Leedâ Partik Qafar Rakaakayih luddak Sayyô Liigih kutbeh buxah bical Rakaakay Caddol Sayyok Karmah Alsitteh Labbat Ayfaafih Aynabaabadih Gudgud Samara magaalal Gexsite

                           Addis Ababa Ditelik 16 sanat 2016  (ENA)

Leedâ Partik Qafar Rakaakayih luddak Sayyô Liigih kutbeh buxah bical "Labbat Maqanxiinuuy Hori Gablusso kee Sarrimaanele Daddoosuh" inta Radmol Rakaakay Caddol Sayyok Karmah Alsitteh Labbat Ayfaafih Aynabaabadih Gudgud Samara magaalal Gexsite

Tama Gudgudul Ciggiila Perezxentih Bilhadal Leedâ Partik Qafar Rakaakayih Luddak Saqalah yan Cajji Qiise Adam Kee Qafar Rakaakayih Mijlisik Naharsí Afteenah tan Gifti Asiya Kamaal edde anuk Federaalak Sayyô Liigih Miraaciinih Erga kee Qafar Rakaalayak Sayyô Liigih Miraaciinu elle geytimen.

 

Leedâ Partik Qafar Rakaakayih Luddak Saqalah yan Cajji Qiise Adam tama gudgud yaabal fakeh yan udur tatruseh yan farmol

Leedâ Partik Qafar Rakaakayih luddak Sayyô Liigih kutbeh buxah bical Rakaakay Caddol Sayyok Karmah Alsitteh Labbat Ayfaafih Aynabaabadih Gudguduy asaaku gexisna kah faxxiimem Qafàr Sayyo Labbat Ayfaafayal isinni doori digiraanam tammallayu kinnim yescesseek lakal Gaba dagoytit qoklaanaah, Qarwa keenih xisaanamih taamoomi Leedâ Parti ekraarissak dumal Qafár Ummatta Qaadah le abto kinnih tanim diggoyse

 

Leedâ Partik Qafar Rakaakayih luddak Sayyô Liigih kutbeh buxak Saqaláh tan Gifti Urtiya Yayso Qafar Qafar Sayyo labbat Ayfaafayal isinni luftak awaquk yemeeteenim kee baxsa luk asanat Qusbannal ekraariseenih yaniinim tescesse.

Elle-cabol, Tama gudgudul geytime miraaciini Qabbay Karawwadih xisneh qokolih Bonxih Limo kee Qabali Mattacuy aben.