"Kontrobanxi kee gitaak iroh yan tellemmo kalaloonuh Itiyoppiya kee Jabuuti itta luk taamitaanam faxximta " Kasahun Gofe (Dr.)

Addis Ababa Ditelik 10 sanat 2016 (ENA)

Kontrobanxi Kee Gitaak Iroh Tan Tellemmo Kalaloonuh Itiyoppiya Kee Jabuuti Sitta Lih Taamitaanam Faxximtam Tellemmo Kee Dariiifah  Angaaraw Malaakah Yan D/r  Kasahun Goffe  Qaddoose ።Tama malaak Djabuutik Tellemmo Kee Wacaysir Malaakah Yan Macammad Warsama Miraacisa erga oggolem  kee walal Keenilih Gexseem Timixxige ። 

 

Tama Walalal Djabuuti Tellemmo Kee Wacaysir Malaakah Yan Gifta Macammad Warsama Djabuuti Itiyoppiya Lih Xer Aydaadiiy Mangoh Tan Angaaraw Leh Tan Baaxo Kinnim Yiysixxige ። 

Tama Gufneh Hadaf  Xayi Udduurih Addat Gaattat Iro Baaxo Rubiyyat Angaaraw Luk Ugutteh Tan Taqabitte Walal Gitaak Calli Akah Yallennah Abaanam Kinnim Qaddoose ። 

Tama Malaak Ramadhaan Alsih Addat Gaata Koota  Abbinoosak Geytiman Yoofe  Taqabitte Madqak Iroh Yan Kabxa Kee Rakaakay Caddol Gaat  Exportih Qiso Akah Aban Innah Abak Geytiman Taqabitte Baar luk Elle Qaddoosennal ። 

Tellemmoo kee Dariifah  Angaarawih Malaak isi kabuk  Itiyoppiya DJabuuti Lih Angaaraw Lem Kaxxa Tellemmok Iroh Mango Caagiidal Lem Yiysixxige ። 

Ahak Ugut Abak  Gaat  Afa Baaxo Fanah Yayyaaqeenim Wagsiisak Geytima Caagid Qusbam Hinnay Tohih Taagah Sitta Lih Taamitaanam Xiqqimtek Ta Taqabi Yafdigeenim Taqabi Kinnim Qaddoose ። 

Gaat quotah abnisso wagittaamal malaakak geyne oyti yascassem Gaat Wagittaamal  banki kee gumuruuk oyta qaduk Wagiitak  tan taqabitte xayyoosak kusaq abneek lakal fidga kah Abenno Axcuk Qaddoyse ። 

Ta Luddal Tambulle Taqabi Kontrobanxi Kee Madqak Iroh Yan Kabxa Kinnim Qaddoosak Namma Baaxo Sitta Lih Taamitaanam Faxximtam Kassise ።