247 miliyeenih birrik amo yakkeemih akkal aka lon kontro Banxi duyye yibbixen

 Addis Ababa Waysuk 18  sanat 2016 (ENA)

Gomruuk Komshin Waysuk 7 elaa 13 Sanat 2016 fanat abak sugenih  yan kattaatal 247. 8 miliyeenih birri tabbixe Kontiro Banxi duyye baxaabaxsa le Luddittel yibbixen. 

 

Kontiro Banxi duyye beyak  sugteh tan 10 takke Maritte kee malcina makiina lowsis gubat heenih geytimaam yiysixigen. 

lowsis gubat heenih yanin duyyet Saraay, Sirag le kee electronic duyye kee Daylaay,  Cashiish kee Makaayin duyyey, maaqô zeyti kee kalah tan duyyeeya edde geytimtam warsen.