Addis Ababa Ditelik 28 Sanat 2016 (ENA) Itiyoppiyak Qaran Merraytih Mirocti Kee Taama Abeenit Anxaxin Raat Tadderal Coox Daabisak Isinni Raat Caben ። A saaku miraaciinu kee taama abeynit addis ababak bole garab magaalal tayyaara booxah darre axcuk yamixxige dariifal sinni anxax asta caben Itiyoppiyak Qaran Merrah Eglak Saqalah Yan Gifta Mesfen Tasewu Tama Qaran Merrah Egla Ayyuntiinô Masquuliyyat Kinnim Kee Dariifa Dacayrih Taama Abak Geytimaanam Qaddoose ።   Coox daabisiyyih ossotinah dariifa kataysiinu kee bicale haadiyyi teknoloojit xoqoysimak isi doori digirak geytimam warse ። Qusba kee Qasri Tayyaarat Haadiyyi Ayfaafay, Qaran Merraytitte Baad Caddol Dariifa Xarbi Aynukusoonuh Abaanah Yan Macal, Sarimanele Haadiyyi Siratat Antifiquk Karboon Rubta Kaxxam Aynukusak, Tonnah Uwwaytitte Qagitaak Antifiquk, dariifa dacrisoonuh kaxxa doori digirta   40 hektar takke dariifal 16 alfih coox baaxoh addah samaditteh coox daabisoonuh ekraaro yanim kee taham fanah 27 alfih coox daabiseenim aqaddoyse ። Tayaara Booxak Geytimeh Yan Oyti Elle Yascasenal Ta Inistitute Taama Abeenit Dabsen Coox Dacayri Abak Isinni Masquuliyat Kibiseloonum kee Fooca Fanah Anxaxin Raatih Taamat Gabat Agle Diggosoonuh Bisoh Axceloonum Qaddosen ።

Addis Ababa Diteli 28 Sanat 2016 (ENA) Itiyoppiyak Xaagi Qawa Ayfaaf Gitah Yan Oyta Yaceenimik Kalah Kaadu Anxaxin Raatihb Taddiirah Addat Abak Geytimaanam Itiyoppiyak Xaagi Ayfaafak Ciggiila Saqalah Yan Negasi Ambaye Qaddoose ።   Naharsi Malaak D/r Abiy Acmad Asanat Anxaxin Raat Taddeera Hayek Magaalal Baxaabaxsale gurral Qimmiseh Yanim Kassitna ። ENA miraaciinu kee mihrat leela kaaduk Entoto parkil coox daabisak sinni anxax asta caben ። Toh tonnal anuk Itiyoppiyak xaaguh Ayfaafak Ciggiila saqalah yan Negasi Ambaye iyyemih Ta xiso mango sanootah coox daabisak isi asta bicsak geytimta ። Usuk Elle Qaddosennalaay Ta Inistitute Dabise Coox Baaxoh Addal Geytimam kee Inkih yan Ux Uddurih Addat Ballaaqê Xaylo Qagitaak Geytimam Qaddoose ። Daabiseenih yanin coox dacayrih bical yaniinim tama coox daabisiyyat tengele miraaciinu kee mihrat leela qaddoysen ።   Ta Sanat Anxaxin Raatih Barnaamijih Addat 7.5 Bilyoonih Takke Coox Dabsaanam Ekraarimteh Tanim Kee "Baaxo Dabsaanam, Sarimanele Ado" Axcuk Miracsenta Mabla Luk Abni Taama Qimmiseenih Yaniinim Timixxige ።

Addis Ababa; Ditelik 27 Sanat 2016 (ENA) Federeeshin Malah Buxak Afteenah Yan Gifta Agnehu Teshager Karma labbatih Ayfaaf Taama Qimmisoonuh Butajra Magaalal Cule ። Afteena Agnehu Tashaager Federeeshin malah Buxah Gubat Raqta fanteynaani Buxaaxi Asqussubiyya Kee Barteynit Barittoh Silaacitte Xayyoosaanam Taddera Qimbiseloonum Yiysixxigen.   Mala buxah Afteyni Butajra magaala gufe waqdi Fanti Itiyopiyah rakaakayak saqal Gifta Ashashaw Tasawu kee rakaakayak fayya le mirocti garayyo kaah aben. Federeeshin Malah buxak Fayya Le Mirocti Kee Kay Gubat Raqta Missoynaanih Edde Anuk Afteena Ta Tadeera Edde Tengele Majlis kee Rakaakayak fayyale miroctiiy, Majlisik masquuliyat leh tan xisoosah saqoltii kee taama abeynit tonnah kaadu massakaxxale qibina edde anuk tama barnaamiji Baxaabaxsale gurral qimbimelem qaddoysen. Ayro Mawqah Gurgaon Zoonul 24 Miliyoonih Takke Coox Daddoosih Ekraaroh Addat, Coox Daddoosih Taddeera Gexsitele.   Federeshin Malah Buxak Geytime Oyti Elle Yascassennal, Ta Malah Buxa Taturte Sanootah Baxaabaxsa Le Dariifal Geytimta Karmah Anxaxin Rata Tadeera Abbinoosak Geytimtam Qaddoosen Naharsi Malaak D/r Abiy Acmad Baxaabaxsale Caddol Qimbisem Ta Sanat Anxaxin Raatih Tadeera " Coox Dacayri Baaxo kee Sarimanele Ado" Caxah Alsak 22, 2016 Gabbi Wolo Rasuk Hayqi Magaalal Qimbise Tamixxige ።

Addis Ababa Ditelil 23 Sanat 2016 (ENA) Ciggiila Naharsi Malaak Gifta Temeseng Turuneh Anxax Ibih Taddeera Dariifa Dacayrih Uguugus Aysaxaaxag Abak Anxax Gino Kee Qaafiyat Le Ardi Fooca Fanah Tabsenno Axcuk Qaddoose ። Ciggiila Naharsi Malaak Isi Ayyuntiinô Retteemah Galil Tatruse Farmol Bishoft Kutbe Abeh Yan Mesenkaca Yaqusbuseh Yan Kalit Gino Ritmi Ankacisaanam Kee Qaxmeqe Gad Elle Yaysixxigen Arac Kinnim Qaddoose ።   Ta sanatih Coox Daabissa Baaxo Diggossa Hora itta Maxcol Axcuk Barnaamijih Qimbisneh nan barnaamijih addat gexsitak geytimna Axcuk Qaddoyse ። Anxaxin Raatih Taamal Anxaxin Gino kee Qaafiyat le Ardi Ciggilta Horah Dariifa Bicale Uguugus Aysaxaxaguk Anxaxin Baaxo Horal Tabsenno Axcuk Qaddoyse ።

Addis Ababa Ditelik 17 sanat 2016 (ENA) Ciggiila Naharsi Malaakih Bilhadal Demokraasih Siirat Xisneh Koobaahissoh Fanteenah Saqal Kee Leeda Partik Ciggiila Pirezdantih Yan Gifta Adam Farac Kee Partik Fayya Le Mirocti Kee Taama Abeenit Lemi Kura Magaalah Footumah Addal Caxah Daabisaanamih Taddeera Gexsen ። Gifta Adam Farac Ta Tadderal Abeh Yan Yaabal Anxaxin Raatih Tadeera Kimal A saaku Kee Beerih Ado Akah Tasgoorowtannah Kaxxa Uguugus Kinnim Kee Itiyoppiya Rakaakayle Pilaanet Ginaanamih Doori Akah Kibtannah Abak Geytimtam Qaddoose ።   Kimal Abeenih Yanin Aydaaditte Bisoh Haanam Xiqqimtah, Qawwalayla Maytanih Kalalaanam Kee Ni Baaxo Hawa Milaagih Taqabi Kalaloonuh Bictam Kinnim Yiysixxige ። Taamâ saami ginaanamay, murti dadlisaanam kee A saaku tan horak maaqiddi kibal yasmitoonuh kaxxa doori Digirak Geytimam yescesse ። Rusqa milaagu Ramitte sinni Anxax Qidaddoh xisneh kaxxa doori digirtem Qaddoysen ። Sarra Horah Takkeh Tan Baaxo Kee Baadak Fooci Horah Takke Baaxo Tabsaanam Sinni Dirkik Akah Yawuqen Innah Abak Geytimna Axcuk Qaddoose ። Tayse Baaxo Kee Pilaaneti Fooca Fanah Tabsaanamal Abnah nan Macalal Arac Xagtem Kee Baad Caddol Leh Yan Doori Akah Tabsan Innah Abak Geytimna Taama Kinnim Qaddoyse ። Tohih taagah barri kee magaalâ dariifal inkih maqarroosaanam faxximtam qaddoyse ።   Leeda Partik Addis Ababah Luddih Kutbeh Buxak Saqalah Yan Gifta Moges Balcha Itiyoppiya Sariino Kee Raacat Leh Tan Baaxo Akah Takkennah Abak Geytimaanam Qaddoose ። Addis Ababa Diplomaasih Fanteenah Kinnim Kee Anxaxin Raatih Daabisaanam Abak Geytimaanam Yiysixxige ። Addis Ababa Qaxmeqe Magaala Akah Takkennah Kaxxa Caddoh Taama Akkuk Geytimtam Kassiisaak, Leeda Parti Tah Abina Akah Assannah Leh Tan Siyaasa Margaqa Abinal Ayballuk Geytimtam Yiysixxige ። Naharsi Malaak D/r Abiy Acmad Ta Sanat Anxaxin Ibih Taddeera "Baaxo Dabsaanam Kee Sarimanele Ado" Xiqsitta Mabla Lih Caxah Alsak 22/2016 Gabbi Wolo Zoon Haki Magaalal Qemmiseenim Timixxige ። Ta Sanat 7.5 Bilyoonih Coox Daabisoonuh Ikraariseenih Yaniinim Kee Coox Daabisen Ixxima 40 Bilyoonih Gufele.

Addis Ababa Ditelik 11 sanat 2016 (ENA) Itiyo Telekom "Algin Itiyoppiya Dabisen Baaxoh Sarimanele Ado" Axcuk A Sanat Anxaxin Raatih Tadeera Qimbise. Ethio Telekomuk Naharsi Saqaláh Tan Firehiwot Tamru Tama Taddeerah Aracal Elle Qaddossennal, Itiyo Telekom Anxaxin Raatih Tadeera A Sanat Ditelik 11 sanat 2016 Ila Ditelik 30 Fanal Garab Miliyoonih Coox Dabiselem Yiysixxigen.   Addis Ababa Edde Anuk Inkih Tan Baaxo Caddol Akkelem Yiysixxigen. 4 Alfi Takke Baaxo Xayloh Taama Saami Akah Ginnimtannah Abeloonum Warsen. Ityo Telekomul Leenah Taama Gexse Elle Tescessennal Ta Taamak Faticisiyyi Caddo Boolul 85 amo gufteh Tanim Kee Tahak Yayseh Xali Akah Yamaatennah Qaago Loonum Ascassuk, Inistitute Taham Fanah 3.8 Milyoonih Coox Dabiseenih LGeytimaanam Tiysixxige.

Addis Ababa Ditelik 4 sanat 2016 (ENA) Anxaxin Raatih Daabisiyyi waktih addat Abna taama meqe Qimmot tanim kee Daffesneh nan hadaf Aracat hayta Caddol Geytimta Naharsi Malaak D/r Abiy Acmad Qaddoyse ። Naharsi Malaak Isi Ayyuntiinô Retteemah Golil Tatruseh Yan Farmol A saaku Garbo Cugaysoh Aracal Tuffaac Coox Dabisne Axcuk Qaddoose ። Ni Ayyunti Coox Daabisaanamih Uguugus Fayya Lem Kinni Axcuk Naharsi Malaak Qaddoose ።   kalah Kaaduk sanata Tama dariifal coox daabisiyyih Taama Dumak baxsa Kah lem dumaahi baddi qayso alfenta duugumtem kee aracat gacteh baaxoh addah terrace taama kee coox kinnim Qaddoyse ። Harar kee konsok temeeteh tan ni ummatta ballaaqê laqna kalaloonuh Xiqan Gurrak Abak Raag tabisa Neh Abak geytimaana Axcuk Qaddoyse ። Naharsi Malaak Elle Qaddosennalaay Magaalol Addal Anxaxin Raat Dacayrih Taama Sitta Lih Abak Abak Addis Ababak Anxax Dariifa Baarisaanam Dudnam Yiysixxige ።  

Addis Ababa Ditelik 1 sanat 2016 (ENA) Ta sanatih Anxaxin Raatih barnaamiji Dredawa magaalal mango Aaynatih tuxxiq le coox daabisak asaaku qaduuk qimbisen :: Ta Tadeera Dredawa Magaalah Xiinissoh Saqal Gifta Kedir Juhar Kee Kalah Tan Magaala Xinissoh Miraacini Harla Barri Awydal Qimbisen ::   Doolat Taama Abeenit kee Baxaabaxsale Ayyunti Exxaaxi Tonah kaddu Saay Dagorti Edde Angalelem Anxaxin Raatih Tadeera Harla Awudal Aydaadi Wacaysir Fanteenal Qimmiseh Yan "Coox Dabbah Baaxo, Sarimanele Ado". Itta Maxcol Gexsen :: Ta Sanat Anxaxin Raatih Tadeera Sidooca Milyoonih Silal Caxâ kee Garbo Kee Qaxmaqaane Coox Daabisoonuh Faxxiima Bica Abak Taham Fana 2.8 Milyoon Dredawa Magaalah Xiinissoh Gubat Tan Barri Dariifa Kee Aqudoodil Daabiseloonum Qaddoysen ::

Addis Ababa waysuk 29 sanat 2016 (ENA) Arbaamichi Baxaabaxsale Caxaaxuwa kee caxâ miri cooxuy, Anxaxin Garbo sartanah leeh racta lee kee ginô gaddi ramidih elle yan dariifa. Ginô mattacooh naba qaago luk sugteh tan baaxoy abnu wayna taama a gaddat libdo luk nantifiquh nee catele. "Gebeta Harâ horâ cugayso baaxoh adda kee irô baaxol tan Itiyoppiyah xaylo a baaxo jannat abnuh isinni caddik awquk baaxol Investment abaanam.

Addis Ababa waysuk 27 sanat 2016 (ENA) Qafar Rakaakayak Naharsi Saqal Cajji Awwal Qarba Qammih baxi Daqaarak Sidha Fagi Awudal Rakaakayak Caddol Anxaxin Raatih Taddeera Qimmise :: Ta taddiira " Coox Daabissa Baaxo Diggossah tan hora" Itta Maxcol Tama Taddeera gexsoonu Xiqen :: Rakaakayak A saaku qimbimeh yan Anaxaxin Raatih Tadderal Ta hadafah Arcat Heen 250 hektaar takke baaxol coox Daabissiyya Abeenim Qaddoysen :: Tama Taddeeral Amibarah buqre Daddoysih Eglah taama abeynit kee dariifah ayyunta Coox Daabisso Gexseenim kee baxsa luk Burtukaan kee papaya coox mangom daabiseenih Yaniinim Timixxige :: A saakih Ayro Rakaakayak Naharsi Saqal Cajji Awwal Qarba elle Qaddoyseh Yan Innal ni ummatta coox daabisaanamih Qaada ossisak Daabisen coox hanaawisaanam faxximtam Qaddoyse :: Daabisen coox mango tuxxiq le coox kinnim Ascassuk ummattah Antifiqimiyyi Fayya Axcuk geytimam qaddosen :: Rakaakayak saqaay buqre kee gino gaddih biiroh saqalah yan Cajji Ibrahim Usmaan tatre sanatih addat yekkeh yan milaagi Rakaakayal sirray buqre kee Anxaxin Raatih taddiiral milaagi Geytimeh Yanim qaddoyse ::   Tama Rakaakayal 900 Alfih Muuz Coox Dabeenim Kee Ta Sanat 131 Alfih Kuntaal Murti Qadaaga Fanah Culeenim Ceelalloh Yescesse :: Rakaakayak saqaay Buqure kee Gino gaddih Biirok ciggiila saqalah yan Gifta Qusmaan Macammad elle yescessennal a sanatih tadderal 10 milyoonih coox daabise loonum qaddoyse :: Tama Cooxih Addak Boolul 60 Gaba Yakmeenim Xiqqimtah Tan Caxâ Baaxoh Coox Kinnim Kee Boolul 40 Gaba Kaadu Silaalak Kee Kalah Tan Hadafah Edde Yantifiqen Innah Abak Geytimaanam Yiysixxige : Tama Tadeera Saqaay Buqure Kee Gino Gaddih Biiro kee Qammih Baxa Buqre Daddoosih Egla Sitta Luk Cattiimak Missoysen Taddeera Kinnim Qaddoysen ::

Addis Ababa waysuk 24 sanat 2016 (ENA) Gambellah Rakaakayal Ciggiila Naharsi Malaak Gifta Temeseng Tiruneh Gambellah Rakaakayal Anxaxin Raatih Taddeera Abak Geytima :: Ciggiila Naharsi Malaak Ayyuntiinô Retteemah Golil Tatruseh Yan Farmol Gambellah Rakaakayal A sanat Anxaxin Raatih Tadeera "Coox Dabbissah Tan Baaxo, Maqarle Ado" Axcuk Qimmisneh Axcuk Qaddoyse ::   A saaku Gambellah Anuwaha Rasul Dima Daqaaral Anxaxin Raatih taddeera abbinoyseenih yaniinim qaddoysen :: Taturteh Tan Uddur Ciggiila Naharsi Malaak Ta Tadderal Baadal Cakkumuk Sugte Mayso Geyneeh Ta Maysoh Doolat Kee Ayyunti Sittin Qokol Kee Diggola Kaxxam Faxximtam Kassiise :: Tohih taagah, inkih tan wagsiisa maritte sinni doori digirtaah, anxax dadal ni ayyuntih addal qaada akah Raqtannah kee gersi ni taamah addat kataysis akah takkennah seeco xayyoysa ::

Addis Ababa waysuk 22 sanat 2016 (ENA) Naharsi Malaak D/r Abiy Acmad A saakih Ayro Amaara Rakaakayak Gabbi Qaxih Wollo Rasuk Hayqhi Magaalal A sanat Anxaxin Raatih Taama Qimmise :: Naharsi Malaak Isi Ayyuntiinô Retteemah Galil Tatruseh Yan Farmol Elle Qaddoosennal Amaarah Rakaakayak Gabbi Qaxih Wollo Rasuk Hayqhi Magaalal A Sanat Anxaxin Raatih Taama Qimbisnem Axcuk Qaddoose ::   Coox Daabisna waqdi Baaxo inxixi Abnam dibuk hinnay, Kulli Madduur Luddal Cayla Osisnam Naharsi Malak Yiysixxige ::

Addis Absba Waysuk 21 sanat 2016 (ENA) Leeda Partik Sayyoh Liigik Agat Karmah Uddur Gexsan Labbat Ayfaaf Gaamo Rasul Qaduuk Qimmisen :: Tama Labbat Ayfaaf A saaku Leeda Partik Dimokraasih Qaadah Xisneh koobaahise Gifta Meles Alemu Kee Leeda Partik Sayyo Liigih Pirezdantih Yan Gifti Zehara Cumed A saaku Qimbisen.     Gamo zonuk Arba Minchi daqaarak dorga kebele abaya badih qaxal coox daabisak Leeda Partik Sayyo liigik karmah meqem abittoh ayfaafih taama a saaku Qaduuk qimbisen :: Leeda Partih Sayyoh Liigik Taama Selta Makaadoh Adoytiit Coox daabisiyyih taddeerat tengeleh tan Arba Minchi Magaalal Baxaabaxsale Lemat Taddera Taama Kalah Kaadu Saytunne Taama Abak Geytimaanam Qaddoosen :: Tama Gaadul Federaal Kee Rakaakayittek Leeda Partik Sayyo Liig Taama Selta Makaadoh Adoytiit Edde Tengele :: Toh tonnal anuk, Gabbi qaxih Ityoppiyah Rakaakay, Gamo rasiiy, Arba Minchi magaala kee arba minchi daqaarak miraacinni dagorti edde tengele ::

Addis Ababa waysuk 18 sanat 2016 (ENA) Anxaxin Raatih Taama Ciggilta Horah Tayse Dariifa Angrisnuh A saaku kak Nawuqe Masquliyyata Kinnuk Itiyopiyah Xaylo Hangi Akah Acayuk Gabah Assagolla Edde Haysitoonuh Federeeshin Malah Buxak C/Afteyna Gifti Zahara Cummad Seeco Tatrusse :: Baadal Kaxxa Taqabi Kattasah Murti kee Murtissoh Fayya Haanamal Adaf Akkuk Geytimtam Rusqa Milaagu Kinni :: Naharsi Malaak D/r Abiy Acmad Mabla Xayyosul Qemmimteh Tan A sanati kah 6 Haytoh Adda Kinnih Yan Anxaxin Raatih Taddeera Itiyopiyak Taturak Baad Caddol Mamaaxaga Geytu Xiqte :: Sanat 2016 Karmah Uddur Anxaxin Raatih Taddeeral 7.5 Biliyoon Coox Daabisoonuh Ekraariseemin kinnuk Tahah kaaduk Coox Missoysaanam kee Arooca Baxsaanamih Taama Tekkem Qaddoysen :: Tama Caagidil Yaabisneh Nan Federeeshin Malah Buxak C/Afteyna Gifti Zahara Cummad Elle Qaddoseh Tan innal Anxaxin Raatih Taama Qedaddo kee Buqurel Rakuh Tan Itiyopiyak Manot Axawah Yan Caagid Kinnim Qaddose :: Baxsa luk Dacarsittoh Xiina kee Buqureh Xiinah Ayyuntat Qabar Edde Anuk Booda Rusqa Milaagih Taqabitte Qemmoh Biyaakittam Ken Kinnih Tanim Qaddose :: Anxaxin Raatih Taama Agat kee Horal Kaxxa Bohoy Akkuk Geytima Rusqa Milaagu Yaynukusoonu kee Horah Yayse Dariifa Ginoonuh Faxximta Maqatta kinnim Qaddose :: Anxaxin Raatih Taama Baaxo Nagartah Tan Horah Tayse Leedeh Tan Agat Nagrisnuh Kak Nawuqe Masquliyyat Kinnim Qaddoysak Kulli Num Sinni Doorik Yawuqem Faxximtam Qaddose ::

Addis Ababa waysuk 15 sanat 2016 (ENA) "Anxax Raatih Macalal Aracat Haynam Fanxah Nan Milaagu Kee Mesenkaca Milaaguy tabaataba Nek Faxxiima. Baaxo Akkuk Aracat Haynuh ikraarisne 50 billiyoonih Caxa elle akah nibbixeh Nan ikraarol akah nibbixe sanatal 40 billiyoonih coox Aracat Haynuh Cambabbaariyak Geytimna.   Asanati Coox Daabisso 7.5 billiyoonih coox Daabisnam Nek Faxximta. Beeri Horah Daaranah Daffeytam Asaaku Daffeysaanamih Dirki Nel Tan."

Addis Ababa Laqin Alsak 30 Sanat 2016 (ENA) Itiyopiyuun Tangale Ajenxa Kinnih Tan Anxaxin Raatih Daddos Aysasakuk Sinam Gabak Tu Qanbaalanak Awaquk Leeda Abbinosa Silac Akkuk Itiyopiyak Xaagi Raceeyan Taddera Arac Xagtuh Abta Macal Diggoysak Gexelem Itiyopiyak Xaagi Missoyank N/saqal Gifta Sayfe Derbe Qaddoyse :: "Anxaxin Daddos Waar Lee Leedah " Itta Maxcol ENA Missoseh Tan Panal Gudgud Deredawah Magaalal Gxsen ::   Tama Gudgudul Ummattah Awulaytiitih Malah Buxa Adoytiit kee Federaal kee Deredawah Magaalah Xinissoh Miraacini Rusqa Milaagu kee Anxaxin Raata Wagitaamal Taamitta Missoyananih Miraacinu kee Mangaafa Rettema Miraacinu Kalah Tan Seeco Akah Tekke Dagorti Elle Geytimen :: Itiyopiyak Xaagi Missoynak N/saqal Gifta Seyfe Derbe Elle Qaddoyseh Yan Innal Itiyopiyal Anxaxin Raatih Ajenxa Coox Missoysah Daabisanam kee Weeqe Qawwalayla Kalaloonuy Laqna Ramma Hoonuh Takke Dariifa Dacayri Taamak Ossotinah Kulli mara Qaada Akkuk Temeetem Qaddoyse :: Baxsa luk Milaaguk Lakal Tama Uguugus Tadeerat Kulli Num Gabah Assagolla Edde Haysita Gidi Kee Naharsi Malaak D/r Abiy Acmad Raat Katayak Magaala Xinisoosa kee Rakaakayitte Sitta Luk Anxaxin Raatih Caagid Sitta Luk Elle Gaabowan Caagidiy Ka Abeenim Qaddoyse :: Itiyopiyak Xaagi Missoyan (ENA) Ta Caagidih Fayya lee Hangi Acayuk Baxsa luk Sinam Gabak Tu Qanbaalanamak Awaquk Daddos Fayya haak Milaagimaanam AAmanuk Doolat Qemmiseh Tan Macal Ummatta Elle Walalta Ammunta Aboonuh Taamitak Geytimaanam Yescesse :: Itiyopiyak Xaagi Missoyan (ENA) A sanat Axxis Ababa kee Baxaabaxsa lee Rakaakayittel Missose 13 Takke Panal Walalittek Baxsa luk 14 haytu Anxaxin Daddos Wagsiisak Akah Yakke innah Abtem Qaddoysa ::

Addis Ababa laqin Alsak 25 sanat 2016 (ENA) Ta gufnel Rakakaay Caddol xeyi udduruk wadir Caxa miru kee Caxaxuwa Rakakaay caddol elle yabqureenim qebisenim kaxxam kulsa le Abto kinnih tanim ta gufnet yegele mari qaddoyse Ellacabo ta buqre elle takke dariifal maqoh yakke muuz coox elle dabisen.  

Addis Ababa Laqin Alsak 11 Sanat 2016 (ENA) ta coox daabisaanamih taddeeerat Qafar rakaakayih doolatak naharsi saqal massakaxxale cajji Awwal Qarbaay, buqre malaak Dr. Girma amanteey lee kee elmo malaak Dr. Engineer habtamu itaafaay   efeq lee kee laqin dariifah malaaka enginer Qeysha macammadaay leeda partik Qafar rakaakayih luddak naharsi saqal Gifta Cajji Qiise Adamaay rakaakayak fayyale miraaciinuu kee baxaabaxsale fanteenaanih saqolti edde tengele. Aysaqiitaa kee afambol daabiseenih yanin cooxuy maaqoh yakkeh yan coox kinnih tanim qaddowte.

Addis Ababa Qasa Drrik 30 Sanat 2016 (ENA) Qafar Agatih Rakaakayih Doolatak Naharsi Saqal Cajji Awwal Qarba, Kulli Dariifal Sarrimaanele Daddoosuh Rakiibo takku xiqta Garbô Dacrisaanam Faxximtam Kassiise. Ta taama baxsa luk kulli Daqaaral aracat akah gactannah Ayyunti gabat aglel Diggowtam Faxximtam Naharsi Saqal Cajji Awwal Qarba, Yescesse. Garbô Dacayri kah tamixxige innah Turiziimiy, Baaxô qaxmaqaanee kee Hawâ milaaguh kaxxa Doori lem kassiisak Garbô Dacayrih taama diggoysak baarisaanam, Qimbisneh nan LEEMAT Taddeera aracat haynuh abna Macalah kaxxa doori lem Diggoose. Massakaxxale Naharsi Saqal Qagitaak elle yecesse innal, Qafar Ummatta Dumaak, Baaxo Deesaanam Kee Garbo Hanaawisaanam Qaadah luk Sugte ummatta Kinniimih Sabbitih Fooca fan Diggoosaanam Faxximtam Yescesse. Awayih Uddur Baadak Hawâ milaagu Baxaabaxsa le Caddol Milaagimak geytimam kinnuk, Miraaciini ummatta luk Cattiimak Dariifâ Dacayrih Taama Kee Baxsa luk Garbô Dacayrih taama Diggoosaanam Faxximtah tanim Kassiise.

Addis Ababa, Qado-Dirrik 02, 2016 (ENA) Awroppa Qawwalayla Taynukusuh Sissik Maaqatta Beye Wayteki, Rosqa Milaaguuk Gexxaamah, Kaxxaam Gidbih akak Iyyan Gira Qawwalayla Boodelemi, Qusba Awroppah Inkiinoh Mekeelisso Tescesse. Awroppak Dariifa Dacayrih Ejensi Teyyeeqeh Tan Qimbo Ripportil, Qaran Gubi Caddol Bohoyuk Yanih Yan Rosqa Milaagu Kinnim Ascassuuk:- Lafit Luuk, Gabbi Awroppal Geytimtah Tan Dariifa Qawwalayla Bohoyih Addat Geytimtah Tanim Qaddoosen. Tama Qawwalayla Giraay, Lee Dagiina Kee Buqre Murtit Yaafe Taqabi Kinnim Ascassuuk:- Addah Tan Baddi Dariifal Weeqi Qawwalaylaay, Ballaaqe Sutici Kee Qasbo Leh Tan Lee Summitiyyi Bohoy Loonuh Yaniinim Yiyisixxigen.   Tama Qawwalaylah Fanak Mangom, Ahak Afal, Kaxxa Caddo Gufeenih Sugeenim Ascassuuk, Sissik Maaqatta Beyeweenik Kaxxaam Gidbi Qawwalayla Boodelem Tama Ejensi Qaddosse. A Xayi Udduurih addat Jermanal Yoofeh Yan Weeqi Qawwalayla Kee Swedinil Garbol Ugutteh Tan Gira Waqqalawlayla Sugteh Tanih Iyya Uxih Kinni Away Yanih Akak Iyyan Gabbi Dariifal Taafe Qawwalaylak, Uxih Kinnih Kilbatti Awroppah Baaxooxa Akak Asillime Waytah Tanim Yescessen. Awroppal A bXayi Udduuraak Annah Kaxxa Liqnaay, Qabaraay, Garbot Uguttah Tan Gira Kee Weeqi Qawwalayla Taafeh Tanih Iyya, Lafitak Gexlem Ascassuuk, Manol Isikkeh Taqabi Kataaselem Tama Ejensih Oyti Yascasse. Awroppal Toofeh Tan Rosqa Milaagittet Axawah Anuk 36 Takke Qawwalayla Tanim Tama Ripportil Ascassuuk, Tamakkeh Fanak 21 Sissik Maaqatta Faxxah Tanim Kee 8 Takkem Kaaduk Baxaabaxsa Le Udduurah Addat Sissik Maaqatta Elle Beyaanam Faxximtah Tanim Kassiisen. Lafit Luk Baddi Dariifa Kee Baddi Aroocal Tanih Tan Taqabitteek Gexxaamah Taafe Qawwalayla Kinnim CGTN Xaagi Yascasse.