" Itiyoppiya Giriik Lih Leh Tan Angaaraw Diggosuh Taamitak Geytimta " Ambasadder Misganu Arga

Addis Ababa Ditelik 10 sanat 2016 (ENA) 

Itiyoppiya Giriik Lih Leh Tan Angaaraw Ossotinah Diggowtuh Fayya lee Caddol Taamitele Afa Caagiidah Malaakih Deeta  Ambasadder Misganu Arga Qaddoose ። 

Ambasadder Misganu Giriikil Itiyoppiyak Massakaxxale Konsulih Kutbeh Buxa Dooqaysak Fake ። 

Tama Qaffaydah Fakkenti Giriik Iroh Caagidah Malaakih Saqolti  Giriik Addal Tan Itiyoppiyah Ayyuntih Awlaytit Tellemmoh Ayyuntih Adoytit Kee Aytigexxole Maritte Edde Tengelem Yiysixxigen ። 

Afa Caagiidah Malaakak Geyne Oyti Elle Yascassennal  Ambasadder Misganu Giriik Baaxol Itiyoppiyak Massakaxxa Le Konsul Akkuk Reedisen Georgios Bikaas Reedisen Ayyufta Tabse ። 

Massakaxxale Kunsul Kutbeh Buxa Baxaabaxsa Le Caddol Fakkiimaanam Wagsiisak Giriik Kee Itiyoppiyah Fanat Xer Waktih Yan Angaaraw Ossotinah Diggoosaanamal Maqar luk Taamiteloonum Ambasadder Giorjiyos Bikas Qaddoose ። 

Tahak Ugut Abak Baxsa Luk Tellemmo Kee Investimentih Luddal Angaaraw Fayya Le Caddoh Doori Diggoyseloonum Kinnim Qaddoosen ።