Adoolessa 27/2016(TOI)Tajaajilli Oduu Itiyoophiyaa (TOI)n odeeffannoo sirrii ummataan gahuun cinaatti sagantaa ashaaraa magariisaarratti qooda fudhachaa akka jiru Ittaanaa hojii raawwachiisaan tajaajila oduu Itiyoophiyaaobbo Nagaasii Ambaayee ibsan. Ministirri muummee doktar Abiyyi Ahimad sagantaa ashaaraa magariisaa baranaa magaalaa Hayiqitti jalqabsiisuunsaanii niyaadatama. Hooggantoonnii fi ogeeyyonni Paarkii Inxooxxoo biqiltuu dhaabuun ashaaraa magariisaa kaa’aniiru. Ittaanaan hojii raawwachiisaan Tajaajila Oduu Itiyoophiyyaa obbo Nagaasii Ambaayee wayita kana akka jedhanitti, dhaabbatichi waggoota walitti aananiif biqiltuu dhaabuun ashaaraasaa kaa’aa har’a gaheera. Biqiltuun dhaabbatichi dhaabu guutummaatti lafti dafee akka xaa’omu kan taasisuu fi mandhalee akka ta’e ibsaniiru. Biqiltuu dhaabuun cinaatti sirriitti akka qabatu kunuunsi akka taasifamu dubbataniiru. Biqiltuun dhaabame akka qabatu fuuladuras kunuunsi akka taasifamu beeksisaniiru. Hooggantoonnii fi ogeessonni biqiltuu dhaabuurratti hirmaatan gamasaaniin biqiltuun dhaabame akka qabatu kunuunsa akka taasisan dubbataniiru. Ganna baranaa biqiltuu biiliyoona 7 tuqaa 5 dhaabuuf karoorfamee hojiitti galamuun nibeekama.

Adoolessa 27/2016(TOI)- Hooggantoonnii fi Hojjettoonni Baankii Daldala Itiyoophiyaa Paarkii industirii Boolee Lammiitti Biqiltuu Dhaabaniiru. Sagantaa ashaaraa magariisaa baranaatiin dhaabbiileen addaddaa biqiltuu dhaabaa kan jiran yoo ta’u, hoggantoonnii fi hojjettoonni Baankii daldala Itiyoophiyaa guyyaa har’aa biqiltuu dhaabaniiru. Sagantaa baranaatiin baankichi jiddugaleessa Finfinneetti qofa biqiltuuwwan nyaataaf oolan, mandhalee fi faayidaa hedduu qaban kuma 50 ol dhaabuuf karoorse hojjechaa akka jiru ibsameera.. Jiddugaleessa Finfinneetii alattis distiriiktota 23 kutaa biyyattii addaddaatti argamanitti biqiltuu akka dhaabu ibsameera. Sagantaa ashaaraa magariisaa biyyaalessaa bara 2016 biqiltuu biiliyoona 7 tuqaa 5 dhaabuuf karoorfamee hojjetamaa jira.

Adoolessa 27/2016(TOI)- Hooggantoonnii fi hojjettoonni ejensii bulchiinsa qulqullinaa magaalaa Finfinnee bakka balfa Raphii biqiltuu dhaaban. Sadarkaa ittigaafatamtuu biirootti Ittaantuun hojii gaggeessituu magaalaa Finfinnee adde Qonjiit Dabalaa, daarektarri olaanaa ejensii bulchiinsa qulqullinaa magaalaa Finfinnee doktar Isheetuu Lammaa fi hooggantoonni biroon biqiltuu dhabuurratti hirmaataniiru. Hojjettoonni qulqullinaa fi miseensonni waldaalee shariikaa saganticharratti hirmaataniiru. Sagantaan kun mata duree “biyya biqiltuu dhaabdu dhaloota ittifufsiisu” jedhuun gaggeeffamaa jira. Ashaaraa magariisaa baranaatiin biqiltuu biiliyeena 7 tuqaa 5 dhaabuuf karoorfameera. Dhaabbileen garagaraa, waldaalee fi kutaalen hawaasaa garagaraa biqiltuu dhaabaa jiru.

Adoolessa 25/2016(TOI)- Ministeerri Haqaa fi dhaabbileen isaaf itti waamaman magaalaa Gaambeellaa fi naannawasaatti sagantaa qulqullinaa fi biqiltuu dhaabuu raawwachaa jiru. Hooggantoonnii fi hojjettoonni ministeerichaa fi dhaabbilee isaaf itti waamamanii hooggantootaa fi dargaggoota naannichaa waliin ta’uun saganticha raawwachaa jiru. De’eetaan ministira haqaa Tasfaayee Dhaabaa, De’eetaan ministira haqaa Balaayhun Yirgaa fi Ittaanaan bulchaa bulchiinsa naannoo Gaambeellaa obbo Teenkuweey Jook dabalatee hooggantoonni federaalaa fi naannoo biroon saganticharratti hirmaachaa jiru. Dabalataanis tajaajiloota tola ooltummaa akka raawwatanis ibsameera.

Adoolessa 24/2016(TOI) - Itti aanaan itaamajoor shuumii waliigalaa rayyaa ittisa biyyaa jeneraal Ababaaw Taaddasee Iiziin Kabaa Lixaa yeroo kamiyyuu, eessattiyyuu ergamaa fi dirqama itti kennamuu gootummaan raawwachaa kan jiru Iizii jabaadha jedhan. Cimina kana itti fufsiisuun ergamaa fi dirqama gara fuula duraatti itti kennamuuf gama hundaan bahachuuf qophaa'uu akka qabu hubachiisaniiru. Jeneraal Ababaaw Taaddaseen qondaaltoota iizichaa waliin ta'uun sagantaa ashaaraa magariisaan qajeelcha waliigalaa Iizii kaabaa Lixaatti biqiltuu dhaabaniiru. Hogganaan qajeelcha waliigalaa duula Raayyaa Ittisa Biyyaa letenaal jeneraala Balaay Siyyuum, ajaja Iizii kabaa lixaa letenaal jeneraal Biraanuu Baqqalee, itti aanaa ajaja iizii bahaa Gizaw Uumaa dabalatee qondaaltoonni fi miseensonni dhaabbii biqiltuu kanarratti hirmaataniiru. Dhaabbii biqiltuu kanarratti biqiltuuwwaan Paappaayyaa, Avookaadoofi kaneen biroon dhaabamuu odeeffannoon Raayyaa Ittisa Biyyaarra argame ni muli'isa.

Adoolessa 23/2016(TOI)- Sirna biqiltuun ittiin dhaabamu hordofuunbiqiltuun baay’inaan akka qabatu xiyyeeffannoon hojjechuun akka barbaachisu ittaanaa kantiibaa fi hoogganaan biiroo misooma industirii magaalaa Finfinnee obbo Jaanxiraar Abbaayi dubbatan. Biiroon misooma Industirii Finfinnee sagantaa ashaaraa magariisaatiin kutaa magaalaa Lammii Kuraa Biqiltuu dhaabeera. Hawaasni hojii biqiltuu dhaabuu cimsee ittifufuu akka qabu dhaaman obbo Jaanxiraar saganticharratti. Ganna jennee osoo hindagatiin biqiltuu dhaabaman kunuunsuudhaan ittigaafatama keenya bahuu qabna jechuun hubachiisaniiru. Ganna kana akka bulchiinsa magaalaa Finfinneetti biqiltuu dhaabuuf Karoorfame milkeessuuf ciminaan hojjetamaa akka jiru dubbataniiru. Biqiltuun dhaabame baay’inaan akka qabatu sirna biqiltuun ittiin dhaabamu hordofuun dhaabuudhaan ittigaafatama bahachuun barbaachisaa akka ta’e ibsaniiru. Hojii raawwachiisaan olaanaa kutaa magaalaa Lammii Kuraa obbo Taarraqany Gammachuu, bakkeewwan addaddaatti biqiltuun dhaabamuu dubbataniiru Kanaaf hawaasni biqiltuu dhaabuu qofa osoo hinta’iin kunuunsuun akka qabatu xiyyeeffannoo kennuu akka qabu dubbachuusaanii odeeffannoon waajjira Kantiibaa nimul’isa.

Adoolessa 23/2016(TOI) - Sagantaa ashaaraa magariisaan kaka'umsaa naannaawwaaf mijata ta'e beeksisuun dhaloota dhufu qabeenya uumamaa magariisaa ta'ee fi dachee naga qabeessa ni dhaalchifna jedhan Itti aanaan Ministira Muummee obbo Tamasgeen Xurunee. Obbo Tamsgeen Xurunee ergaa karaa miidiyaa hawaasummaa isaanii qoodaniin haroowwan miira barreessaa kan haaromsaan, haala taa'umsa lafaa ajaa'ibsiisaa uumaama dinqisifachaa yeedaloo bareedaa qindeesuuf dandeesisuu, tasgabbii uumamni qabu bakka itti argan magaalaa Bishaanoftuu Bishooftuu jechuun ibsaniiru. Ergaa isaaniin biyya dhaabdu dhaloota waaresuu mata duree jedhuun hojii ashaaraa magariisaa hojjechaa jirru Bishooftuuttis itti fufneerra jedhaniiru. Sagantaa ashaaraa magariisaan kaka'umsaa naannaawwaaf mijata ta'e beeksisuun dhaloota dhufu lafa magariisaa ni dhaalchifna jedhaniiru.

Adoolessa 23/2016(TOI) - Hoggantoonnii fi hojjetoonnii Ministeera Fayyaa fi Dhaabbilee itti waamamtoota isaa Hospitaaaa Ispeeshaalayiziid Kompireesivii Alaarti keessa biqiltuu dhaabuun ashaaraa magariisaa isaanii kaa'aniiru. Ministirri fayyaa doktar Maqdas Dhaabaa wayita kana akka himanitti; sagantaa ashaaraa magariisaa bara kanaan Ministeerri Fayyaa fi dhaabbileen itti waamamtoonni isaa qindoominaan biqiltuu kuma 500 dhaabuuf karoorfatanii gara hojiitti galaniiru. Guyyaa har'a biqiltuun kumni 20 dhaabamuu eeranii; biqiltoonni kunneen dhiibbaa jijjirama qilleensaa ittisuu akkasuma nyaata fi qorichaa aadaaf kan oolaan ta'uu himaniiru. Sagantaan ashaaraa magariisaa naannaawwaa mijataa jireenyaaf toluu uumuuf, dhukkuba dursanii ittisuuf hojii hojjetamu milkeesuuf gahee olaanaa kan qabu ta'uu eeranii hawaasnii hojii biqiltuu dhaabuu fi kununsuurratti hajjechaa jiru caalaatti cimsuu akka qbu dhaamaniiru. Bara kana sagantaa ashaaraa magariisaan akka biyyaatti mata duree ''Biyya dhaabdu dhaloota waaressu'' jedhuun biqiltuu biliyoona 7.5 dhaabuuf karoorfamee hojjetama jira

Adoolessa 23/2016(TOI)- Biqiltuu dhaabuun gocha biyya dhaabuu fi dhalootaaf kennaa dhaaluu akka ta’e Ittaanaa ministira muummee Tamasgeen Xurunaa ibsan. Ittaanaan ministira muummee pirezidaantii naannoo Oromiyaa obbo Shimallis Abdiisaa, ministira qonnaa doktar Girmaa Amantee, fi hoogantoota biroo fi kutaalee hawaasaa garagaraa waliin ta’uun Bishooftuutti biqiltuu dhaabaniiru. Ittaanaan ministira muummee Tamasgeen Xurunaa wayita kana ergaa dabarsaniin, sagantaan ashaaraa magariisaa hojii Itiyoophiyaan addunyaarratti beekamtii itti argattedha. Bara kana biqiltuu biiliyoona 7 tuqaa 5 dhaabuuf karoorfamee amma ammaatti biiliyoona 5 tuqaa 4 caalu dhaabuun akka danda’ame dubbataniiru. Qabeenyi bosonaa Kanaan dura ture eegumsa dhabuun xiqqaachaa dhufuu eeranii, misoomni amma jalqabame Itiyoophiyaa magariisa itti uwwisuudha jedhaniiru. Sagantaan ashaaraa magariisaa jalqabame eegumsa qabeenya uumamaa, tuurizimii, myaataa fi tajaajiloota biroof qooda olaanaa akka qabu ibsaniiru. Dargaggoonni biqiltuu biqilchaa fi dhaabaa jiran damma baasuu fi kaarboonii gurguruun fayyadamaa akka jiran kaasanii, biqiltuu dhaabuun ijoollee keenya idaa osoo hinta’iin kennaa dhaalchisuuf qophoofneera jedhaniiru. Biqiltuu dhaabuun tarkaanfii gaarii biyya dhaabuu waan ta’eef fuulduratti dhaabuu fi kunuunsuu qbna jedhaniiru. Naannoo jireenyaaf mijeessuu, miidhagaa fi magariisa gochuun Bishooftuu hawata Tuurizimii gochuu qabna jedhaniiru. Oirezidaantiin naannoo Oromiyaa Shimallis Abdiisaa, waggoota darban naannichatti hojiin ashaaraa magariisaa dinqisiisoon hojjetamuu ibsaniiru. Baranas biqiltuun hedduun amma ammaatti dhaabamuu eeranii, ummanni hirmaannaa gochaa waan jiruuf bu’aan guddaan argamaa jira jedhan. Misoomni magariisaa biyya balaa uumamaarraa eeguu fi biyya fooyyaatuu dhaloota dhufuuf ijaaruuf qooda olaanaa akka qabu kaasaniiru. Hojiin kooriidaraa fi misooma magariisaa Bishooftuutti jalqabame magaalattii hawattuu Tuurizimii taasisuuf hojii jalqabame kan milkeessu ta’uu ibsaniiru. Kantiibaan magaalaa Bishooftuu Alamaayyoo Asaffaa, miidhagina magaalattii eeguu fi hawattuu Tuurizimii taasisuuf hojiileen misoomaa hedduun hojjetamaa jiraachuu himaniiru. Sagantaa ashaaraa magariisaa baranaatiinis biqiltuuwwan miiliyoona 8 tuqaa 4 dhaabuuf karoorfamee hojjetamaa jira jedhaniiru.

Adoolessa 20/2016(TOI)- Miseensonni mana maree naannoo biyyaalessa ummattoota Gaambeellaa sagantaa ashaaraa magariisaatiin biqiltuu dhaaban Bulchaan bulchiinsa naannichaa obbo Umod Ujuluu, af-yaa’iin mana maree naannichaa adde Baanchaayyoo Dingataa dabalatee miseensonni mana maree fi miseensonni hooggantoota naannoo, Godinaa fi aanaa biqiltuu dhaabuurratti hirmaataniiru.

Adoolessa 19/2016(TOI)- Naannoo Amaaraatti biqiltuu dhaabuudhaan magaalaawwan magariisa uwwisuun, mijataa fi hawataa gochuu cimsuun cimee ittifufuu akka qabu sadarkaa ittaanaa bulchaatti qindeessaan kilaastara misooma magaalaawwanii fi hoogganaan biiroo magaalaawwanii fi bu’ura misoomaa doktar Ahimaddiin Mahaammad ibsan. Doktar Ahimaddiin Mahaammad dabalatee miseensonni hooggansaa naannoo godinaa fi bulchiinsa magaalaa godina Walloo Kibbaa magaalaa Hayiqitti argamuun biqiltuu dhaabaniiru. Doktar Ahimaddiin wayita kana akka jedhanitti, magaalaawwan naannichatti ashaaraa magariisaatiin biqiltuu misoomsuudhaan mijataa fi hawataa gochuun cimee ittifufuu qaba. Kanaaf ammoo magaalaa hundatti biqiltuu dhaabuun ashaaraa magariisaa kaa’uun akka barbaachisu ergaa dabarsaniiru. Miseensonni hooggansaa kunneen magaalaa Hayiqitti biqiltuu dhaabuudhaan ashaaraa magariisaa kaa’anii hojiilee misoomaa addaddaa daawwataniiru.

Adoolessa 17/2016(TOI) - Koollejjiin Waraanaa Raayyaa Ittisa Biyyaa sagantaa ashaaraa magariisaan biqiltuu dhaabe. Koollejjichi eebbaa leenjitoota idilee fi leenjii gabaabaa bara 2016 kan marasaa lammaaffaa Sanbataa dhufu eebbifaman sababa godhachuun sagantaa adda addaa geggeessa jira. Haaluma kanaan har'a mooraa koollejjichaa keessa sagantaan biqiltuu dhaabuu kan geggeeffame yoo ta'u; Raayyaa lubbuu isaa kennuuf dhiiga koo arjoomuun cinaasaa nan dhaabbadha'' mata duree jedhuunis sagantaan dhiiga arjoomuu geggeeffamera. Ajajaan olaanaa Koollejjii Waraanaa Raayyaa Ittisa Biyyaa Birgaader Jeneraal Bultii Taaddasaa wayita kana akka himanitti; raayyichi dirqama akka biyyaatti qabu bahachuun cinaatti hojii ashaaraa magaarisaarrattis hirmaachuu cimsee itti fufeera. Sagantaan biqiltuu dhaabuu hari'a taasifames qaama kanaa ta'uu eeraniiru. Biqiltuun dhaabames akka qabatee galma barbaadameef ooluuf kununsi barbaachisaan taasisifamuu qaba jedhaniiru. Hojii kana cinaattis Koollejjiin Waaraanaa Raayyaa Ittisa Biyyaa garamii garamitti mata dureen jedhuun mariin paanaalii kan geggeeffamu ta'uunis himameera.

Adoolessa 17/2016(TOI)- Ittaanaan pirezidaantii paartii badhaadhinaa Adam Faaraah dabalatee hooggantoonnii fi hojjettoonni waajjira paartichaa biqiltuu dhaaban. Sadarkaa ittaanaa ministira muummeetti hoogganaan jiddugaleessa qindeessaa ijaarsa sirna demokiraasii fi ittaanaan pirezidaantii paartii badhaadhinaa Adam Faaraah fi hooggantoonni olaanoo fi hojjettoonni waajjira muummee paartichaa kutaa magaalaa Lammii Kuraatti Biqiltuu dhaabaniiru. Obbo Adam Faaraah sagantaa kanarratti haasaa taasisaniin,sagantaan ashaaraa magariisaa dhaloota kaleessaa, har’aa fi boruu kan wal quunnamsiisuu fi Itiyoophiyaan lafa jireenyaaf mijattu taate uumuuf qoodashee bahaa akka jirtu kan agarsiisudha jedhaniiru. Seenaa kaleessa hojjetaman ittifufsiisuuf, balaawwan ittifufiinsaan qolachuuf, lafa keenya jijjiirama haala qilleensaarraa eeguuf nidandeessisa jedhaniiru. Dhaloota har’aaf carraa hojii uumuuf, oomishtummaa guddisuu fi wabii nyaataa mirkaneessuuf qooda olaanaa bahachaa akka jiru ibsaniiru. Ijaarsa dinagdee magariisaa jijjiirama haala qilleensaaf hinsaaxilamnemilkeessuuf gumaacha gudda akka qabu kaasaniiru. Biyya dhaloota boruuf mijattuu fi lafa dhaloota addunyaa dhufuuf mijatu dabarsuuf dirqama keenya bahachaa akka jirru agarsiisa jedhaniiru. Carraaqqii biyyaa fi pilaanetii dhaloota boruuf dabarsuuf jalqabne kan milkeessuu fi qooda keenya idil addunyaa bahachaa akka jirri raga qabatamaa akka ta’e himaniiru. Kanaaf magaalaattis ta’e baadiyyaatti cimee ittifufuu akka qabu ibsaniiru. Sagantaan kun akka milkaa’u Paartiin badhaadhinaa qooda gaggeessummaa isaa akka ittifufu mirkaneessaniiru. Paartii badhaadhinaatti hoogganaan waajjira damee Finfinnee obbo Mogos Baalchaa, Itiyoophiyaa lalistuu fi jiraattotaaf mijatte gochuuf hojiin seenaashee madaalu hedduun hojjetamaa jira jedhaniiru. Finfinneen jiddugaleessa dippilomaasii waan taateef biqiltuun ashaaraa magariisaa maqaashee madaalu dhaabamaa jira jedhan. Finfinneen miidhagduu fi jireenyaaf mijattuu akka taatu hojjetamaa akka jiruu fi kun akka dhugoomu paartiin badhaadhinaa kutannoo siyaasaa qabu qabatamaan mirkaneessaa akka jiru eeraniiru. Ministirri muummee dkotar Abiyyi Ahimad ashaaraa magariisaa baranaa mata duree “ biyya biqiltuu dhaabdu dhaloota ittifufsiisu” jedhuun Waxabajjii 22/2016 godina Walloo Kibbaa magaalaa Hayiqitti jalqabsiisuunsanii niyaadatama. Barana biqiltii biiliyoona 7 tuqaa 5 dhaabuun biqiltuu amma ammaatti dhaabame biiliyoona 40n gahuuf karoorfameera.

Adoolessa 16/2016(TOI)- Gaggeessitoonnii fi hojjettoonni geejjiba galaanaa fi loojistiiksii qargara daandii si’aayinaa Mojoo-Hawaasaatti biqiltuu dhaaban. Sagantaan ashaaraa magariisaa biyyaalessaa baranaa mata duree “ biyya biqiltuu dhaabdu dhaloota ittifufsiisu” jedhuun gaggeeffamaa jira. Dhaabbileen addaddaa sagantaa Kanaan ashaaraasaanii kaa’aa kan jiran yoo ta’u, guyyaa har’aas gaggeessonnii fi hojjettoonni geejjiba galaanaa fi loojistiiksii dhaabbilee tumsitootaa biroo waliin ta’uun biqiltuu dhaabaniiru. Gaggeessitoonnii fi hojjettoonni kunneen qargara daandii si’aayinaa Moojii-Hawaasaa biqiltuu dhaabaniiru. Dhaabbatichi bara kana biqiltuu biyya keessaa kuma 30 caalu dabalatee biqiltuuwwan faayidaa addaddaa qaban dhaabuuf karoorfatee hojeessaa akka jiru ibsameera. Sagantaa ashaaraa magariisaa biyyaalessaa baranaatiin biqiltuu biiliyoona 7 tuqaa 5 dhaabuuf Karoorfamee hojjetamaa jira.

Adoolessa 15/2016(TOI)- Hooggantoonni Paartilee Siyaasaa Itiyoophiyaa qaama sagantaa ashaaraa magariisaa baranaatiin biqiltuu dhaaban. Paartileen siyaasaa Itiyoophiyaa ministera muummee doktar Abiyyi Ahimad waliin dhimmoota tarsiimoo biyyaarratti erga mari’atanii booda qaama sagantaa ashaaraa magariisaa mata duree “ biyya biqiltuu dhaabdu dhaloota ittifufsiisu” jedhuun jalqabamee kan ta’e biqiltuu dhaabaniiru. Boqonnaan siyaasaa haaraan paartileen yaadaan waldorgomanii fi dhimmoota biyyaarratti waliin hojjetan bariituu jijjiiramaa kaasee banameera. Kana ka’umsa godhachuun dhimmoota biyaa addaddaarratti waliin hojjechaa kan jiran yoo ta’u, fakkeenyaaf guyyaa har’aa magaalaa Sulultaatti biqiltuu dhaabaniiru. Aadaa siyaasaa badaa kan ta’e akka diinaatti wal ilaaluun waliin hojjechuun jibbamaa ta’uun hafee haalli paartiin biyya bulchuu fi paartileen dorgomtootaa akka diinaatti wal ilaalan hafee dhimmoota biyyaa fi ummata fayyadanirratti waliin hojjechuun jalqabamuunsaa imala demokiraasii guutuutti taasisaa jirru abdii qabeessa ta’uun hubatameera. Paartileen siyaasaa boqonnaa kana cimsuun dhimmoota waloorratti tumsaan hojjechuun, yaadaan waldorgomuun Itiyoophiyaa ijaaruuf ittigaafatamasaanii bahachuu akka ittifufan saganticharratti waamichi taasifameera. Kan dorgommii demokiraasiitiin mootummaa ta’uuf kan mo’atus ta’e paartileen dorgommicharratti morkatan misooma biyyaaf ittigaafatamasaanii bahuuf cimanii akka hojjetan dubbataniiru. Hooggantoonni paartilee siyaasaa biqiltuu dhaabuurratti hirmaatan sagantaan ashaaraa magariisaa qaama tokkoof kan dhiifamu osoo hinta’iin tumsa Itiyoophiyaanota hundaa akka gaafatu ibsaniiru. Fuulduras sagantaalee misooma biyyaarratti tumsaan akka hojjetan miranaa’uusaa odeeffannoon fuula marsariitii paartii badhaadhinaarraa argame nimul’isa.

Adoolessa 15/2016 (TOI)- Guyyoota kurnan dhufan haalli qilleensaa naannawoota qonna gannaaf mijataa ta’e akka jiru Inistiitiyuutii mitiwoorooloojii Itiyoophiyaa beeksise. Inistiitiyuutichi ibsa TOIf ergeen akka beeksisetti, haalli qilleensaa guyyoota dhufanii hojii qonnaaf qooda olaanaa qaba. Haalli qilleensaa kun guddina midhaan Kanaan dura facaafamanii sadarkaa biqilaa addaddaarra jiraniif murteessaadha jedheera. Naannawoota qonna gannaa turanii jalqabaniif lafti ciidhee yeroon sanyii facaasuuf haala mijataa akka uumu inistiitiyuutichi ibsasaatiin beeksiseera. Haalli qilleensaa kun biqiltuuwwan dhaabbataaf fedhii bishaanii guutuuf dhiheessiin bishaanii fi marga dheedichaaf akka fooyya’u qooda olaanaa akka qabaatu ibseera. Gama biraatiin naannawoota tokko tokkotti bokkaan cimaan waan mudatuuf lolaan battalaa fi sigiggoon lafaa mudachuu akka danda’u akeekkachiiseera. Qonnaan bultoonnii fi kutaaleen hawaasaa biroon iddoowwan walitti aanuun rooba argatan jiraatan midhsn, beelladaa fi qabeenyarra balaan akka hingeenyeofeeggannoo akka taasisan hubachiiseera.

Adoolessa 13/2016(TOI)- Sagantaan ashaaraa magariisaa biqiltuu dhaabuu baatii gannaa bara 2016 kan dhaabbileen gumii amantaa Finfinnee qopheesse ifatti jalqabameera. Abbootiin amanta dhaabbilee amantaa sagantaa ashaaraa magariisa kanarratti hirmaataniiru. Akkaataa waamicha ashaaraa magariisaa gumichi dhiheesseen waggoota shaman darban biqiltuuwwan miiliyoona 3 caalan dhaabamuusaa ibsameera. Abbootiin amantaa baatii gannaa bara 2016 dhaabbilee amantaa, aanaalee fi bakkeewwan biqiltuun dhaabuurratti cimsanii akka hirmaatan gumichi beeksiseera.

Adoolessa 13/2016(TOI)-Miseensonni Caffee Oromiyaa sagantaa ashaaraa magariisaatiin biqiltuu dhaaban. Af-yaa’iin Caffee Oromiyaa adde Sa’aadaa Abduraahimaan, Ittaanaa af-yaa’ii, hoogganaan biiroo barnoota Oromiyaa doktar Tolaa Bariisoo fi kantiibaan magaalaa Adaamaa obbo Hayiluu Jaldee dabalatee hooggantoonni olaanoo naannichaa bakka argamanitti miseensonni Caffee Ashaaraa magariisaa kaa’aniiru. Caffeen Oromiyaa boruu eegalee walgahii idilee akka taa'u beekameera.

Adoolessa 12/2016(TOI)- Hooggantoonnii fi hojjettoonni waajjira odiitara muummee federaalaa kutaa magaalaa Lammii Kuraatti sagantaa ashaaraa magariisaa gaggeessan. Odiitarri muummee waajjira odiirarii muummee federaalaa Masarat Ballaxaa wayita kana akka ibsanitti, hooggantoonnii fi hojjettoonni dhaabbatichaa sagantaa ashaaraa magariisaarratti dammaqinaan hirmaachaa jiru. Sagantaan Ashaaraa magariisaa dhiibbaa jijjiiramni haala qilleensaa qolachuun alatti wabii nyaachaa mirkaneessuuf furmaata bu’a qabeessa ta’uusaa himaniiru. Sagantichi gargaaramuu jalaa kan nama baasu ta’uusaa hubachuun namni hundi biqiltuuwwan dhaabuu fi kunuunsuudhaan gumaacha olaanaa gochuu akka qabu dubbataniiru. Sagantaa ashaaraa magariisaa baranaatiin mata duree “dhaloota biyya biqiltuu dhaabdu ittifufsiisu” jedhuun biqiltuuwwan biiliyoona 7 tuqaa 5 dhaabuuf karoorfamee hojjetamaa jira.

Adoolessa 12/2016(TOI)- Barattoonni qormaata biyyaalessaa kutaa 12ffaa baranaa qoramanii fi kanneen qormaaticha raawwachiisan paarkii Inxooxxootti sagantaa ashaaraa magariisaatiin biqiltuu dhaaban. Hoogganaan biiroo barmootaa bulchiinsa magaalaa Finfinnee doktar Zalaalam Mulaatuu, barattoonni qormaata biyyaalessaa kutaa 12ffaa qoramanii fi kanneen qormaaticha raawwachiisan sagantaa ashaaraa magariisaa mata duree “biyya biqiltuu dhaabdu dhaloota ittifufsiisu” jedhuun adeemsifamerratti argamaniiru.