Adoolessa 29/2016(TOI)- Raayyaan Ittisaa Waldaa Tola Oolaa Maqadooniyaaf Deeggarsa Meeshaalee fi Maaddii Qoode. Hooggantoonnii fi Miseensonni Raayyaa Ittisaa Sagantaa Kanarratti Argamaniiru. Raayyaa Ittisaatti Daarektarri Dubartootaa fi Dhimma Hawaasummaa Birgaadeer Jeneraal Hullaagariish Diras Akka Ibsanitti, Raayyaan Ittisaa Deeggarsa Uffataa, Meeshaalee Qulqullinaa fi Kanneen Biroo Waldichaaf Taasisaniiru. Raayyaan Ittisaa Hojiilee Tola OOltummaa Addaddaarratti Bobba’uun Ittigaafatama Hawaasummaasaa Bahachaa Akka Jiru Dubbataniiru. Raayyaan Ittisa Biyyaa Nageenya Biyyaa fi Ummataa Eeguun Cinaatti Kan Qabu Maanguddootaa fi Dadhabootaaf Qooduun fi Hojiilee Misoomaarratti Hirmaachuun Ummataaf Dhaabachuusaa Mirkaneessaa Akka Jiru Ibsaniiru. Raayyaan Ittisaa Waldaa Kanaaf Waan Qabuun Akka Deggaru Ibsee, Kanneen Biroos Deeggarsa Taasisuun Aantummasaanii Agarsiisuu Akka Aqaban eeraniiru. Hundeessaa fi Hojii Gaggeessaan Waldaa Tola Oolaa Biiniyaam Ballaxaa Gamasaaniin, Raayyaan Ittisa Biyyaa Lammiilee Waldicha Jalatti Argaman Yaadachuun Deeggarsaa fi Maaddii Qoodeef Galateeffataniiru. Dhaabbilee fi Namoonni Dhuunfaan Biroon Fakkeenya Raayyaa Ittisaa Fyudhachuun Waan Danda’aniin Waldicha Akka Deeggaran Waamicha Dhiheessaniiru.

Adoolessa 29/2016(TOI)- Ministeerri Dubartootaa fi Dhimma Hawaasummaa Hojiilee Misoomaa Garagaraa Faawundeeshin Foor Develooppimanti Chaayinaa Waliin Hojjechuuf Waliigaltee Mallatteesse. Ministirri Dubartootaa fi Dhimma Hawaasummaa Doktar Ergoogee Tasfaayee fi Itiyoophiyaatti Daarektarri Faawundeeshinichaa Yin Chee Waliigalticha Mallatteessaniiru. Waliigaltichii Soorata Barattootaa Bal’isuu, Fayyadamummaa Dinagdee Dubartootaa Mikaneessuu,Humna Haaromfamaa Soolaarii qaqqabaa Taasisuu fi Bishaan Dhugaatii Qulqulluu Akkasumas Deeggarsa Meeshaalee Barmootaa Ofkeessaa qaba jedhan Ministirittiin. Pirojektoonni Kunneen Hawaasa Gargaaramummaa Jalaa Baasuun Egereef dhaabuu kan dandeessisanidha jechuun Ibsaniiru. Itiyoophiyaatti Daarektarri Faawundeeshinichaa Yin Chee GamasaaniinWaggoota Kudhan Darban Dameelee Garagaraatiin Itiyoophiyaatti Deeggarsi Taasifamaa Turuu Eeraniiru. Faawundeeshinichi Dameelee Eeramanirratti Deeggarsa Barbaachisu Akka taasisu Dubbataniiru.

Adoolessa 29/2016(TOI)- Ministirri Nageenyaa Lammiilee Godina Goofaa Aanaa Gazee Goofaa Ganda Keenchoo Shaachaa Goozdiitti Lafti Sigigaatee Miidhaman Akaakuu Fi Maallaqaan Birrii Miiliyoona 6 Tuqaa 4 Deeggare. Deeggarsichi Wayita Kennamu Ministirri Nageenyaa Binnaalf Andu’alam Ummanni Biyyattii Balaa Umamaa Aanaa Gazee Goofaatti mudatetti gadduusaa Ibsaniiru. Kana Booda gaddaa keessaa Bhuun Lammiilee Balaa Kanaan Miidhaman Egereef Dhaabuuf Hojjetamuu Akka Qabu Hubachiisaniiru. Ministeerichi Gaddasaa Ibsuun Alatti Miidhamtoota Dhaabuuf Hojii Hojjetamu deeggaruuf Nyaata, Midhaan Dheedhii fi Uffannaa Birrii Miiliyoona 4 Tuqaa 2tti Tilmaamamu Deeggaruunsaa Ibsameera. Kana Malees Maallaqa Callaa Birrii Miiliyoona 2 Tuqaa 2 Caalu Kan Deeggare Yoo Ta’u, Fuulaa Duras Birrii Miiliyoona 30 Deeggaruuf Waadaa Galeera. Bulchaan Bulchiinsa Naannoo Kibba Itiyoophiyaa Obbo Tilahuun Kabbadaa gamasaaniin Ministeerichi Balaa Mudate Kana Hordofaa fi Jajjabeessaa Akka Ture Yaadachiisaniiru. Qaamaan Argamuun Deeggarsa Taasisuun Tumsa Ummataaf Qaban Ibsuusaniif Bulchaan Kun Galateeffataniiru. Rakkoo Kana Egereef Furuuf Komishinii Hooggansa yaaddoo Balaa fi Mootummaa Federaalaa Waliin Qindoominaan Hojjechaa Akka Jiru Ibsaniiru. Deeggarsa Yeroo Hatattamaan Alatti Miidhamtoota Dhaabuuf Yaalii Taasifamu Qabeenya Waan Barbaaduuf Ummattoonni Biyyattii Deeggarsa Maallaqaa, Qorqoorroo Fi Mismaaraa Akka Taasisu Waamicha Taasisuusaanii Odeeffannoon Komunikeeshinii Naannichaarraa Argame Nimul’isa.

Adoolessa 28/2016(TOI)- Ministirri Fayyaa Doktar Maqdas Dhaabaa Naannoo Beeniishaangul Gumuzitti Hojii Tola Ooltummaa Ni’adeemsisu Miseensonni garee hooggantoota olaanoo ministirittiin durfamu har’a Asoosaa dhaqaniiru. Miseensonni garee buufata Xiyyaaraa Asoosaa wayita gahan bulchaan bulchiinsa naannoo Beeniishaandul Gumuz Ashaadlii Hasan simataniiru.

Adoolessa 28/2016 (TOI)- Qajeelchi waliigalaa Poolisii Dirree Dawaa Poolisoota yeroo dhigdamii Afraffaaf mana barmootaa leenjii loltummaa Huursoo KontinjantittinLeenjise Eebbisiisaa jira. Eebbifamtoonni ogummaa Poolisii kutaatti fi shaakalaan ga’umsaan xumuranii eebbifamuusaanii sirna eebbaarratti ibsameera. Leenjichi akka milkaa’u hooggantoonni mana barmoota leenjii Huursoo Kontinjantii, qondaaltonnii fi hojjettoonni gumaacha olaanaa akka taasisan beekameera. Af-yaa’iin mana maree bulchiinsa Dirree Dawaa adde Fatiihiyaa Adan, kantiibaan bulchiinsa Dirree Dawaa Kadir Juhaar, sadarkaa ittaanaa kantiibaatti ittiwaamamaan mootummaa mana maree bulchiinsichaa obbo Ibraahiim Yuusuuf sirna eebbaa kanarratti argamaniiru. Ajajaan qajeelcha waliigala Poolisii Dirree Dawaa Komishinar Alamu Magraa, ajajaan mana barmoota leenjii Huursoo Kontinjantii Koloneel Addisuu Tarfaasaa, aondaaltonnii fi maatiin eebbifamtootaa argamaniiru. Kana malees jaarsoliin biyyaa fi abbootiin Gadaa argamaniiru. Eebbifamtoonni ogummaa leenjii Poolisiirraa argatan sirna eebbaa kanarratti agarsiisaniiru.

Adoolessa 27/2016(TOI)- Geejjibnii Galaanaa fi Loojistiiksiin Itiyoophiyaa lammiilee Godina Goofaatti aanaa Goofaa Gzeetti lafti sigigaatee miidhaan irra gahe birrii miiliyoona 6 tuqaa 9 deeggare. Hojii raawwachiisaan olaanaa Geejjiba Galaanaa fi Loojistiiksii Itiyoophiyaa doktar Bariisoo Amaloo hojjettoonnii fi hooggantoonni dhaabbatichaa taatee uumametti guddaa gadduusaanii dubbataniiru. Hojjettoonnii fi hooggantoonni dhaabbatichaa miidhamtoota cinaa dhaabbachuusaanii agarsiisuuf maallaqa deeggaruusaanii dubbataniiru. Haala Kanaan dhaabbatichi Birrii miiliyoona 5, hoogganaa fi hojjettoonni dhaabbatichaa ammoo Birrii miiliyoona 1 fi kuma 912 caalu buusuun walumaa gala birrii miiliyoona 6 fi 912 caalu deggaruusaanii ibsaniiru. Caasaan mootummaa naannichaa sadarkaan jiruu fi hawaasni naannichaa tumsii fi gumaachi lubbuu baraaruuf taasisan kan jajamu ta’uus dubbataniiru. Dhaabbatichi deeggarsa kana fuulduras akka ittifufu ibsanii, maatii namoota lubbuusaanii dhabaniif jajjabina hawwaniiru.

Adoolessa 27/2016(TOI)- Af-yaa’iin mana maree Federeeshinii Aganyoo Tashaagar haaromsa mana dadhabootaa magaalaa Buttaajiraatti jalqabsiisan. Kanatti aansuun barattootaaf deeggarsi meeshaalee barmootaa kan taasifamu yoo ta’u biqiltuus nidhaabu. Af-yaa’ichi magaalaa Buttaajiraa wayita gahan bulchaa bulchiinsa jiddugaleessa Itiyoophiyaa obbo Indaashaawu Xaasoo dabalatee hooggantoonni olaanoo simataniiru. Af-yaa’ii Aganyoo Tashaagar dabalatee ittaantuun af-yaa’ii mana marichaa adde Zaahiraa Umad,hooggantoonni olaanoo mana maree federeeshinii fi dhaabbileen itti waamamaasaa saganticharratti argamaniiru. Sagantichi bakka hooggantoonni olaanoo fi hojjettoonni dhaabbilee kanneenii argamanitti ifatti jalqabameera. Sagantaan biqiltuu dhaabuu qaama godinni guraagee ganna kana dhaabuuf qabatee miiliyoona 24 niraawwatama. Manni marichaa waggoota darban sagantaa ashaaraa magariisaa gannaa, mana dadhabootaa haaromsuun kennuu fi sagantaaleen tola ooltummaa biyyaalessaa biroo kutaalee biyyattii addaddaatti raawwachaa turuunsaa ibsameera.

Adoolessa 27/2016 (TOI)-Yuunivarsiitiin Bahaar Daar barattoota gosa barmootaa addaddaatiin barsiise kuma 8 ol har’a eebbisiisaa jira. Miseensa Boordii hooggansa hojii Yuunivarsiitii Bahaar Daar adde Asteer Zawudee dabalatee hooggantoonni olaanoo Yuunivarsiitichaa fi maatiin barattoota eebbifamanii sagantaa eebbaarratti argamaniiru. Yuunivarsiitichi barattoota gosa barmootaa addaddaan barsiise kuma 8 fi 524 eebisiisaa kan jiru yoo, ta’u digirii jalqabaa fi lammaffaan barattoota kuma 3 fi 708, digirii sadaffaan 82, speeshaaliitii fi Sab speeshaaliitiin doktaroota waldhaansaa 62 akka ta’an himameera. Akkasumas barattoonni Maariitaayimiin, hooggansaa fi sagantaalee addaddaatiin leenji’anis keessatti argamu. Barattoota eebbifaman waliigalaa keessaa kuma 3 fi 34 dubartoota akka ta’an beekameera. Yeroo ammaa yuunivarsiitichi gosa barmootaa addaddaatiin barattoota kuma 28 caalan barsiisaa akka jiru odeeffannoon Yuunivarsiiticharraa argame nimul’isa.

Adoolessa 27/2016(TOI)- Af-yaa’iin mana maree Federeeshinii Obbo Aganyoo Tashaagar hojiilee tola ooltummaa gannaa jalqabsiisuuf Buttaajiraa dhaqaniiru. Af-yaa’ichi haaromsa mana dadhabootaa mana maree federeeshinii fi dhaabbilee itti waamamaa ta’aniin hojjetamanii fi meeshaalee barmootaa barattootaaf nikennu akkasumas biqiltuu nidhaabu. Bulchaan bulchiinsa naannoo jiddugaleessa Itiyoophiyaa obbo Indashaawu Xaasoo dabalatee hooggantoonni olaanoo naannichaa Af-yaa’iicha Buttaajiraatti simataniiru. Af-yaa’icha dabalatee hooggantoonni olaanoo mana maree federeeshinii fi dhaabbilee itti waamamaa saganticharratti argamaniiru. Afyaa’ichi sagantaa kana ifatti akka jalqabsiisan beekameera. Sagantaan kun qaama karoora Godinni baha Guraagee ganna kana biqiltuu miiliyoona 24 dhaabuuf karoorfateeti. Manni marichaa waggoota darban sagantaa ashaaraa magariisaa, mana dadhabootaa haaromsuu fi sagantaale tola ooltummaa biyyaalessaa naannolee biyyattii addaddaatti raawwachuusaa odeeffannoon mana marii federeeshiniirraa argame nimul’isa

Adoolessa 26/2016(TOI)-Yuunivarsiitiin Finfinnee hojiiwwan qorannoo beekumsaa fi Faayinaansiin Baankii daldalaa Itiyoophiyaa waliin hojjechuuf waliigaltee mallatteesseera. Pirezidaantiin Yuunivarsiitii Finfinnee doktar Saamu’eel Kiflee fi bakka bu’aan Baankii daldala Itiyoophiyaa Efreem Makuriyaa waliigalticha mallatteessaniiru. Pirezidaantiin Yuunivarsiitii Finfinnee doktar Saamu’eel Kiflee wayita kana akka jedhanitti, Yuunivarsiitichi ofiin ofbulchaa waan jiruuf tarsiimoo waggaa shanii baasee hojjechaa jira. Yuunivarsiitichi hojiiwwan beekumsaa, qorannoo fi qu’annoo fuuldura adeemsisuuf akkasumas hojiilee biroo dhaabbilee faayinaansii waliin hojjechuun kan eegamu ta’uu ibsaniiru. Kanaaf Yuunivarsiitiin Finfinnee hojiilee yeroo dhufutti hojjetuuf Baankii daldala Itiyoophiyaa waliin hojjechuuf waliigaluusaa ibsaniiru. Bakka bu’aan Pirezidaantii Bankii daldala Itiyoophiyaa obbo Efreem Makuriyaa gamasaaniin, hojiilee beekumsaa fi qorannoo biyyaaf gumaachu deeggaruuf Baankiin daldalaa Itiyoophiyaa waloon hojjechuuf kutannoo qaba jedhaniiru. Akkasumas Yuunivarsiitichi misooma humna namaa, Cehumsa teeknooloojii, qorannoo fi tajaajilli gorsaa Baankichaaf kennu kan cimu ta’uu ibsaniiru.

Adoolessa 26/2016(TOI)- Ministeeri Tuurizimii lammeelee Godina Goofaatti lafti sigigaatee miidhaman deeggare. Ministirri Tuurizimii ambaasaaddar Naasisee Caalii deeggarsicha bakkatti argamuun wayita kennan miidhaa balaa Kanaan qaqqabetti gadduusaanii ibsaniiru. Lammiilee miidhaman irra gahe deeggaruu fi kanneen miidhamtoota jajjabeessuuf ministeericha jalatti kan argaman abbaa taayitaa eegumsa hambaa fi abbaa taayitaa eegumsa beellada bosonaa waliin ta’uun dhufuusaanii ibsaniiru. Ministeerri Tuurizimii fi dhaabbileen isaaf itti waamaman lammiilee miidhamaniif birrii miiliyoona 3 deeggaruusaanii ministirittiin dubbataniiru. Miidhamtoota ofdandeessisuuf hojii hojjetamu ministeerichi akka deeggaru ibsaniiru. Deeggarsicha kan fudhatan Sadarkaa ittaanaa bulchaa bulchiinsaatti qindeessaan kilaastara qonnaa fi misooma baadiyyaa fi hoogganaan biiroo Bishaanii, Albuudaa fi Inarjii Akliiluu Addaany deeggarsa taasifameef galateeffataniiru.

Adoolessa 26/2016 (TOI)-Ministeerri dubartootaa fi dhimma hawaasummaa, tajaajilli Elektiriikii Itiyoophiyaa fi Liigiin dubartootaa Paartii badhaadhinaa lammiilee Godina Goofaa Aanaa Gazee Goofaatti lafti sigigaatee miidhaaniif birrii miiliyoona 9 tuqaa 6tti tilmaamamu deeggaran. Ministirri dubartootaa fi dhimma hawaasummaa doktar Ergoogee Tasfaayee deeggarsa kana wayita kennan akka jedhanitti, balaan kun erga mudatee kaasee ministeerichi gaddasaa ibsaa tureera. Har’ammoo liigii dubartootaa Paartii Badhaadhinaa waliin ta’uun maallaqa calla birrii miiliyoona 2 fi deeggarsa nyaataa fi meeshaa birrii miiliyoona 2 tuqaa 6tti tilmaamamu taasisuu ibsaniiru. Fuulduras miidhamtoonni amma egereef ofdanda’anitti akka deeggaran dubbataniiru. Kana malees tajaajilli Elektiriikii Itiyoophiyaa birrii miiliyoona 5 deeggaruusaa hojii raawwachiisaan olaanaa obbo Shifarraawu Taliilaa ibsaniiru. Tajaajilichi hojii miidhamtoota ofdandeessisuuf taasifamuuf akka deeggaru mirkaneessaniiru. Ittaantuun Pirezidaantii Liigii Dubartootaa Paartii Badhaadhinaa adde Maskaram Abbabaa gamasaaniin miseensonni liigichaa deeggarsa kana akka itti fufan ibsaniiru. Deeggarsicha kan fudhatan Sadarkaa ittaanaa bulchaa bulchiinsaatti qindeessaan kilaastara qonnaa fi misooma baadiyyaa fi hoogganaan biiroo Bishaanii, Albuudaa fi Inarjii Akliiluu Addaany deeggarsa taasifameef galateeffataniiru.

Adoolessa 25/2016(TOI)- Bara bajataa 2016 Finfinneetti dargaggoota kuma 234 oliif carran hojii uumamuusaa biiroon dargaggootaa fi Ispoortii bulchiinsa magaalaa Finfinnee ibse. Biirichi raawwii karooraa bara 2016 fi karoora bara 2017 irratti qooda fudhattoota waliin mari’ateera. Hoogganaan biiroo obbo Balaay Dajan wayita kana akka bsanitti, hirmaannaa dinagdee, hawaasaa fi siyaasaa dargaggoota magaalaa Finfinnee mirkaneessuuf hojjechaa jira. Bara bajataa xumurame dargaggoota magaalattii kuma 234 caalaniif carraa hojii uumeera. Kana malees bulchiinsi magaalichaa lammii fayyabuleessaa fi oomishaa uumuuf bakkeewwan ispoortii haaraa babal’isaa akka jiru dubbataniiru. Haala Kanaan bakkeewwan Ispoortii 42 tajaajilaaf banaa taasifamuu eeraniiru. Bara bajajatichaatti dargaggoonni nageenya waaraa fi guddina magaalattiif qoodasanii akka bahan gochuuf hojii hojjetameen bu’aan jajjabeessaan argameera jedhan. Dargaggoonni mana dadhabootaa fi Mnguddootaa haaromsuun dhiiga arjoomuun, misooma magariisaa fi hojiilee tola ooltummaa biroorratti bobba’uun hojii bu’a qabeessa hojjechuusaanii beeksisaniiru.

Adoolessa 25/2016(TOI)- Bataskaanni kaatolikii Itiyoophiyaa lammiilee godina Goofaa aanaa Gazee Goofaa ganda Keenchoo Shaachaa Goozdiitti lafti sigigsstee miidhamaniif deeggarsa nyaataa fi meeshaa birrii miiliyoona 1 tuqaa 7tti tilaamamu taasifte. Bataskaana Kaatolikiitti bulchaan mana lubummaa Hoosaa’inaa fi Sooddoo Abuna Siyyum Firaansuwaa deeggarsa kana bulchaa godina Goofaaf kennaniiru. Abuna Siyyum wayita kana akka jedhanitti, balaa hamaa lammii keenyarra gahe wayita dhageenyu akka bataskaanaatti guddaa gaddineerra jedhan. Bataskaanattiin hojii deebisanii dhaabuu taasifamurrattis akka hirmaattu mirkaneessaniiru. Bulchaan godina Goofaa Injiinar Daagimaawii Ayyalaa deeggarsicha wayita fudhatan deeggarsa bataskaanittiin taasisaniif galateeffataniiru.

Adoolessa 24/2016 (TOI) - Manni Maree Olaanaa Dhimmoota Islaamaa Itoophiyaa namoota sababa balaa sigiga lafaan tibbana aanaa Gezzee Gofaatti mudateen miidhamaniif deeggarsa nyaataa fi meeshaa Birrii miiliyoona 3.5 ol baasaan taasiseera. Pireezidaantiin Mana Maree Waliigalaa Dhimmoota Islaamummaa Itoophiyaa Sheek Hajii Ibraahim Tufaa TOI'tti akka himanitti, manni marichaa sababa balaa uumamaa sigiga lafaan godinichatti lubbuun namootaa darbuutti gadduu himaniiru. Erga balaan kun mudatee as manni marichaa namoota miidhaman jajjabeessuu fi deeggaruuf hojjechaa akka ture eeraniiru. Har’a daakuu daabboo kuntaala 200, qorqoorroo kuma 3, mismaara fi meeshaalee adda addaa deeggarsa taasisuu ibsaniiru. Deeggarsi taasifame kunis maallaqaatti birrii miliyoona 3.5 olitti kan tilmaamu ta'uu eeraniiru. Manni marichaa gara fuula duraattis lammiilee balaa kanaan miidhaman deebisanii dhaabuuf hojii hojjetamu keessaatti deeggarsa taasisu cimsee itti fufas jedhaniiru. Deeggarsa kanas mana marichaarra kan fuudhaan gorsaa fi bakka bu’aan pirezidaantii mootummaa naannoo Kibba Itoophiyaa doktar Birhaauu Geeboo balaa aanaa Gazzee goofaa ganda Keechoo Shaachaa Gozdiitti mudateen miidhaa baay'ee nama gaddisiisutu mudate jedhaniiru. Namoota balaa kanaan miidhamanii fi namoota maatii isaanii dhaban deebisanii dhaabuuf tattaaffiin taasifamaa akka jirus himaniiru.

Adoolessa 24/2016(TOI)-Qabiyyee fi bulchiinsi dhaabbilee misoomaa mootummaa fi dhaabbileen isaaf itti waamaman lammiilee naannoo kibba Itiyoophiyaa godina Goofaa aanaa Gazee Goofaatti lafti sigigaatee miidhaan irra gaheef deeggarsa taasisan. Komishinariin hooggansa yaaddoo balaa Itiyoophiyaa doktar ambaasaaddar Shifarraawu T/Maariyam, deeggarsa dhaabbileen kunneen walumaa gala birrii miiliyoona 10 tuqaa 7 fudhataniiru. Miidhamtoota deeggaruu fi egereef dhaabuuf qindoominaan hojjetamaa jira jedhaniiru. Tumsi deeggarsaa fi deebisanii dhaabuuf taasifamu ittifufuusaa komishinarichi ibsaniiru. Deeggarsa guyyaa har’aa dhaabbilee kanneeniin taasifameef galateeffataniiru. Bakkeewwan roobni gannaa idilee fi idilee olitti roobutti balaan akka hinuumamne ofeeggannoon akka taasifamu hubachiisanii, balaa qaqqabuu danda’u qolachuuf carraaqqiin taasifamaa akka jiru ibsaniiru. Daarektarri olaanaa qabiyyee fi bulchiinsa dhaabbilee misoomaa mootummaa Haabtaamuu H/Mikaa’el, dhaabbileen kunneen lammiilee balaa Kanaan miidhamaniif deeggarsa taasisuusaanii eeraniiru. Tumsa fuuldura deebisanii dhaabuuf taasifamuuf deeggarsi keenya cimee ittifufa jedhaniiru.

Adoolessa 24/2016(TOI) - Tajaajilli tola ooltummaa daangaa ce'aan walitti dhufeenyaa, tokkummaa fi nageenya uummataa kan cimsu ta'uu dargaggoonni tajaajila tola ooltummaa daangaa ce'uurratti hirmaachaa jiran himan. Tajaajilli tola ooltummaa lammileen qaamni kamiyyuu osoo hin dirqisiisiin fedhiidhaan namummaan kaka'uun kan hawaasa ittiin tajaajilanidha. Biyya keenyaattis yeroo gara yerootti cimaa kan jiru tajaajila tola ooltummaa kana irratti dargaggoon hirmaachaa kan jiranii fi aadaas ta'aa jira. Tajaajila tola ooltummaa keessaa tokko kan ta'ee hojiin namoomaa daangaa ce'aan tajaajila kennu cinaatti waloomaa fi nageenyaa uumuun wal jijjiraa aadaa fi duudhaa adda addaaf bu'uura ta'aa jira. Dargaggoonni tajaajila tola ooltummaa daangaa cea'aarratti hirmaatan TOI'tti akka himanitti; magaaloota biyyatti deemaaniitti haala hawaasni itti keesuummaa simatuu fi hirmaannaa dargaggoonni qaban dinqisiisaadha jedhaniiru. Dargaggoonni tajaajila tola ooltummaa daangaa ce'aarratti hirmaachaa jiran tajaajilli tola ooltummaa hojii namoomaa ofii fi biyyaaf hojjetamu ta'uu eeranii; tajaajilli tola ooltummaa daangaa ce'aan immoo daraggoonni biroon hojii kanarratti akka hirmaatan kaka'umsa kan uumudha jedhaniiru. Dargaggoonni kunneen magaaloota naannolee itti imaalanitti tajaajila tola ooltummaa dhiiga arjoomuu, dhaabbii biqiltuu, manneen manguddoota humna hin qabnee haaromsuu fi kanneen biroo hojjechuu himeera. Tajaajilli tola ooltummaa kan boqonnaa fi gammachuu namaaf kan kennu ta'uu eeraniiru. Ministir deetaan ministira dhimma dubartootaa fi hawaasummaa aadde Munaa Ahimad gama isaaniin tajaajilli tola ooltummaa daangaa ce'aan naannawwaa biyyatti adda addaatti dargaggoonni akka kaka'umsaan hojii kanarratti hirmaatan taasisuun cinaatti; walitti dhufeenyaa waloomaaa fi nageenya uummataa cimsaa jira jedhaniiru. Ganna bara kanaa dargaggoonni miliyoonni 21 tajaajila tola ooltummaa gosa adda addaa 14 irratti bobba'anii hojjecha jiru jedhaniiru.

Adoolessa 24/2016(TOI)- Naannoo Amaaraatti manneen murtii sadarkaan jiranitti galmeewwan kuma 334 caalaniif murtiin kennamuusaa manni maree waliigalaa naannichaa beeksise. Pirezidaantiin mana murtii waliigalaa naannichaa obbo Abbiyyee Kaasaahun raawwii karooraa baatii 11 bara bajataa 2016 yaa’ii mana mareef wayita dhiheessan akka ibsanitti, tajaajila seeraa si’ataa fi qaqqabaa taasisuuf hojjetamaa tureera. Haala Kanaan galmeewwan manneen murtii sadarkaan jiraniin akka ilaalaman dhihaatan kuma 385 fi 143 keessaa harka 86 tuqaa 3 ta’aniif furmaanni kennamuusaa ibsaniiru. Raawwiin rakkoo jiru dura dhaabachuun argame kun jajjabeessaa ta’uusaa himanii, galmeewwan dhimma hawaasummaa fi yakkaa akka ta’an eeraniiru. Bara bajataa kanattis tajaajilli seeraa si’ataa fi qaqqabaa akka ta’u deeggarsii fi hordoffiin mana maree cimee akka ittifufu dubbataniiru. Walitti qabaan koree dhaabbataa dhimmoota seeraa, haqaa fi bulchiinsaa doktar Dasee Xilahuun rakkoo keessa ta’uun sirna haqaa qaqqabaa fi si’ataa taasisuuf hojiin hojjetame gaarii ta’uu ibsaniiru. Manneen murtii sadarkaan jiran murtee qulqullina qabu akka kennan deeggarsii fi hordoffiin miseensonni mana maree taasisan cimsanii akka itti fufan beeksisaniiru. Manni marichaa muudama abbootiin murtee mana murtii aanaa afur dhihaatan raggaaseera.

Adoolessa 24/2016 (TOI)- Dirreedawaatti lammiilee lafa gabaa Ashawaatti miidhaan irra gahe dhaabuuf carraaqqiin taasifamu cimee ittifufuusaa Kantiibaa Kadir Juhaar dubbatan. Ayyaanni torbee naafqoot dirreedawaa guyyaa arfaffaasaatiin mata duree “Dirreen guddummaa Itiyoophiyaaf” jedhuun waltajjiin siimpooziyeemii taa’amaa jira. Dhaabbilee Dirreedawaatti argaman fi namoonni biyya alaa jiraatan namoota balaa lafa gabaa kanatti qaqqabeen miidhaman deebisanii dhaabuu fi hojiiwwan waldaa misooma Dirreedawaa milkeessuuf birrii miiliyoona 3 tuqaa 1 gumaachaniiru. Kanneen keessaa abbaan warshaa Kiromtoo obbo Yoonaas Girmaayi namoota balaa lafa gabaa Ashawaa jedhamutti qaqqabeen miidhaman deebisanii dhaabuuf birrii miiliyoona walakkaa kan kennan yoo ta’u,waldaa misooma Dirreedawaafis birrii miiliyoona walakkaa kennaniiru. Akkasumas Namni Abdusalaam Dawud jedhaman namoota balaa Kanaan miidhaman deebisanii dhaabuu fi waldaa misooma Dirreedawaaf birrii miiliyoona tokko deeggaraniiru. Jiddaarraa kan dhufan obbo Anwaar Abdallaa gamasaaniin miidhamtoota deebisanii dhaabuuf kan oolu birrii miiliyoona walakkaa deeggaraniiru. Baankiin Daashan milkaa’ina waldaa misooma Dirreedawaaf birrii kuma 600 deeggareera. Kantiibaan bulchiinsa Dirreedawaa Kadir Juhaar deeggarsicha erga fudhatanii booda galateeffatanii deeggarsi miidhamtoota dhaabuuf taasifamu ittifufeera jedhan. Qaamoleen biroof deeggarsa taasifamaa jiru fakkeenya godhachuun deeggarsa taasifamu kanarratti akka hirmaatan waamicha taasisaniiru. Miseensonni hawaasaa Itiyoophiyaanotaa fi dhalattoonni Itiyoophiyaa, hayyoonni Yuunivarsiitii Dirreedawaa, abbootiin Industirii fi dhaabbilee daldalaa akkasumas kutaleen hawaasaa marii siimpooziyeemii kanarratti argamaniiru.

Adoolessa 24/2016(TOI)-Dura taa’aan Paartii Yuunaayitid Ruusiyaa balaa Godina Goofaatti mudatetti gadduusaanii ibsaniiru. Dimiitrii Medveedeev ibsa gaddaa dabarsaniin balaa uumamaa naannoo kibba Itiyoophiyaa godina Goofaa aanaa Gazee Goofaa ganda Keenchoo Saachaa Goozdii uumameen namoonni du’uusaanii dhagahii kootti gaddi guddaan natti dhagahameera jedhaniiru. Akkasumas maatilee maatii fi firoottan miidhamtootaaf jajjabina hawwanii kanneen miidhaman dafanii akka bayyanatan hawwaniiru.