Filx Marshal Berhanu Jula Morokkoh Qandeh Erga Lih Walal Abe ።

Addis Ababa Ditelik 9 sanat 2016 (ENA)

Agatak Kalali Qande Saqalah Yan Filx  Marshal Berhanu Jula Morokkoh Qaskariyyoh Erga Lih Walal Abe ። 

Filx Marshal Berhanu Jula Morokkok Ciggiila Inspekter Jeneral  Qaziz Idrisi Miraacisah Yan Qaskariyyoh Erga Isi Kutbeh Buxal  Cirigak Baxaabaxsa Le Qaskariyyoh Caagiidal Walal Aben ። 

 

Tama Walalal Filx Marshal Birhanu Jula Namma Baaxoh Fanat Xer Aydaadi Angaaraw Sugeenim Kee Baxaabaxsa Le Caagiidal Angaaraw Akah Yibbixen Innah Abeh Yanim Qaddoose ። 

Away Uddur  Alfimte Albaab Fakkak Qusba Angaaraw Gita Xisoonuh Walal Kee Gufne Abaanam Meqem Kassiise Tohih Taagah Kaxxam Ruffa inna Axcuk Qaddoyse ። 

Mejer Jeneral Qaziz Idrisi Itiyoppiya Salaam Dacrisaanam Kee Kalah Tan Luddal Leh Tan Dirkitte Meqennal Akah Tabbixennah Xiqtah Tan Maqar lee Qande Leh Tan Baaxo Kinnim Yiysixxige ። 

Tonnah Itiyoppiyah Qande Lih Angaarawu Abaanam Kaxxam Faxximta Axcuk Qaskariyyoh Sittin Qokol Kaxxam Faxximtam Aaminuk Tama Walal Akah Aban Innah Itiyoppiya Fanah Yamaateenim  Yiysixxige ። 

 

A saaku Ta Walal Namma Baaxoh Fanal Sugeh Yan Angaaraw Aqusbuseenim Kee Salaam Kee Saay Caagiidal Sitta Lih Taamitoonuh Albaab Fakeenimih Rufto Lem Yiysixxige ። 

Ahak Afal Federaalak Kalali Qandeh Malaakih Erga Morokko Fanah Gufne Abtem Kee Ciggiltah Tan Ayroorah Addat Morokkoh Qaskariyyoh Erga Baxaabaxsa Le Fanteenat Gufne Abak Baxaabaxsale Gufne Abak Geytimaanam Qaddoosen ። 

Tama Gufnek Lakal Yekkeh Yan Mablâ Tabsi Kee Walal Namma Baaxoh Fanat Yakkeh Yan Qaskariyyoh Sittin Gey Kee Afrikah Tobokoytih Ruucih Kaxxa Rakiibo Daffeselem Yiysixxigen ።