Gambellah Rakaakayih Majlis 6 haytoh Madabiino Kobox Qimmiseh Geytima

Addis Ababa Ditelik  18 Sanat 2016 (ENA)

Gambellah Ummattah Agatih Rakaakayih Doolatih Malah Buxa 6haytoh Dooroh Dabisaanak, 3hayto Miraaciini Daffeyna Gambellah Magaalal Asaaku Qimmiseenih Geytiman. 

Tama daffeynal 2016 Miizaaniyyat Liggidih Rakaakayak Daddos Kee Meqe Xiinissoh Ikraaroy, Daga Raqta Cukmih Buxah Gabbaaqu kee Oxiter Jeneral Kutbeh Buxak Gabbaaqu Ankacisak Faaticisen Axcuk Qambaalan.

 

Tama Daffeynal Sanat 2017 Miizaaniyyat Ligidih Daddos Kee Meqe Xiinissoh Ekraaro, Abnisso Miizaaniyyat Kee Kalah Tan Caagiidal Walal Gexseloonum Kee Margaqa Beelon.

Ta koboxul 350 daga yakke Rakaakay, rasi kee daqorti miroctiiy, Qunxaaneytaay, Diini abbobti kee kalah tan arcibiseenih yanin qibnaytit edde angaluk geytiman.

Ta kobox fakken wak Rakaakay Majlisik saqalah tan Gifti Banchayhu cubekal Rakaakayak kulli caddol tan majlis adoytit rakaakayak gabah assagolla kee daddos taamal ayfaf akah geytannah isinni doori digirtam faxximtam qaddosse.

Afteenah Tan Gifti Banchayhu Elle Qaddossennal, Malah Buxa Rakaakay Saay Kee Daddos Akah Takkennah
Mango Luddal Taamitak Geytimaanam Qaddosse.   Rakaakayal tekkeh tan salaam taqabi baaxo xaylo salaamah yamaatem kee gexxam duude waytaamih qawwalayla katasseh tanim takkay immay doolat kee ummatta baxa baxsa le gudgudittel walalteeh massoosaanam xiiqimtem warse.

 

Tahak Ugut Abak Kulli Caddol Geytimta Malah Buxa Baaxo Xaylo Daddoosul Gabah Assagolla Kee Tuxxiq Akah Takkennah Abaanam Faxximtam Yiysixxige. 

Isi kabuk Rakaakay majlisik kutbeh buxa saqal Ujulu Udol elle yescessennal, Rakaakay Ummatta Ugutte Daddos Kee Salaam Caagiidal Raddi Yaceenimih Doori Fayya Lem Kassiise. Malah buxah makaadoh lowsis kee lowsis taamah addat gexsitak sugeh yan dadal.