Itiyopiyak UNICEF egalah saqal kee Inonti Kee Alaaqah Ambasaddor miraacissa erga Dubti daqaaral angayyuk taamitta Qaafiyat buttat gufne abenih yaninim qaddowte.

Addis Ababa Ditelik 17 sanat 2016 (ENA)

Itiyopiyak UNICEF eglah saqalah yan Dr Abubakar Kambo Kee Itiyopiyak Inonti kee alaaqah ambasaxxerih tan Gifti Mekxes Tsegaye miraacisah tan erga Dubti daqaarak Geega kee baxsu Awdak Arrekala Makaftal Angagayyuk Taamitta Qaafiyat Butta/Mobile Health Team gufne abeenih yaninim qaddowte.

Ta gufneh aracal yubleni yanin taamat satta iyyenih yaninim kee Tama erga mobile health teamih taddeerat abaanah yanin qokol fooca fanah diggoosonu waanam kee Inonti kee alaaqa Qaafiyatal Tekke taamomi assakat leh fooca fanah tayse taama sittaluk abonu wanaah yaniinim diggoysen.

 

Tama ergallih tama gufnet Miraaciseh yan Qaafiyat biiroh saqal Gifta Yasiin Cabiib iyyeemih Ni ummattak mano angagayuk yaqeshinimih sabbatah ken lakat angayuk dayli ayfaf acayuk geytimanah angayyu taamatta Qaafiyat butta Qafar ummattay dacarsittoh xiinah tanih kaaxam doorile ayfaf yaceeh yan program kinnih tanim qaddoysak ta prograamah yakkeh yan qokol diggoowam faxximtam Yiysixxige.

Ni rakaakayih caddol 30 Takke Qaafiyat Buttay 150 Fanteenal ayfaf taace tanih asanatih addat sidiica bool lica alfik Daga takke ayyunti exxaxi angagayyuk taamitta qaafiyat buttah dayli ayfaf tecem tamixxigeh UNICEF kee Ni Rakaakayih Doolat Sittaluk Cattimak qaafiyat Buttah taama qokolak geytimnah geynah nan cato soolak macissek elle taamitnu wayna siiratitte massosneh geytimna axcuk yaabe Gifta Yaasin Cabiib.