Abbay Weeqaytih komishin baad caddol oggol leh yan siirat ginaanamih Xiqsissam Kinnim Qaddoysen ።

Addis Ababa Ditelik 23 Sanat 2016 (ENA)

Lee kee Elmo Malaakih Deeta  Ambasadder Asfaw Dingamo Abbay Weeqaytih  Leeh Gadditte Sitta Lih Akah Takkennah Abaanam Kee Daddoosaanamal Baad Caddol Ogol Le Xisneh Taama Abak Geytimaanam Qaddoose ። 

Abbay weeqaytih  Koobaahissoh Rakiiboh Sittin Gey Itiyoppiya, Ruwanda, Tanzaaniya, Uganxa Kee Burundi Tama Sittin Gey Isinni Madqah Dagorti Malah Buxaaxil Faaticisen Baaxooxa Kinnim Qaddoosen ። 

Gabbi Qaxih Suudaan Sittin Gey Faticiseh Yan Lecey hayto Baaxo Tekkeh Tanim Kee Sittin Gey Madqah Abinossoh Caddo Fanah Akah Gexannah Abak Geytimaanam Qaddoosen ። 

Tama Sittin Gey Abinosele Baaxooxah Fanat Yakkeh Yan Sittin Qokolih Taama Kee Abbay  Weeqaytih Baasin Kee Tet Leeh Gaddi Dacayri, Xiinisso Kee Daddos Akah Aban Innah Abbay Weeqaytih  Baaxoh Komishin Xissiimelem Tama Senextil Qaddosen ። 

Tama Frameworkil Yifrimte 7 Takke Baaxooxak 2/3 (6 Baaxooxa) Parlaamah Sittin Gey Faaticiseenih Yaniinim Kee Faaticiseenih Yanin Kukta Afrikah Inkiinol Xayyoosan Wak Tama Komishin Xisaanam Duudan Qaddoysen ። 

Lee Kee Efeq Malaakih Deeta  Yan Ambasadder Asfau Dingamo Itiyoppiyah Migaaqal Sittin Gey Sanad Wagsiisak Xer Walal Gexseenim kee  Tama Komishinih Xisneh Gaanun Rakiibo Leh Yan Abbay Weeqqayti  Koobaahissoh Sittin Geyik Abbay  Leeh Gaddi Sitta Lih Xiinisaanam Kee Daddoosaanam Xiqsiiselem Yiysixxige ። 

Ta komishinih xisne baad caddol oggol leh Tan madqa kee xisoosah siirat leê gaddih xiinisso kee dacayrih siirat ginelelem Yescesse ። 

Tohih Taagah Sittin Gey Senexal Yifrimte Baaxooxa Tama Senede Afrikah Inkiinoh Xayyoosak Ux Uddurih Addat Tama Komishin Xisaanam Kee Baad Caddol Mamaxxaga Akah Geytannah Taamitaanam Faxximtam Yiysixxige ። 

Itiyoppiya Baadak Oggol Leh Tan Institutional Siirat Gintuh Taamitak Geytimtam Kee Fooca Fanah Abak Geytiman Qokol Tama Komishinih Taama Sissikuk Akah Takkennah Abak Geytimaanam Qaddoose ። 

Gabbi Qaxih Suudan Ditelik 8, 2024 Isi Baaxoh Madqah Daffeynal Sittin Gey Faticisewak Xabba Haanam 60 Ayroh Addat Ta Rakisso Abinoselem Ta Sanad Addat Qaddosen ።