Addis Ababa Ditelik 16 sanat 2016 (ENA) Ameerikak Ciggiila Pirezdantih tan Kamala Haris Ximokraatik Partik Awlaytitik Duddale Qokol Geytem Yiysixxigen. Itleenih Bar Abteh Tan Associated Press Oyti Elle Yascassennal, Harris 1 Alfi 976 Takke Demokraatik Partih Adoytit Qokol Geyteh Tanim Qaddoosen Ciggiila Pirezdanti Baarle Qokol Geemih Kaxxam Ruffa Edde Iyyem Kassiisaak, Dooroh Fayxi Kinnim Baxaabaxsale Caddol Oggoluh Bical Geytimam Qaddoose. 27 Takke Rakaakayak Demokraatik Partih Awlaytit Kamala Harris Qokol Abak Geytimaanam BBC CBS Xaagi Qawaytu Qaddosse. Tatre Caadah Pirezdanti Jo Bayden Doorok Yewqeek Lakal, Ciggiila Pirezdantih Yan Kamala Harris Naharsi Kudok Dooro Gexisseh Tan Demokratik Partih Fayxih Qokol Abeh Yanim Kassisen.

Addis Ababa Ditelk 14 sanat 2016 (ENA) Awayih Uddur Ameerikah Pirezdantih Yan Jo Biden Yamaate Sanata Takku wayta Pirezdantih Doorol Qalalewaam Qaddoyse ። Pirezdant Biden Ciggiila Sanat Ameerikah Takku Wayta Dooroh Uddur Pirezdanti Riboblikaan Partik Pirezdanti Dooro Xayyoweh Yan Doonald Tirampi Lih Yo Doora Qalayli Abak Sugem Tamixxige ። Takkay ikkah ta carra yuktuben ayyuftal tama doorot gabah agle alle waanam yiysixxigen ። Bayden Tamahih Addatino Xayi Udduurih Addat Aysaxaaxagelem Aysaxxaguk Ameerikah Xaylo Kah Abteh Tan Qokoluh Gadda Gacse Iyye ። Tama Dooro Takkem Fanah Reedal Sugelem Washington Post Xaagi Qaddosse ። Awayih uddur uddurruta Iyyeh Yewuqe oyti elle yascassennal Biden doorok Sinni Yeyyeeqek Kay Araca kak Ciggilta Perezixantih Tan Kamala Caaris Raaqissaamih Saami Baar Lee Qaddoysan ።

Addis Ababa waysuk 19 sanat 2016 (ENA) Kotxivarak Nabah Tan Qidaddo Magaala Abijan Toofeh Tan Baaxo Futce kee Weeqi Qawwalaylat 24 Yakke Marih Qawwaddi Edde Yewuqemit Yaaban ':: Ayro Kormah Afrikah Baaxoxal Madabiinoh Radah Yan Roobuk Fayya Axcuk Radak Geytima Roobu Katayak Qidaddo Nabnal Tamixxigeh Tan Abijal Taturte 10 Ayroh Sittal Lakayleh Dare Roobut Gino Qawwalayla Toofem Timixxige :: Tahak Ammakkaquk Inkih Tan Baaxol Leeh Arooca Leek Kibbimtem Kinnuk Weeqi Qawwalayla kee Baaxo Futce Maadem Qaddoysen :: Tama Roobuk Gexxaamah Yoofeh Yan Weeqa kee Baaxo Futceh Qawwalaylat 24 Yekke Mari Qawwaddi Yewuqem Caagid Wagitta Reedon Qaddose :: Tama Qawwalayak Gexxaamah 2 Yekke Mari Edde Culen Ikke Amixxigewaytam CGTN Xaagi Yascasse :: Tama Qawwalylat Kalqatitte Diglo Taafu Waytamih Kakkawiso Yeceen :: Tamaatu wayta 3 Alsah Sugu waa Karmah Uddur Roobut Gino Qawwalayla Toofu Xiqtam Tama Oyti Yasxasse ::

Addis Ababa waysuk 19 sanat 2016 (ENA) Keeniyah Parlaama Faaticisseh Tan Qiso Madqaak Ugut Abak, Tama Baaxol Ugutteh Tan Uluuluka Kee Kookaxiwtte Akah Xabbocowtannah Afrikah Inkiinoh Komishinik Saqalah Yan Musa Faaki Macammat Seeco Xayyoose. Tama Saqala Asaaku Yeyyeqeh Yan Maybalaalaqal:- Keeniyak Qiso Madqa Sabab Abak, Yunkullukeh Yan Ummatta Sadi, Afrikah Inkiino Kaxxaam Cisabbossah Tan Caagiida Kinnim Ascassuuk:- Afrikah Inkiino Tama Caagid Xayikkeek Kattataakak Sugteh Tanim Yiysixxige.   Ta Ummatta Sadul Sihada Qawwaddi Edde Yewqem Kee Duyye Edde Finqitteh Tanim Ascassuuk:- Tama Kookaxaw Salaam Gitall Calli Akah Aboonuh, Wagittah Tan Dagorti Walal Elle Abtam Faxximtam Kassiise. Keeniyak Salaam Kee Amaana Dacayrih Kookaxawak, Walala Fan Yamaateenim Faxximtam Tama Saqal Diggoyse. Tahat Axawah Anuk, Galli Maroh Eglak Naharsi Saqal Antooniyo Gutoorez:- Keeniyal Yoofeh Yan Ummatta Saduuk Ugut Abak, Sihada Qawwaddi Edde Yewqem Kee Duyye Edde Finqitteh Tanih Iyyal Kaah Tontobbeh Tan Rookat Qaddoose.   Qiso Madqa Faaticiseenimiik Ugut Abak, Rama Baaxol Baxaabaxsa Le Magaaloolil Waysi Alsak 18 Xabba Haanam Ummatta Saduh Tewqqeh Geytimta. Tama Ummatta Sadi, Merrah Ayfaaf Edde Anuk, Tellemmo Fanteenit Alfimteh Tanim Kinnuuk, Tama Kookaxawal Poliis Toogoreh Tan Giraat Aham Fanah Ixxima Akak Ammixxige Sinni Marih Qawwaddi Edde Yewqeh Geytimam The Star Xaagi Yascasse.

Addis Ababa, Waysuk 12 Sanat 2016 (ENA) Taama Gufneh Kilbatti Koriyak Inaytah Tan Piyongyang Magaala Culeh Yan Rusiyah Pirezdanti Viladmir Puutin, Pirezdanti Kim Jong Un Qax Meqe Qaskariyyoh Mayballal Garayyo Kaah Abe. Pirezdant Putun, Tatre Qunxa Garablih Alsih Addat Kim Jong Un Rusiya Gexeh Yan Uddur Kaah Abeh Yan Arcibaak Ugut Abak 24 Sanaataal Lakal Taama Gufneh Kilbatti Koriya Culeh Geytima.   Namma Mirocti Sitta Lih Abteh Tan Walalal, Namma Baaaxo Leh Tan Qaskariyyoh Sittin Qokol Diggousaanam Elle Duudan Caagiidil Baar Luk Mabboloowen. Awayi Waktil Yukreeni Lih Carbit Tan Rusiya, Kilbatti Koriya Faxxiiam.Qokol Teetih Abtu Waytam Kim Jong Un Qaddoose. Baxsa Luk 2 Baaxo Nukleer Silac Tittikiyyeh Tan Baaxooxa Kinnuuk, Tama Langil Lon Sittin Qokol Yayse Gurral Diggoysoonu Elle Duudan Innal Walaleenim Yiysixxigen.   Tahak Tatural, Namma Morocti Maddur Kee Kalah Tan Langittek Sittin Qokol Fayya Hoonuh Walaleenim Aljaziirah Xaagi Yascasse. Pirezdanti Kim, Rusiya Yukreeni Lih Abak, Geytimta Carbih Faxxiima Qokol Abelem Qaddoose.

Addis Ababa, Waysu 02, 2016 (ENA) Iraanak Baaxoh Addih Caagiidah Malak, Tama Baaxok Pirezdanti Dooroh Qalalah Yan 6 Yakke Farita Mara Qaddoose. Ta Malak A Alsih Addat Gexisoonu 2ab Pirezdanti Dooroh Qalaylih Illacabo 6 Yakke Marih Migaaqih Addaffakot Abe. Pirezdanti Dooro, A Xayi Udduurih Addat, Iran Pirezdanti Ibrahim Rayosi Helikopter Qawwalaylat Rab3emik Ugut Abak, Tama Baaxol Qusba Pirezdanti Dooraanam Faxximtaamih Taagah Gexsan Dooro Kinni. Pirezdanti Doorol Qalalah Yan Marih Fanak, Iranak Ciggiila Pirezdantih Yan Amir Cusen Qhazizadeh Haashini Edde Anuk, Baxaabaxsa Le Miraaciinul Geytimah Yan Marih Xayyooweh Yanim Art Xaagi Yascasse.

Addis Ababa, Laqini-Alsak 20, 2016 (ENA) Qasa Badih Dariifak Tanteh Gexxah Tan Tellemmo Markabittet Takke Maysattaka Soolisak, Salaamal Yan Safar Yakkem Faxximtam Chaynak Afa Caagiidah Malak Wang Yi Seeco Xayyoose. Tama Malak Seeco Elle Tatruseh Yanimi, Asaakih Ayro Yamanak Afa Caagiidah Malak Lih Chaynak Inayta Magaala Beejingil Walaleenik Lakal Kinnim Warsen. Tama Caagiidal, Chayna Kaxxa Doori Elle Digirtuh Bicat Geytimtam Qaddoosemi, Royteris Xaagi Yascasse.

Addis Ababa, Laqini-Alsak 08, 2016 (ENA) Boolul 90 Gaba Takkem Rusiya Kee Chaynah Qadaagah Limol, Isinni Lakqot Abbinooseenim Rusiyah Pirezadanti Viladmir Puutin Qaddoose. Pirezdanti Puutin Namma Ayroh Taama Gufneh Kimaalih Ayro Beejing Culeh Yanim Kee Chaynah pirezdanti Shi Ji Ping Lih Walaleh Yanim Yiysixxigen. Tama Walalal Rusiya Kee Chaynah Fanal Yanih Yan Angaaraw Sittin Assakoxxaay, Meqe Cuggaane Kee Sittin Tuxiiqih Gexsitil Rakiiboh Le Angaaraw Loonum Pirezadnt Puutin Abeh Yan Yaabal Qaddoose. Koroonah Vayresih Dalka Kee 3hele Dagarih Gabah Culsa Ta Namma Cayla Le Baaxooxat Xukko Abaanam Gibbateenim Takkay Ikkah, Namma baaxo Maqar Le Sittin Investimenti Qokol Xsiak, Tellemmo Tabaatabsa Isinnik Fayya Haak Geytimaanam Yiysixxige. Baxsa luk Boolul 90 Gaba Takke Tellemmo Tabaatabsitte Rubil Kee Yuwaanal Qadaaga Limol Akah Asisan Innah Abak, Ken Fanal Yan Maqar Le Tellemmoh Fantaaxaw Akah Diggoowannah Rakiibo Keenih Tekkeh Tanim Kassiise. Namma Baaxok Tellemmo Tabaatabsi Waktiik Waktih Fayya Axcuk Geytimam Kinnuuk, Awayih Uddur 227 Biliyoonih Doolar Gufeh Geytimam Qaddoose. Pirezadnt Puutin Beejingil Suguwah Yan Uddur, Nammay Takkoh Angaarawaay, Maddur Qokoluuy, Yukreen Carbi Kee Baad Caddibnih Caagiidal Walal Abele Axcuk Qmabalaanam RT Xaagi Yascasse.

Addis Ababa, Qado-Dirrik 23, 2016 (ENA) Rusiyak Kusaq Makaado A Xayi Udduurih Addat Moskol Tekke Maysattakat Axawah Anuk Ameerika Kee Kalah Tan Ayro Korma Baaxooxal Kusaq Qimbissem Tiysixxige. "Yukren Missosseh Akak Iyyen Tama Maysattakat Axawah Anuk, Ameerika Kee Ayro Korma Baaxooxa Gaba Edde Maay Leeh" Intah Tanim Akak Yasimteenim Elle Duidan Kusaq Qimbiseenim Tama Makaado Qaddosse. Tahak Ugut Abak Ameerika Kee Ayro Korma Baaxooxa, Tama Maysattaka Koobahisaanamaay, Maaliyyah Qokol Kee Maysattaka Akah Takkennah Amri Yaceenimil Gaba Edde Lem Kee Alle Waytam Asmiteloonum Yiysixxigen. Ayyaamake Naharal Moskol Inki Gad Elle Xayyoosak Sugen Aracat Tekke Maysattakat 140 Daga Yakke Marih Qawwaddi Edde Yewqem Kee 100 Daga Yakke Mari Edde Biyaakiteh Yanim Kassiisak RT Xaagi Yascasse.

Addis Ababa, Qado-Dirrik 09, 2016 (ENA) Viladmir Puutih Rusyal Gexsen Pirezdanti Dooroh Qalaylil Fayya Le Xongolo Geyak Mayso Geyeh Yanim Qaddowte. Puutin Aham Fanah Tekkeh Tan Loowol Boolul 88 Gabah Xongolo Geyeh Yanim Warsen. Kaxxaam Daqayat Luk Sugeh Akak Iyyen Tama Dooro, Puutin Ila Farangi Liggidak 2030 Fan Rusiyah Pirzdanti Akkuk 6 Sanatah Qagitak Miraaciini Arac Geyeh Yanim Qaddowte. Tama Gexseenih Yanin Dooro, Aamanti Luk masuginna, Dudda Le Anaakara Mari Edde Mangalinna Intah Tanim Kee Tama Bis Le Saditte Antabbamuk Geytimta

Addis Ababa, Qado-Dirrik 09, 2016 (ENA) Ameerikak Afa Caagiidah Malak Antoni Bilinken, Malokti Daffeynah Koboxuh Gabbi Koriyak Inayta Si'ol Culeh Yaniimik Ugut Abak, Kilbatti Koriya Mangoh Tan UX Xexxaara Fan Tamuggure Balastik Misaelitte Ayro Mawqa Bada Fan Toogoreh Tanim Gabbi Koriya Qaddosse. Piyongyang Tama Dariifah Saaqatih Loowol Asaaki Macsenta Toogoreh Tanim Ascassuuk, 300 Kiilo Meetir Fan Gexak Ayro Mawqa Badal Raddeh Tanim Yiysixxigen. Kilbatti Koriyajk Inki Qaynatak Tan KN-24 Xiqsittah Tan 3 Takke Ux Xexxaar Fan Tamuggureh Tan Balastik Miselitte Toogoreh Tanim Qandek Fayya Le Reedon Qaddosse. Gabbi Koriya Koriyah Qande, Tama Misaelitte Tonnaluuk Yubleenim Kee Yasmateenik Lakal Tama Oyta Ameerika Kee Jappan Reedonuh Yiysixxigen. Tama Baaxooxsah Reedon Isinni Katuk:- Kilbatti Koriyah Abto, Koriyah Dariifal Salaam Kee Xacac Sinna Akah Yankullukennah Abtah Tan Umaaneh Uguuugusiyyih Abto Kinnimit Yaabenimi Azer-News Xaagi Yascasse.

Addis Ababa, Caxah-Alsak 25, 2016 (ENA) Baad Caddol Siragleele Rubtah Tan Baaxooxa Qadaaga Fayxi Milaaguh Calli Akah Abak, Bica Le Qadaaga Saami Hadaloonuh, Sitta Lih Taamotaanam Elle Duudan Sittin Gey Aben. "Gino Gaaz Assakat Leh Tonnah Sarrimaane Le Fooci Saamih" Intah Tan Mablal Aljeeriyal Gexiseenih Yanin 7hele Kobox 14 Takke Siragleele Rubtah Tan Baaxooxa, Siragleele Qadaagah Fayxi Milaagu Akak Raaqisoonu Elle Duudan Sittin Gey Abeenih Yaniinim Qaddowte. Tama Sittin Gey Gufteh Tan Baaxooxak Rusiyaay, Iraanaay, Qhatar Kee Venzhiwelah Baaxooxa Kinnih Tanim Yiysixxigen. Tama Koboxul Kulli Baaxoh Awlaytit Umman Yaafeh Yan Siragleele Murtih Qadaagah Milaagu, Baad Madduurul Taqabi Kataasak Geytimah Yanim Qaddooseenimi Afrika News Xaagi Yascasse. Ossetinah:- Industritte Siragleele Kee Gino Gaazat Antiffiqime Way Kee Qusbah Yan Asqassaabe Caylih Dooritir Antiffiqimuk Geytimaanama Adaf Akkuk Geytimah Yabim Warsen.

  Addis Ababa, Agda-Baxissok 23, 2016 (ENA) Chana Afrkah Baaxooxa Lih Leh Tan Tellemmo Tabaatabsi 282 Ximmo 1 Biliyoonih Doolar Gufeh Yanim Qaddowte. Chaynak Tellemmo Malak Elle Qaddoosennal:- Maddur Kee Tellemmoh Sittin Qokol Chayna-Afrikah Angaarawak Rakiibok Maftacak Yanim Qaddosen. Farangi Liggidih Loowok Sanat 2023 Beejing, Afrikah Baaxooxa Lih Luk Sugte Tellemmoh Angaaraw Faxe Udduurak Lait Luk Meqe Xalot Luk Sugteh Tanim Yiyixxigen. Mizaaniyyat Liggidal Chayna Afrikah Baaxooxa Lih Leh Tan Mango Langik Tellemmoh Tabaatabsal 282 Ximmo 1 Biliyoonih Dolaaraak Daga Gufeh Yanim Yescessen. Aham Kaaduk 15 Sanat Sitta Lakleh Afrika Lih Fayya Le Caddol Tellemmo Tabaatabsa Abte Dibuk Tan Baaxo Kinnim Qaddoose. Fooca Fanah Chayna-Afrika Maddur Kee Tellemmoh Sittin Qokol Yayse Gurral Diggoysak Qusba Ikraaro Akah Xabba Hayteh Taamitak Geytimtam Shinwah Xaagi Yascasse. Tahak Ugut Abak Chaynay Wohuk Taturak, Afrikah Baaxooxah Ummkattah Tuxxiiqi Takkeh Tan Taamoomih Hangi Acayuk Taamiteloonum Qaddoose.

  Addis Ababa, Agda-Baxissok 19, 2016 (ENA) Galli Maroh Egla Ghaazal Adan Baxi Qokol Xayyossah Tan Baaxooxa, Abak Sugen Qokol Akah Diggoosan Innah Seeco Xayyosse. Ameerikaaya, Biritaaniyaay, Awustiraaliyaay, Kanaadaay, Finlandiiy, Jarmanaay, Taaliyan Kee Zerlandi Baaxooxa, Ghaazah Adan Baxi Qokoluy Abak Sugeenih Iyya Sooliseenim Yiysixxigen. Tama Baaxoxsa Abak Sugte Qokol Akah Soolisseh Tanimi, Caamas Isrealit Abtah Tan Maysattakat Gaba Loonuh Akak Iyyen Ghaazal Adan Baxi Qokolih Taama Abak Sugte Galli Maroh Eglah Taama Abeynit Edde Tengeleh Axcuk Isreal Qaddosseemik Ugut Abak Kinnim Warsen. Galli Maroh Egla Is Le Katuk:- Tama Abtot Gaba Luk Sugteh Akak Iyyen Taama Abeynit Taamak Diriyeenih Yaniinim Kee Ossetina Kusaq Abaanam Qimbiseenim Yiysixxigen. Galli Maroh Eglak Naharsi Kutbe Abeynah Yan Antoniyo Guterez Tama Caagid Wagsiisak Tatruseh Yan Farmol:- Away Ghaazal Geytimta 2 Miliyoonuuk Daga Takke Ummatta Adan Baxi Qokol Faxxah Tanim Qaddoose. Ghaazal Adan Baxi Qokol Xayyoosak Sugte Baaxooxa Abak Sugen Qokol Sooliseenim Gitak Ane Waytah Tanim Yiysixxige. Tah Kinnuuk Baxooxak, Ghaazal Taqabi Addat Geytimta Ummattah Yakke Qokol Diggoysaanam Faxximtaamih Seeco Xayyoose..   1 Alfi 300 Daga Takke Isreal Xaylo Edde Rabteh Tanim Ascassuuk 250 Takkem Kaaduk Caamas Gabat Sewah Yabbixeenim Tamixxige. Gersi Katuk Isreal Ghaazat Abteh Tan Maysattakat 26 Alfiik Daga Takke Falestin Xaylo Shahid Edde Tekkeh Tanim RT Xaagi Yascasse.

  Addis Ababa, Agda-Baxissok 14, 2016 (ENA) Israelik Naharsi Malak Beniyaamin Netaniyaahon Ghaazah Carbi Gaba Kalannah, Seewah Caamas Tabbixe Israel Xaylo Ruuboonuh Caamas Katu Xayyowte Essero Oggole Wah Yanim Yiysixxige. Caamas, Israel Lih Abak Geytiman Carbi, Soolisaanam Elle Xiiqan Mabla Xayyoseenih Geytimaanam Tamixxige. Tahak Ugut Abak, Isreal Ghaazat Abak Geytimta Qaran Maysattaka Kee Ibi Qandet Ghaazak Teyyeeqek, Seewah Yabbixen Isreal Xaylo Ruuboonu Waanam Yescessen. Tama caagiida Wagsiisak Maybalaalaqa Yeceh Yan Beniyaamin Netaniyaahon:- Caamas Ghaazal Yakke Carbi Akah Soolaannah Xayyosse Mabla Oggol Malim Qaddoose. Tama Mabla Oggolaanama, Fida Mekelteh Tan Isreak Qandel Anqasaanamak Nableeh Axcuk Yiysixxige. Caamas Gacak Geytimtaamat Yaabeh Yan Beniyaamin Netaniyaahon:- Xayyooseenih Yanin Mabla Oggol Alle Wah Yanim Yescesse. Kulli Dariifal Caamasak Maqqah Albab Alifeloonu Kee Mawqa Akah Geye Wan Innah Abenno Axcuk Qaddoose. Isreal Reedoonih Oyti Elle Yascassennal:- Aham Fanah 136 Takke Isreal Xaylo Caamas Seewah Tabbixeh Tanim Yiysixxigen. Seewah Yabbixen Marih Buxah Mara Kee Kalah Yan Mari, Ken Akah Ruuban Innah Walal Yakkem Faxximtam Esserak Geytimaanam Aljaziirah Xaagi Yascasse. Isreal Ghaazal Abak Geytimta Maysattakat Aham Fanah Sayyo Kee Alaaqa Edde Anuk 25 Alfiik Daga Takke Falestin Xaylo Shahid Edde Tekkeh Geytimtam Oyti Yascasse. Gersi Katuk Kimaalih Ayro Adan Baxi Qokol Yerreh Yan 260 Makaayin Ghaaza Culeh Geytimam Qaddowte.

  Addis Ababa, Agda-Baxissok 07, 2016 (ENA) Chayna Farangi Liggidih Loowok Sanat 2023 Illacabol 4 Miliyoonuuk Daga Takke Baaxoh Addak Hadal Taamah Ikoytiinol Baadal Qabursi Baaxo Tekkeh Tanim Qaddowte. Aham Kaaduk Sanatak Sanatal Boolul 22 Ximmo 4 Gaba Dadal Ayballayuk Geytimaamak Ugut Abak Baadal Qimbo Baaxo Tekkeh Geytimtam Chaynak Agatak Hadal Taamah Ikoytiinih Xiinisso Tiysixxige. Tama Xiinissok Ciggiila Saqal Hu Wenihuy:- Kaxxa Limo Leh Tan Hadal Taama Askattabuk Amolladih Boolul 40 Gaba Gufteh Tanim Qaddoose