Itiyoppiya Kee Chayna Saynis Kee Teknoloojih Caagiidal Lon Sittin Qokol Diggoysak Gexeloonum Qaddoose ።

Addis Ababa Ditelik 18 sanat 2016 (ENA)

Saynis Kee Teknoloojih Daddoosih Caagiidil Itiyoppiya Kee Chayna Sittin Qokol Diggoysak Gexeloonum Yiysixxige  

Itiyoppiya Kee Chaynah Fanal Saynis Kee Teknoloojih Sitta Lih Taamittah Tan Makaadoh Sidoc Heele Daffeyna Addis Ababal Gexisen ። 

 

Taturte Sanootah Saynis kee Teknolojih Sita luk abit Rakiibo Kusaaqisak Lakal Ciggiila Koona Sanatih Addat Qusba Luddal Sitta Lih Taamitoonuh Sittin Gey Yifrimen ። 

Innoveshin Kee Teknoloji Malaakah Yan Gifta Belete  Molla  Abeh Yan Yaabal  Itiyoppiya Dijital Tabaatabsa Abbinoysan   Innah Abak Geytimta Safar Qimmiseenih Yaniinim Kassiisaak Tah Elle Taamittannah Meqe Dariifa Ginnimtem Qaddoose ። 

Saynis, Innovation kee Teknoloojih Hangi Akah Yaceen Innah Ayyuntiino Kee Qidaddo Luddal Aydukumusa Xalu Geyak Geytimaanam Yiysixxige ። 

Tama Malak Elle Qaddosennal Baaxo Xayloh Mano Dadlisaanam Kee Baaxo Daddos Sissikuk Akah Yaysiisen Innah Teknoloojih Tuxxiq Lem Yiysixxige ። 

Tahak Ugut Abak Caalat Milaagime Waytah Tan Itiyoppiya Kee Chaynah Istiraateejî Sitta Lih Taamitak Geytimaanam Kassiise ። 

 

Tama Baaxooxah Sittin Qokol Itiyoppiyak Dijital Tabaatabsa Akah Takkennah Kaxxa Doori Lem Kassiisaak Baritto, Aydakaakan Kee Kalah Tan Sittin Qokolih Teknoloojih Qusba Osiselem Yiysixxige ። 

A saaku Yifrimeenih Yanin Sittin Gey Mihratleela Saynis Kee Teknoloji Luddal Leh Tan Ixxiga Kee Abak Raag Tabsaanam Kee Tama Luddal Sitta Lih Fokkaaqo Kee Kusaqa Akah Aban Innah Abak Geytimaanam Yiysixxige ። 

 

Chaynak Saynis Kee Teknoloojih Malaakah Yan Gifta Lin Xin, A saaku Gexsitak Geytima Gudgudul Tama Baaxooxah Fanal Yakkeh Yan Innovation Sittin Qokolih Cato Lem Yiysixxige ። 

Tahak Ugut Abak Chayna Itiyoppiya Lih Saynis Kee Teknoloojih Luddal Leh Tan Sittin Qokolih Diggoyselem Yiysixxige ።