Stride Itiyoppiya Ekispo Teknoloojo Kee Innoveeshinil Takke Taamoomi Baar Luk Teysexeexegeh Tanim Qaddowte

Addis Ababa, Laqini-Alsak 18, 2016 (ENA) 

Stride Itiyoppiya 2024 Ekispo Saynisiiy, Teknoloojiiy, Kusaq Kee Innoveeshinil Tekke Taamoomi Baar Luk Elle Yaysexeexegeenimi Innoveeshin Kee Teknolooji Malak Dr. Belete Molla Qaddoose.

Laqini-Alsak 11 Ila 18 Sanat 2016 Fan Saynis Muziyeemil Gexisak Sugen Stride Itiyoppiya 2024 Ekispok Alif Taddeera Gexsen.

 

Dr. Belete Molla Tamakkel Abeh Yan Yaabal:- Ta Ekispo Mango Abak Raagittel Elle Geytime, Teknoloojit Cattimta Qusba Hadal Mabla Leh Yan Qunxaaneyti Elle Yumbulleenim Kee Aytikuma Keenih Edde Abeenim Qaddoose.

Cankah Eglaalih Gabat Agle Edde Haysitteh Sugte Ekispok Sugteh Tanim Ascassuuk:- Maglableela Lih Cattiimak Fooca Fan Yayse Gurral Diggoysoonu Waanam Yiysixxige.

Taama Kee Duddi Malaakàh Tan Mufarricat Kaamil Is Le Katuk:- Hadal Taamoomi, Canka Tuxxiiqik Ossetinah, Taama Saamih Hadaliyyah Iskkeh Doori Digrtam Duddam Qaddosse.

Tama Illacabo Taddeeral Tama Langih Macalteh Tan Dagorti Kee Assakat Le Xalot Geysisseh Tanih Iyyah Acwa Kee Mamaxxaga Keenih Yecen.