Addis Ababa, Agda-Baxissok 21, 2016 (ENA) Itiyoppiya Kee Jarman Fanal Akkuk Geytimta Barittoh Aydakaakanaay, Taama Saamih Hadalaay, Qayxiixinni Daggoosiyyal Akkuk Geytumta Taamoomil Hangi Aba Walal Yekke Taama Kee Duddi Malaakàh Tan Gifti Mufarricat Kaamil Qaddosse. Ossetinah Tahat Axawah Tan Caagiida Kee Abbinoowak Geytimta Daddos Kee Sittin Qokolih Taamiomil Jarmanak Maddur Daddos Kee Sittin Qokolih Malaakak Ayro Mafqah Afrikah Dayrekterih Yan Filip Nil Lih Meqe Walal Yekkem Gifti Mufarricat Isi Ayyuntiinoh Ratteemah Galil Tiysixxige. Tama Walal:- Namma Baaxok Daddos Kee Sittin Qokolih Taamak Mafatcak Yan Doori Leh Tan Taama Kinnim.Ascassuk Jarman Abak Geytimta Qokol Diggoosleem Tama Dayrekter Qaddoose. Filip Nil Abeh Yaabal:- Namma Baaxok Xer Udduuruh Suge Angaaraw Fayya Le Caddol Macalak Temeeteh Tan Gifti Mufarricatah Gadda Gacse.

  Addis Ababa, Agda-Baxissok 20, 2016 (ENA) Tatre 6 Alsih Addat 198 Alfiik Daga Takke Qusba Madruura Kooran Caylih Ayfaf Geyeenim Itiyoppiyak Kooran Caylih Ayfaafay Qaddoose. Tama Ayfaafaya, 265 Alfi 990 Qusba Madruura Kooran Caylih Ayfaf Akah Geyan Innah Ikraarisak, 198 Alfi 270 Takke Qusba Madruura Kooran Ayfaf Akah Geyan Innah Tekkeh Tanim Warsen. Tatre Lica Alsih Addat Kooran Cayla Ayfaa Geyteh Tan Madruurah Ixxima, Tatre Sanatak Tama Bis Le Waktil Tekke Taama Lih Yablen Wak, Boolul 56 Ximmo 58 Gabah Ossetina Lem Qaddowte. Garab Sanatal Kooran Caylih Ayfaf Geyteh Tan Madruurah Fanak Boolul 95 Gaba Takkemi, Wadirsi Meklat Tantiffiqime Madruura Kinnuuk, Raqteh Tan Boolul 5 Gaba Takke Madruura Kaaduk, Naharsi Meklat Tantiffiqime Madruura Kinnim Yiysixxigen. Qusba Kooran Caylat Tantiffiqimeh Tan Madruurah Ixxima Fayya Hoonuh Tekkeh Tan Taamal, Tama Fanteenak Amolladi Madruurah Qadad 4 Miliyoonuuy 559 Alfiiy 345 Fanah Fayya Haanam Xiiqimteh Tanim Itiyoppiyak Kooran Caylih Ayfaafayih Oyti Yascasse.

  Addis Ababa, Agda-Baxissok 17, 2016 (ENA) Innoveeshin Kee Teknolooji Malaakaau, Informeeshin Teknoloojih Parkih Korporeeshin Kee Somalih Rakaakayak Innoveeshin Kee Teknolooji Biiro, Baadal Taamah Egla Lih Taamitoonuh Sittin Gey Gili Yekke. Dr. Belete Molla Tamakkel Abeh Yaabal:- Dabbo Mara Kee Taqabi Gadda Yakkem Duuda Qunxaaneyta Edde Anuk, Tama Ayfaf Wadbite Wayteh Tan Butta, Dijitql Teknoloojit Yantiffiqimen Elle Duudan Siirat Ginoonuh Sitta Lih Taamitaanam Faxximtam Qaddoose. Dabbo Marih Harigiyyal Xeerih Dabaan Kee Edde Kaxxiinitta Aydaadu Leh Tan Itiyoppiya, Baad Caddibnih Gudgudul Baxsa Le Arac Lem Kassiise. Dijital Itiyoppiya Sanat 2025 Estirateejik Teknoloojih Dadalih Taddeera Dibuk Hinnaya, Dijital Gexso Numma Dudda Fakkiimu Elle Xiiqa, Inkih Yan Mari Gaba Edde Yassagalleh Yan Saami Kinnim Yescesse. Baadak Taamah Eglah Biiroh Dayrekter Kee Afrikah Inkoobo Kee ECA Baxsa Le Farmoyta Aleksiyo Musindo Is Le Katuk:- Itiyoppiya Away 916 Alfiik Daga Yakke Dabbo Mara Arcibisak Geytimtam Qaddoose. Lafit Luk Gabbi Suudaanaay, Somaaliya Kee Eretriyak Dabbo Marih Caagiidal, Dijital Itiyoppiya 2025 Estirateeji Dijital Ekonoomih Gexsoh Dadalah Hangi Acayuk Taamitak Geytimtam Yiysixxige. Tama Estiraji, Dijitalak Rakiibo Daddoosuuy, Fantaaxaw Kee Dudda Gabah Assagolla Le, Dijital Ekonomi Leh Yan Tuxxiq Fayya Haytam Kinninit Yaabemi, Innoveeshin Kee Teknolooji Malaakih Oyti Yascasse.

  Samara-Ciggilta kudok 30, 2016 Qafár Rakaakayal Mango Uddurih Sooleh Suge Mermeerita Abuud Fanxih Ayfaaf Qagitaak Kah Qimbisa innih ittin-gey yekke Affara Maktabih caddol Sittingey sanadih gali Haanam tekke. Sanat 2010 I.L.L Xabba haanam qimmiseh suge Qunxaaneytak mermeerita Abuud fanxih Ayfaafayak faxxiima xaloot kak geytime weem warsan.   Tama ayfaafak yayse xali geytimuh qusbannal kusaaqisak abuud kah yaduurennah inkih tan dagorti Siirat kah missosak taama takkem faxxiimak sugteemih taagah awakih uddur taamoomi qusbannal qimmisseh geytimta. Qunxaaneytak Abuud Fanxih Ayfaafay taama Qusbannal qimmisuh asaakih ayro Affara Maktabih caddol Sittingey sanadih gili heen. Tama sittigey fanat kak yekkem Rakaakayak Taama kee Duddi Biirooy, Maaliyyah Biirooy, Qunxaaneyta kee Sport Biiro kee Qafarak 'Microfinanc Institution. Tama ittin-geyik amolladí madma taama sinnih yan Qunxaaneyti Abuud ayfaafayat dooqaysimoonuh itta qoklaanam kee Qafarak 'Microfinance' missoyna away leh yan luddite maqarroysak taama kah Qimbisa innah abaanam kinnim ittin-gey gili heen uddur diggoysen.   Rakaakay caddol yanih yan ginô gadda fanteena abak Sarrimaane le Ludditel Qunxaaneyta Eglaalih kah xissiiman innih taama akkelem tama aracal geytimeh yan rakaakayak Ciggiila Perezxentiiy, Taama kee Duddi Biirok Saqalah yan Massakaxxale Qellaama aboobakar yescesse. Rakaakayaak ilaa Awda fan Xissiimeh yan Taamâ Saamih Malah Buxa fanteena abak Qadliino le gurral Qunxaaneytah Taamâ saami kah ginniimannah akkelem Gifta Qellaama Aboobakar elle-cabol tatruseh yan farmol kassiise.