 Ayro Abbinos kee Sanat 2017 Ekraaro Kusaaqisem Tamixxige :: Plan kee Daddos Malaak D/r Fisum Aseffa Itiyopiyak Xaagi Raceynah Elle Qaddosennal Taturte 10 Alsih Addat Lafa Lafa lee Makro Economy Luddal Arcisen Xaloot Sanatal 7.9 Boolul Qidaddo Dadadal Arcimu waama Taybullem Qaddose :: Buqureey Murtissoh industry kee Maqaddin Kee Kalah Tan Ludditel Yubulee Abbinos Daffeyseenih Yanin Qidaddo Dadal Abbinoysoonu Xiqaanam Tascassem kinnim Qaddose :: Buqure Luddal Karmah Uddur Tatre sanata Ta Bisle Uddurut Qeedalisan Wak 100 Miliyoon kuntaal Fayya Iyya Murti Gaaboyseenim Qaddose :: Naharsi Malaak D/r Abiy Acmad Qemmise Uguugus Cagay Uddur Sirray Buqure kee Leemat Taddeeral Qemmite Taama Fayya lee Xalu Arcisak Geytimtam Qaddose :: Ceelalloh Cagay Sirrayal Dibuk 117 Miliyoon kintaala Gaaboysonuh Ekraarisak Laqin Alsih Fan 106 Kuntaal Murti Gaaboyseenim Qaddose :: Itiyopiya Tamrutay Iyya Gaadul Murti Abta Industrih Maalu kee Uwwaytiit Qokol Abak Inkih Yan Duddul Akah Yamruten innah Abak Murti Kee Murtisso Fayya heenim Qaddose :: Maqaddin Luddal Dahab kee Simminto Murti Fayya Axcul Gexam Ceelaloh Daffeysak Simminto Murtil Tatre sanatak Ta bisle Udduru Qeedalisan Wak 1 Miliyon Toon Fayya ittem Qaddosa :: Maqiishat Gala Salcisoonuh Baaxoh Addak Murti kee Murtisso Fayya haak Afa Baaxok Rakiiboh Tan Badaaqa Qisok Currih Culusaanam kee Qadaagak Rakiibo Daddos Baarisak Amoladih 23 booluk Addah Hayaanam Duudenim Tiysixxige :: Ayfaaf Luddi Kaaduk Udduruk Uddur Fayya Axcuk Geytimam Qaddose Sanat 2017 baajet liggidal Agat Qidaddo 8.3 Boolul Dadal Arcissuh Wadba Daffeysenim Qaddose :: Ekraariseenih Yanin Qidaddo Dadal Awayih Uddur Yan Dudda kee Fooca Fan Maadonu Xiqan Ikke Cisbatat Heenim kee Poolisi Maysaasa kee Baajet Missoosu Fan Baar lee Bici Yekkem Qaddose :: Yamaate Sanatih Baajetil Maqiishat Gala Sahaloysoonuh Gexsit Maysaasa Abaanam Diggoysak Gexaanam kee Murti kee Murtisso Fayya haanah Qadaagak Rakiibo Dadal Qasrisaanamih Taama Baar Luk Takku Wayta Tama Malaak Qaddose

Addis Ababa waysuk 17 sanat 2016 (ENA) Itiyopiyak Qaran Merrayti Baadal Tan Qaran Merraytittek Yaysih yanim Ameerikak Duumahi Afa Caagidah Malaakak Afrika Caagidak Qokol Saqal Ambasder Tiibor Naaji Qaddoyse :: Ambasader Tiibor Naji isi Ayyuntiino Rettema Goliil Daffeyse Oytal Itiyopiyak Qaran Merreyti Xayi Uddurih Addat Aveshin Jaamiqatal Dooqayseh Yan 800 Takke Dooqaysimah Unkaqiino Farmo Tatruse ::   Ambasadder Tatruseh Yan Farmol Itiyopiyak Qaran Merraytut Mango Adda Gufune Abem Qaddoysak Leeh Yan Abak Raagal Qaran Merrayti Ixxiga Maxxat Kaak Assakat Lee Qaddoyse :: Yohu Itiyopiyak Qaran merrayti Baadal Tan Qaran Merraytittek Yaysi Kinni Axcuk Qaddoyse ::