Addis Ababa; Afagaal/Hamle 27/2016 (ENA): Wakaalada Wararka Itoobiya (ENA) ayaa kaalinteeda ka qaadanaysa barnaamijka Raadka Cagaaran iyada Oo bulshada usoo gudbisa xogta dhabta ah.   Waxaa la ogsoon yahay in Ra’iisul Wasaare Abiy Ahmed (Dr.) uu sanadkan si rasmi ah uga bilaabay magaalada Hayek ee barnaamijka Raadka cagaaran ee sanadkan.   Hoggaaminta iyo hawlwadeenada ENA ayaa sidoo kale fuliyay barnaamijka Raadka cagaaran iyagoo ku beeray geedo seerada dalxiis Entoto. Ku-xigeenka Maareeyaha Guud ee Wakaalada Wararka Itoobiya Nagaasi Ambaaye, ayaa sheegay in wakaaladu ay dhir beeristan samaynayeen sanado badan.   Waxa kale oo uu sheegay in geedaha ay wakaaladu beertay ay yihiin kuwo wadani ah, isla markaana ay si buuxda u soo celinayaan tayada carrada muddo kooban. Waxa uu sheegay dhir beerista ka sookaw laga shaqeeyo sidii loo daryeeli lahaa dhirta. Hoggaaminta iyo hawlwadeenada ka soo qaybgashay dhir beeristan ayaa sheegtay in ay diyaar u yihiin daryeelka dhirta la beeray. Ugu dambayntii waxaa la og yahay in sanadkan barnaamijka raadka cagaaran, la qorsheeyay in beero 7.5 bilyan oo geed.

Addis Ababa; Afagaal/Hamle 27/2016 (ENA): Hoggaaminta iyo hawlwadeenada shirkada diyaaradaha ee Ethiopian Airlines ayaa fuliyay dhir beerista Barnaamijka Raadka Cagaaran.   Hoggaaminta iyo hawlwadeenada ayaa waxay maanta dhir beeris Ka sameeyeen halka loo yaqaan qaybta dambe ee garoonka diyaaradaha ee Bole ee magaalada Addis Ababa.   Maareeyaha shirkadda Ethiopian Airlines Group, mudane. Mesfen tasaw, ayaa sheegay in shirkaddu ay ka shaqaynayso ilaalinta deegaanka oo ah mas’uuliyad bulsho. Waxa uu Sheegay in dhirtu ay Ka qayb qaadanayso haggaajinta cimilada.   Waxa uu tilmaamay in diyaarado cusub iyo kuwa casri ah loo adeegsanayo duulimaadyada, taasina ay qayb ka tahay dadaallada ay shirkadaha diyaaraduhu ku yareynayaan wasakhowga deegaanka ee heer caalami, iyadoo la isticmaalayo shidaal duuliseed oo waara oo si weyn u yareeya qiiqa kaarboonka iyada Oo kaalin mug leh ka qaadanaysaa ilaalinta deegaanka.   Waxa uu sheegay in uu jiro qorshe lagu beerayo 50 kun oo geed oo ka kooban 16 nooc oo wadani ah oo lagu beerayo dhul dhan 40 hektar ilaa haddana in la beeray ilaa 27 kun oo geed.   Wararka laga helayo garoonka diyaaradaha ayaa sheegaya in shaqaalaha shirkadu ay sheegeen inay ka soo bixi doonaan mas’uuliyadda ka saaran daryeelka dhirta la beeray, mustaqbalkana ay sii xoojin doonaan ka qaybgalka barnaamijka Raadka cagaaran.

Addis Ababa; Afagaal/Hamle 25/2016 (ENA): Maamulka iyo hawlwadeenada Mac-hadka Sirdoonka macmalka ayaa dhir beeris ka sameeyay Beerta Warshadaha ee Qilinto.   Barnaamijka Raad- caggaaran ee heer qaran ee sanadkan ayaa sii socdaa iyadoo hal-ku-dhegg looga dhugay "Dal iyo jiil wax beera".   Hay’ado kala duwan ayaa Fulinaya barnaamijka Raadka Caggaaran, Maanta ayaa hogaaminta iyo hawl wadeenada Machadka Sirdoonka macmalka ah waxa ay si balaadhan dhir beeris uga sameeyeen Beerta Warshadaha ee Qilinto.   Waxayna sii xoojinayaan inay raadkooda cagaaran ka tagaan iyagoo qorsheynaya inay beeraan 5 kun oo geed, oo ah geed midhood la cuni karo oo faa'iidooyin badan u leh bulshada. Ugu dambayntii Sannadka 2016T.I, barnaamijka raadka cagaaran ee heer qaranka ayaa la qorsheeyay in lagu beero 7.5 bilyan oo geedo ah.

Addis Ababa; Afagaal/Hamle 20/2016 (ENA): Madaxweynaha DDS, mudane Mustafe Muxumed iyo Madaxa Siyaasada iyo Tayaynta ee Xisbiga Barwaaqo Sama Tiruneh (Dr.) ayaa dhir-beeris ka sameeyay Mac'hadka Maareynta iyo Adeegga Shacabka ee DDS.   Warbaahinta DDS ayaa ku warantay in Barnaamijkan ay ka soo qayb galeen masuuliyiin uu ka mid yahay madaxweyne ku xigeenka DDS mudane Ibraahim Cusman iyo Madaxa Arrimaha siyaasada ee Xisbiga Barwaaqo ee DDS, mudane Maxamed Cumar.    

Addis Ababa; Afagaal/ Hamle 18/2016 (ENA):- Hogaaminta iyo xubnaha golaha gobolka badhtamaha Itoobiya ayaa ayaa fuliyay barnaamijka dhir beerista Raadka Caggaaran.   Golaha baarlamaanka oo shirkoodii caadiga ahaa ku yeelanaya magaalada Wolkite ayaa hogaaminta iyo xubnaha golaha deegaankaasi waxa ay si wada jir ah uga qaybqaateen barnaamijka Raadka-cagaaran ee dhir beerista.   Sida uu sheegay Abraham Meeja, madaxa xafiiska horumarinta dhirta iyo deegaanka ee deegaanka badhtamaha Itoobiya, waxaa jira qorshe lagu beerayo nus bilyan geed oo deegaanka Laga beerayo inta lagu jiro xilliga xaggaaga.

Addis Ababa; Afagaal/Hamle 17/2016 (ENA): Kulliyada Dagaalka ee Difaaca ayaa qabatay barnaamijka dhirbeerista ah ee Raadka Caggaaran Kulliyaddu waxa ay waddaa barnaamijyo kala duwan oo ay ku maamuusayso munaasibadda qalin-jabinta dufcaddii 2-aad ee tababarayaasha koorsada gaaban iyo kuwa caadiga ah ee sanadkan 2016ka oo la qaban doono Sabtida soo socota.   Sidaasi darteed ayaa maanta lagu qabtay xarunta kulliyadda barnaamij dhir beeris ah, waxaana sidoo kale lagu qabtay dhiig shubis iyadoo halku-dhigg loiga dhigay “Ciidanka naftooda huraya waxaan ku garab taaganahay inaan ugu deeqno dhiig”.   Taliyaha Kulliyada waar ee Difaaca Sareeye Guuto Bulti Tadhasa, ayaa dhanka kale sheegay in ciidanku ay sii xoojinayaan barnaamijka dhir beerista marka laga soo tago gudashada waajibaadkooda qaran. Wuxuuna sheegay in barnaamijkan dhir beerista ah ee maanta lagu qabtay kuliyada ay taasi muujinayso.   Waxa uu sidoo kale tilmaamay in si barnaamijka raadka cagaaran uu u noqdo mid taabogal ah inloo baahan yahay in la daryeelo oo la xanaaneeyo geedaha la beerayo. Ugu dambayntii waxaa sidoo kale uu tilmaamay in la qaban doonaa dood cilmiyeed looga hadlayo Geedi socodka Kuliyada Difaaca ee Waar.

Addis Ababa, Afagaal/Hamle, 17/2016T.I.(ENA): Masuuliyiinta iyo hawl-wadeenada Xafiiska Xisbiga Barwaaqo oo uu ka mid yahay Mudane Aadan Faarax, ayaa sameeyey dhir beerista barnaamijka raadka cagaaran.   Madaxa Xarunta Iskuxidhka Dhismaha Nidaamka Dimuqraadiyada ahna Madaxweyne Kuxigeenka Xisbiga Barwaaqo iyo Madaxa Xafiiska Xisbiga Barwaaqo lehna awood ra'iisul wasaare kuxigeen ee dalka mudane Aadan Faarax iyo shaqaalaha xafiiska ayaa si wada jir ah uga wada qayb qaatay dhir beerista barnaamijka raadka cagaaran iyagoo ka fuliyay magaalo hoosaadka Lemi Kuura.   Mudane Aadan Faarax ayaa khudbadii uu halkaas ka jeediyay ku nuux nuuxsaday in barnaamijkan raadka Cagaaran uu yahay hindise aad u wayn oo isku xidhaya jiilasha shalay, kuwa maanta iyo kuwa berriba isagoo xusay in Itoobiya ay kasoo baxayso doorkeeda kaga aadan ilaalinta deegaanka iyo abuurista deegaan wanaagsan.   Waxa uu sheegay in ay suurtagal tahay in la sii wado taariikhihii shalay la sameeyay, si looga hortago masiibooyinkan si joogto ah, iyo in laga ilaaliyo muuqaalkeena saamaynta isbeddelka cimilada. Waxa uu sheegay in ay kaalin mug leh ka qaadaneyso abuurista fursado shaqo, kordhinta wax soo saarka iyo xaqiijinta sugnaanta iyo iskufilnaanshaha cuntada ee jiilka maanta. Waxa kale oo uu xusay in ay si weyn uga qayb qaateen dhismaha dhaqaalaha cagaaran ee aanay saamaynta ku yeelanayn is bedelka cimilada. Ugu dambayntii Mudane Aadan ayaa sheegay inay tahay in lasii xoojiyo shaqada dhirbeeris ee barnaamijka raadka cagaaran ee miyi iyo magaalaba, isagoo xusay in Xisbiga Barwaaqo uu sii wadi doono gudashada doorkiisa hogaamineed ee xaqiijinta iyo guul ka gaadhida barnaamijkan.

Addis Ababa, Afagaal/Hamle, 16/2016T.I.(ENA): Munaasabadan lagu daahfuray Ol'olaha dardargelinta baraamijka dhaxal-reebka cagaaran ee bilaha xagaaga ee Maamulka Magaalada Godey ayaa lagu qabtay beerta cagaaran ee magaalada waxaana kasoo qaybgalay masuuliyiinta magaalada oo uu ugu horeeyo maayarka magaalada Mudane C/laahi Cali Xaaji iyo bulshada qaybaheeda kala duwan   Ol'olahan dardargalinta barnaamijka dhaxalreebka cagaaran ee bilaha xagaaga ayaa waxaa lagu daahfuray dhiigshubis loogu deeqay bukaanka iyo hooyada dhiiga u baaahan, dhirbeeris, ol'ole nadaafadeed iyo helida waxbarashao dheeraad ah   Madaxa xafiiska waxbarashada ee maamulka magaalada ayaa sheegay in waxbarashadan ay bixin doonaan arday ka timid jaamacadaha kuwaasi oo door biday inay waqtigooda fasaxa ah uga faa'iideeyaan ardada maadooyinka ay ku fiican yihiin.  

Addis Ababa; Afagaal/Hamle 16/2016 (ENA): Hoggaaminta iyo shaqaalaha Wasaarada Gaadiidka iyo Saadka ee Itoobiya ayaa sameeyey dhirbeerista barnaamijka Raadka caggaaran, iyagoo ka fuliyay jidka xawaaraha sare ee isku xidha Moojo-Hawasa. Barnaamijka Raadka-cagaaran ee heer qaran ee sanadkan waxa uu hal-ku-dhegiisu yahay "Dal iyo jiil wax beera ".   Wasaarado kala duwan ayaa wada barnaamijkan. Maantana, hoggaaminta iyo shaqaalaha wakaalada gaadiidka badda iyo saadka oo ay weheliyaan hay'adaha kale ee la shaqeeya ayaa fuliyay barnaamijka raadka caggaaran ee dhir beerista . Maamulka iyo shaqaaluhu waxay dhir ku beereen jidka isku xidha Moojo-Hawasa.   Wakaalada ayaa qorsheynayso in sanadkan ay beerto in ka badan 30,000 oo geed oo madani ah oo ay ku jiraan geedo midhood iyo geedo kale oo muhiimad kala duwan uleh deegaanka. Ugu dambayntii barnaamijka raadka cagaarka ee qaranka ee xilliga xagaaga ee 2016T.I ayaa la qorsheeyay in lagu beero 7.5 bilyan oo geed.

Addis Ababa, Afagaal/Hamle, 15/2016T.I.(ENA): Madaxwaynaha DDS, Mudane Mustafe Muxumed Cumar ayaa ka qaybgalay baraamijka ol'olaha dardargelinta barnaamijka raadka cagaaran ee billaha xagaaga ah ee Maamulka Magaalada jigjiga.   Munaasibada lagu daahfurayey Ol'olaha dardargelinta baraamijka raadka cagaaran ee billaha xagaaga ah ee Maamulka Magaalada Jigjiga ayaa lagu qabtay kuliyada tabbabarada xirfadaha kala duwan ee Jigjiga, waxaana ka qayb-galay Madaxwaynaha DDS Mudane Mustafe Muxumed, Masuuliyiin heer Faderal iyo heer deegaan isugu jira iyo bulshada qaybaheeda kala duwan.   Madaxwayne Mustafe ayaa sheegay in Deegaanka laga beeray malaayin dhir ah kuwaasi oo door muhiim ah ku leh nolosha bini'aadamka, xoolaha, Caafimaadka iyo bilicda guud ee deegaanka, bulshada oo dhana looga baahan yahay inay ka qaybqaataan beerista iyo daryeelida dhirta.   Ugu dambayntii masuuliyiinta ayaana dhir-beeris ka sameysay gudaha Kuliyada Tabbabarada Xirfadaha kala duwan ee Jigjiga, madaxwaynaha ayaana ugu dambayntii soo kor meeray bilicda iyo dhirbeerista laga sameeyey gudaha kuliyada

Addis Ababa, Afagaal/Hamle 15, 2016 (ENA) — Hogaaminta iyo taliska ciidamada kumaandooska ayaa fuliyay barnaamijka raadka cagaaan ee dhir beerista ah.   Barnaamijkan ayaa waxaa ka soo qeyb galay Taliyaha ciidanka Kumaandooska Lt. Jen. Shuma Abdheta iyo xubno ka tirsan Taliska Ciidamada.   Waxayna soo kormeereen oo ay indha indheeyeen guud ahaan hawlaha shaqo ee ka socda taliska.

Addis Ababa, Afagaal/Hamle, 15/2016T.I.(ENA): Xafiiska Caafmadka iyo Degamada 06 ee Maamulka Magaalada Diri Dhaba oo iskaashanaya ayaa bilaabay ol'ole nadaafadeed oo lagu nadiifinayo kaabada Kooneel Ilaa iyo Qafiira.   Kuxigeenka Madaxa Xafiiska Cafimaadka Maamulka Magaalada Diri Dhaba Mudane Yuusuf Saciid ayaa sheegay in ololahan nadaafada ay saaka bilabeen u yahay mid socon doona 15kii cishaba maalin, taaso lagu nadiifinayo wadada konel ilaa iyo qafiira iyadoo sigaar ah loogu xilsaaray xafiiska caafimaadka iyo dagmada 06aad.   Waxay ku baaqeen in si wada jir ah aan uga wada shaqayno sidi looga hortagi laha xanuunada ka dhalan kara nadafaddarada. Waxay xuseen in nadaafadu ay tahay iimaanka badhkeed sida ay diinteenu sheegayso.   Waxay sidoo kale bulshada ugu baaqeen in laga shaqeeyo sidii looga fogaan lahaa nadaafaddarada oo ay ka dhalan karto xanuunada faafa.

Addis Ababa, Afagaal/Hamle, 15/2016T.I.(ENA): Wasiirka Maaliyada, Itoobiya Mudane Axmed Shide ayaa barnaamijka raadka cagaaran ee xilliga xagaaga awgeed ka fuliyay dhir beeris magaalada Goondhar ee deegaanka Amxaarada.   Mudane Shide ayaa sheegay in bulshadu looga baahan yahay inay ka qaybqaataan mashaariicaha horumarineed ee socda, maadaama kaqaybgalka bulsho ay muhiim tahay. Waxa uu sheegay in uu booqday oo uu soo arkay dayactirka dhismaha boqortooyada Fasil oo ah dhisme taariikh facweyn leh oo inaga dhaxeeya, isla markaana uu xusay inuu meel wanaagsan marayo dhismaha dib-u-dhiska dhusmaha.   Ugu dambayntii Dr. Dhiras Sahlu, oo ah Isuduwaha qaybta miyiga ahna madaxa xafiiska beeraha ee deegaanka Axmaarada lehna awood madaxweyne kuxigeen ayaa sheegay in ay wadaan dhaq-dhaqaaq lagu beerayo 1.4 bilyan oo dhir ah guud ahaan deegaanka, xilligan xagaaga.

Baaqa Ra'iisul Wasaare kuxigeenka JDFI Mudane Tamasgan Tiruunah ee Barnaamijka Raadka Cagaaran Addis Ababa, Afagaal/Hamle, 12/2016T.I.(ENA): Ra'iisul Wasaare kuxigeenka JDFI Mudane Tamasgan Tiruuneh ayaa ugu baaqay dhamaan shacabweynaha Itoobiya inay ka qaybqaatan barnaamijka raadka cagaaran ee sanadkan 2016T.I ee xilliga xagaaga ah.   Barnaamijkan ayaa ah mid sanad walba la qabto iyadoo sidaan wada ognahay sanadkii hore xilligan oo kale hal maalin guud ahaan lagu beeray 500milyan oo geed. Barnaaminkan ayaana halkudhig looga dhigay sanadkan "dhisida dal iyo jiil beera dhirta".

Hawassa Afagaal/sane 10/2016 (ENA):- Maamulka iyo shaqaalaha kaymaha Itoobiya ayaa wada dhir beerista barnaamij Raadka cagaaran oo ay ka fulinayaan aaga Tulo Kuywata ee maamulka magaalada Hawassa.   Barnaamijka ayaa lagu tilmaamay in lagu beeray geedo muhiimad kala duwan leh oo ay ka mid yihiin dhirta wadaniga ah. Waxaana la tilmaamay in ay ka qayb qaadanayaan ilaalinta harada Hawaasa iyo deegaanka dabiiciga ah ee magaalada iyo bogsiin meelaha dhulka carra guurku kajiro.   Beeritaanka dhirta ka sakow waxa ay maamulka magaalada ku wareejiyeen agab waxbarasho oo loogu talagalay 100 arday oo u baahan in la taageero.   Kabadha Yamam, ,maareeyaha Guud ee Kaymaha Itoobiya, Guddoomiyaha Guddida Joogtada ah ee Beeraha ee Golaha Wakiilada, Solomon Lale, iyo masuuliyiin kale ayaa sidoo kale goob joog ka ahaa barnaamijkan.   Sidoo kale, waxaa goob joog ka ahaa Agaasimaha Guud ee Hay’adda Kaymaha, Deegaanka iyo Isbadalka Cimilada ee Gobolka Sidama mudane Shitaye Yumura, Maayar ku xigeenka Maamulka Magaalada Hawassa mudane Mekuriya Mershaye iyo xubno kale oo maamulka iyo shaqaalaha ka mid ah.

Addis Ababa; Afagaal/sane 8/2016 (ENA): Hoggaanka iyo shaqaalaha Hay’adda Nabad Sugidda Qaranka ayaa qabtay Barnaamijka Raadka Cagaaran ee dhir beerista xilliga xagaaga. Hogaamintaa iyo hawl wadeenada ayaa barnaamijka raadka cagaaran ka fuliyay xarunta Jaamacadda ee Amniga Qaranka. Waxaa la sheegay in barnaamijka uu ka sii socon doono xarumaha kale ee hay`adda. Barnaamijka Raadka cagaaran ayaa intii uu socday waxaa goob joog ka ahaa Agaasime ku xigeenka hay’adda nabadsugidda iyo sirdoonka qaranka, Jeneraal Siisay Tolaa, Ristu Yirdha iyo Taseer Gabra`igsaaber.

Addis Ababa; Afagaal/sane 4/2016 (ENA): Ra’iisul Wasaare Abiy Axmed (Dr.) ayaa sheegay in shaqada xilliga dhir beerista ee barnaamijka raadka cagaaran ,uu bilaw wanaagsan u yahay yoolka aan hiigsannayno. Farriin uu Ra’iisul Wasaaruhu soo dhigay bartiisa baraha bulshada ayuu ku yidhi waxaan maanta beernay geed midhoodka tufaaxa iyadoo lagu beeray mashruuca kaynta ee madaxtooyada cusub.   Ra’iisul wasaaruhu wuxuu sheegay in rabitaanka bulshadeenna ee ku aaddan beerista dhirta uu yahay mid aad u sarreeya. Waxa uu inta ku daray dhir beerista sannadkan waxa ka dhigaya mid gaar ah ayuu yidhi in geedihii hore ee heer daboolka baxar saafka lagu badalay dhirta ama geed midhoodka faa`iidada uleh dalka dhulka.   Waxa uu sheegay in bulshada ka soo jeeda deegaanka Harar iyo Konso ay la wadaageen xirfadooda iyo khibradooda xeeladaha iyo xilliyada looga hortago dhulka si uusan u nabaadguurin. Ugu dambayntii Ra’iisul Wasaaruhu ayaa sheegay inay tahay inaan ka shaqayno oo aan kor u qaadno heer daboolka dhirta ee barnaamijka raadka cagaaran ee Addis Ababa, innagoo si wada jir ah u xoojinayna dadaalkeena barnaamijka Raadka cagaaran ee magaalooyinka dalka.

Ra’iisul Wasaaraha ayaa dhambaalkiisa ku sheegay in uu Ra’iisul Wasaare Abiy Axmed (Dr.) ayaa xadhiga ka jaray isbitaalka guud ee taqasuska leh ee Jaamacadda Arbaminch. Addis Ababa; Agaali/sane 29/2016 (ENA): Ra’iisul Wasaare Abiy Axmed (Dr.) ayaa daah-furay cisbitaalka guud ee taqasuska leh ee Jaamacadda Arbaminch.   Ra’iisul Wasaaraha ayaa fariin uu soo dhigay bartiisa baraha bulshada waxa uu ku shaaciyay in uu maanta xadhiga ka jaray isbitaalka guud ee taqasuska ee jaamacada Arbaminch. Waxa uu sheegay in isbitaalka loo dhisay in uu bixiyo adeeg caafimaad oo dhameystiran.   Waxa uu sheegay in inkasta oo wax badan Laga sugayo, haddana ay wadaan hawlo badan oo ku aaddan sidii adeeg caafimaad oo ku filan muwaadiniinteena loogu heli lahaa dhinaca caafimaadka ah. Ra’iisul Wasaaraha ayaa dhambaalkiisa ku sheegay in uu aad ugu mahadcelineyno bahda caafimaadka ee ku dadaalaysa sidii muwaadiniinta ay u heli lahaayeen adeegyada aasaasiga ah ee caafimaadka. Wuxuu sharxay in wax tarka iyo joogtaynta adeeggaaga ay aad muhiim ugu yihiin dadaalladayada aan joogsiga lahayn ee lagu casriyeynayo nidaamka daryeelka caafimaadka.  

Addis Ababa, Agaali/Sane, 28/2016T.I.(ENA): Madaxweynaha DDS Mudane Mustafe Muxumed ayaa kale sheegay in dhirta la beeray sannadadii la soo dhaafay ay u keentay magaalooyinka bilic wanaagsan marka laga soo tago faa’iidooyinka ay u leedahay ilaalinta deegaanka iyo isbedelka cimilada. Madaxweynaha ayaa waraysi uu siiyay wakaalada wararka ee Itoobiya sheegay in barnaamijka raadka cagaaran uu yahay arrin muhiim u ah ilaalinta deegaanka, kaasoo si uu sheegay in uu si weyn uga hortagayo isbeddelka cimilada ee saameeyey deegaanka. Waxa uu sheegay in tan iyo markii barnaamijka raadka cagaaran uu si rasmi ah u bilaabay Ra’iisul Wasaare Dr. Abiy Axmed uu noqdo mid faa'iido u yeesha, ka hortaga isbedelka cimilada iyo isku filnaanshaha cunto iyadoo ay hirgaliyaan sanad walba dhamaan deegaannada dalka.   Sanadadii la soo dhaafay, marka laga reebo ilaalinta deegaanka ee dhirta dhulka joogiisu hooseeyo ee deegaanka, waxaa la qabtay shaqooyin balaadhan oo barnaamijka raadka cagaaran ah oo isbedel la taaban karo laga dareemayo magaalooyinka deegaanka   Kordhinta heer daboolka dhirta ee kaymaha ee magaalooyinka, raadka cagaaran ayaa keenay isbeddel ballaaran oo bilicda iyo dabeecadda cimilada magaalooyinka, marka laga soo taho faa'iidada ka hortagga saameynta isbeddelka cimilada.   Magaalooyinka Goday, Qaridahar iyo Dhagaxbuur ayaa kamid ah magaalooyinka sida wayn looga hirgaliyay barnaamijka raadka cagaaran ee deegaanka. Cabdulaahi Cali, Duqa magaalada Godey ayaa sheegay in isbedelkii kadib magaalada Godey laga dareemayo horumar balaadhan oo dhanka kaabayaasha dhaqaalaha ah iyo maalgashiga. Waxay uu cadeeyey inay hirgaliyeen goobo cagaarin ah oo bilicda magaalada kor u qaaday noqotayna goobo madadaalo oo ay dadwaynuhu wakhti ku qaataan, iyadoo shaqo abuur ay ka heleen bulsho kala duwan. Dhankiisa Duqa Maamulka Magaalada Qab

Addis Ababa, Agaali/Sane, 28/2016T.I.(ENA): Kulankani dardaaranka ah oo uu soo agaasimay Xafiiska Maaraynta Khatataha Masiibooyinka DDS ayaa waxaa kasoo qaybgalay Madaxa Xafiiska Maaraynta Khataraha Masiibooyinka DDS, lataliyaha madaxweynaha ee dhanka bini'aadantinimada, xafiisyada bahwadaagta ah sida caafimaadka, biyaha, xoolaha, waxbarashada, haweenka iyo hay'adaha bah-wadaagta ah ee samafalka.   Daraasaadkan oo ah mid joogto ah oo sanadkii laba jeer ama hal mar la baxo ayaa xoogga lagu saaraa waxkabadalka iyo wax ka qabashada baahiyaha jira ee dhanka bulshada. Madaxa Xafiiska Maaraynta Khataraha Masiibooyinka DDS Mudane Axmed-yaasiin Sheekh Ibraahim iyo lataliyaha madaxweynaha ee dhanka bini'aadantinimada Mudane Axmed Ismaaciil ayaa sheegay in qorshaha cusub ee dal ahaan la qaatay uu yahay in loo guuro isku filnaansho, lagana maarmo gargaarka dibada inooga imanaya.   Sida ay tabisay warbaahinta deegaanka ee SRTV, masuuliyiinta ayaa kooxaha baxaya usoo jeediyey inay xooga saaraan uruurinta xogaha dhabta ah, si natiijada kasoo baxayda xog-ururintaasi ay u noqoto mid lagu kalsoonaan karo.