የፀጥታና ደኅንነት የጋራ ግብረ-ኃይል ወቅታዊ ሀገራዊ የፀጥታ ሁኔታን ገምግሞ ቀጣይ አቅጣጫ አስቀመጠ

አዲስ አበባ፤ ሐምሌ 24/2016(ኢዜአ)፦የፀጥታና ደኅንነት የጋራ ግብረ-ኃይል ወቅታዊ ሀገራዊ አጠቃላይ የፀጥታ ሁኔታን በኢትዮጵያ ፌደራል ፖሊስ ዋና መስሪያ ቤት በመገምገም ቀጣይ አቅጣጫ ማስቀመጡን አስታወቀ።

 

በውይይቱ ላይ የፌዴራል ፖሊስ ኮሚሽነር ጀነራል ደመላሽ ገብረሚካኤል የፀጥታና ደኅንነት የጋራ ግብረ-ኃይሉ እየተሻሻለ የመጣውን የአገሪቱን የፀጥታ ሁኔታ አጠናክሮ በማስቀጠል በቀጣይ የሚጠብቁ ሀገራዊ ሁነቶች በሰላም እንዲካሄዱ ቅድመ ዝግጅት አድርጎ ለተግባራዊነቱ እየሠራ መሆኑን አስታውቀዋል።

 

የፀጥታና ደኅንነት የጋራ ግብረ-ኃይሉ በወቅታዊ ሀገራዊ አጠቃላይ የፀጥታ ሁኔታዎች ላይ ሰፊ ውይይት ማድረጉን አስታውቋል።

በውይይቱ የተገኘውን ሰላም አጠናክሮ ለማስቀጠል ቀጣይ የሀገሪቱን ሰላምና ደኅንነት ለማረጋገጥ አቅጣጫዎች ማስቀመጡን ከፌዴራል ፖሊስ የተገኘው መረጃ ያመለክታል።